ਗੋਲਗੱਪੇ ਹੀ ਖਾਦੇ ਸੀ, 6 ਸਾਲ ਦੇ ਬੱਚੇ ਦੀ ਹੋਈ ਦਰਦਨਾਕ ਮੌਤ

6 months ਪਹਿਲਾ

ਨਵੀਂ ਦਿੱਲੀ (ਦੈਨਿਕ ਸਵੇਰਾ): ਝਾਰਖੰਡ ਦੇ ਗਿਰਿਡੀਹ ਜ਼ਿਲ੍ਹੇ ਵਿੱਚ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਗੋਲਗੱਪੇ ਖਾਣ ਤੋਂ ਬਾਅਦ ਪੂਰਾ ਪਿੰਡ ਬੀਮਾਰ ਪੈ ਗਿਆ। ਮੁਫ਼ਸਿਲ ਥਾਣਾ ਖੇਤਰ ਦੇ ਬਜਟੋ ਪਿੰਡ ਵਿੱਚ ਸ਼ਨੀਵਾਰ ਸ਼ਾਮ ਇੱਕ ਠੇਲੇ ਵਾਲੇ ਤੋਂ ਗੋਲਗੱਪੇ ਖਾਣ ਦੇ ਬਾਅਦ 36 ਤੋਂ ਵੱਧ ਲੋਕ ਫੂਡ ਪੋਇਜ਼ਨਿੰਗ ਦਾ ਸ਼ਿਕਾਰ ਹੋ ਗਏ। ਇਸ ਦੌਰਾਨ 6 ਸਾਲ ਦੇ ਇੱਕ ਮਾਸੂਮ ਬੱਚੇ ਦੀ ਇਲਾਜ ਦੌਰਾਨ ਦਰਦਨਾਕ ਮੌਤ ਹੋ ਗਈ, ਜਦਕਿ ਕਈ ਬੱਚੇ ਅਤੇ ਔਰਤਾਂ ਗੰਭੀਰ ਹਾਲਤ ਵਿੱਚ ਹਸਪਤਾਲ ਵਿੱਚ ਦਾਖ਼ਲ ਹਨ। ਪਿੰਡ ਵਿੱਚ ਦਹਿਸ਼ਤ ਅਤੇ ਸੋਗ ਦਾ ਮਾਹੌਲ ਬਣ ਗਿਆ ਹੈ।

ਸ਼ਾਮ ਨੂੰ ਖਾਧੇ ਗੋਲਗੱਪੇ, ਸੇਵਰ ਹੁੰਦੇ ਹੀ ਹਾਲਤ ਹੋਰ ਖਰਾਬ 

ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਸ਼ਨੀਵਾਰ ਸ਼ਾਮ ਇੱਕ ਠੇਲੇ ਵਾਲਾ ਪਿੰਡ ਵਿੱਚ ਘੁੰਮ ਕੇ ਗੋਲਗੱਪੇ ਵੇਚ ਰਿਹਾ ਸੀ। ਕਈ ਬੱਚਿਆਂ, ਔਰਤਾਂ ਅਤੇ ਮਰਦਾਂ ਨੇ ਉਸ ਤੋਂ ਗੋਲਗੱਪੇ ਖਾਧੇ। ਰਾਤ ਨੂੰ ਕੁਝ ਲੋਕਾਂ ਨੂੰ ਹਲਕੀ ਬੇਚੈਨੀ ਅਤੇ ਪੇਟ ਦਰਦ ਹੋਇਆ, ਪਰ ਐਤਵਾਰ ਸਵੇਰ ਤੱਕ ਹਾਲਤ ਬਹੁਤ ਖਰਾਬ ਹੋ ਗਈ। ਜਿਨ੍ਹਾਂ ਨੇ ਵੀ ਗੋਲਗੱਪੇ ਖਾਧੇ ਸਨ, ਸਭ ਨੂੰ ਬੁਖਾਰ, ਪੇਟ ਦਰਦ, ਉਲਟੀਆਂ ਅਤੇ ਦਸਤਾਂ ਦੀ ਸ਼ਿਕਾਇਤ ਹੋਣ ਲੱਗੀ। ਕੁਝ ਹੀ ਘੰਟਿਆਂ ਵਿੱਚ ਪਿੰਡ ਵਿੱਚ ਹਾਹਾਕਾਰ ਮਚ ਗਿਆ।

ਰੋਜ ਸੈਰ ਕਰਨਾ ਕਿਨ੍ਹਾ ਜਿਆਦਾ ਲਾਹੇਵੰਦ, Park ‘ਚ ਪਹੁੰਚੇ ਲੋਕਾਂ ਨੇ ਦੱਸੇ ਫਾਇਦੇ

ਇਲਾਜ ਦੌਰਾਨ 6 ਸਾਲ ਦੇ ਬੱਚੇ ਦੀ ਮੌਤ

ਹਾਲਾਤ ਬਿਗੜਦੇ ਦੇਖ ਪਿੰਡ ਵਾਸੀਆਂ ਨੇ ਮਰੀਜ਼ਾਂ ਨੂੰ ਤੁਰੰਤ ਗਿਰਿਡੀਹ ਸਦਰ ਹਸਪਤਾਲ ਪਹੁੰਚਾਇਆ। ਇਲਾਜ ਦੌਰਾਨ 5 ਸਾਲ ਦੇ ਰੰਜਨ ਕੁਮਾਰ ਨੇ ਦਮ ਤੋੜ ਦਿੱਤਾ। ਬੱਚੇ ਦੀ ਮੌਤ ਨਾਲ ਪਰਿਵਾਰ ਵਿੱਚ ਰੋਣਾ-ਪੀਟਣਾ ਮਚ ਗਿਆ। ਹਸਪਤਾਲ ਵਿੱਚ ਦਾਖ਼ਲ ਹੋਰ ਮਰੀਜ਼ਾਂ ਵਿੱਚ ਜ਼ਿਆਦਾਤਰ ਬੱਚੇ ਹਨ—12 ਸਾਲ ਦਾ ਦਿਵਾਕਰ, 10 ਸਾਲ ਦੀ ਅਨੁਰਾਧਾ, 11 ਸਾਲ ਦੀ ਰੀਆ, 8 ਸਾਲ ਦੀ ਰਾਨੀ ਸਮੇਤ ਕਈ ਹੋਰ—ਜੋ ਗੰਭੀਰ ਹਾਲਤ ਵਿੱਚ ਹਨ। ਡਾਕਟਰਾਂ ਦੀ ਖ਼ਾਸ ਟੀਮ ਲਗਾਤਾਰ ਇਨ੍ਹਾਂ ਦੀ ਨਿਗਰਾਨੀ ਕਰ ਰਹੀ ਹੈ।

ਪ੍ਰਸ਼ਾਸਨ ਸਚੇਤ, ਠੇਲੇ ਵਾਲਾ ਫਰਾਰ

ਇੱਕੋ ਵਾਰ ਇੰਨੇ ਲੋਕਾਂ ਦੇ ਬੀਮਾਰ ਹੋਣ ਅਤੇ ਇੱਕ ਬੱਚੇ ਦੀ ਮੌਤ ਦੀ ਖ਼ਬਰ ਨਾਲ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਸਿਹਤ ਵਿਭਾਗ ਵਿੱਚ ਹੜਕੰਪ ਮਚ ਗਿਆ। ਉਪਾਯੁਕਤ ਰਾਮਨਿਵਾਸ ਯਾਦਵ, ਸਦਰ SDM ਅਤੇ ਸਿਵਲ ਸਰਜਨ ਤੁਰੰਤ ਹਸਪਤਾਲ ਪਹੁੰਚੇ ਅਤੇ ਇਲਾਜ ਦੀ ਸਥਿਤੀ ਦਾ ਜਾਇਜ਼ਾ ਲਿਆ।
ਸਿਵਲ ਸਰਜਨ ਡਾ. ਬੱਚਾ ਪ੍ਰਸਾਦ ਸਿੰਘ ਨੇ ਕਿਹਾ ਕਿ ਇਹ ਸਪੱਸ਼ਟ ਤੌਰ ‘ਤੇ ਫੂਡ ਪੋਇਜ਼ਨਿੰਗ ਦਾ ਮਾਮਲਾ ਹੈ। ਹਸਪਤਾਲ ਵਿੱਚ ਦਾਖ਼ਲ ਹੋਰ ਮਰੀਜ਼ਾਂ ਦੀ ਹਾਲਤ ਹੁਣ ਸਥਿਰ ਦੱਸੀ ਜਾ ਰਹੀ ਹੈ।

ਇਸੇ ਦੌਰਾਨ ਪੁਲਿਸ ਨੇ ਉਸ ਠੇਲੇ ਵਾਲੇ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ, ਜੋ ਪਾਲਮੋ ਪਿੰਡ ਦਾ ਰਹਿਣ ਵਾਲਾ ਹੈ ਅਤੇ ਜਿਸਨੇ ਬਜਟੋ ਪਿੰਡ ਵਿੱਚ ਗੋਲਗੱਪੇ ਵੇਚੇ ਸਨ।

golgapy