ਜੇਕਰ ਤੁਸੀਂ ਰੋਜ਼ਾਨਾ WhatsApp ਵੈੱਬ ਜਾਂ WhatsApp ਡੈਸਕਟਾਪ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਜਾਣਕਾਰੀ ਤੁਹਾਡੇ ਲਈ ਬਹੁਤ ਜ਼ਰੂਰੀ ਹੈ। ਭਾਰਤ ਸਰਕਾਰ ਦੀ ਸਾਈਬਰ ਸੁਰੱਖਿਆ ਏਜੰਸੀ CERT-In ਨੇ ਇੱਕ ਨਵੀਂ ਚੇਤਾਵਨੀ ਜਾਰੀ ਕਰਦੇ ਹੋਏ ਦੱਸਿਆ ਹੈ ਕਿ ਸਾਈਬਰ ਅਪਰਾਧੀ WhatsApp ਰਾਹੀਂ ਮਾਲਵੇਅਰ ਫੈਲਾ ਕੇ ਲੋਕਾਂ ਦੇ ਕੰਪਿਊਟਰ ਅਤੇ ਲੈਪਟਾਪ ਨੂੰ ਨਿਸ਼ਾਨਾ ਬਣਾ ਰਹੇ ਹਨ। ਥੋੜ੍ਹੀ ਜਿਹੀ ਲਾਪਰਵਾਹੀ ਤੁਹਾਡੀ ਨਿੱਜੀ ਜਾਣਕਾਰੀ, ਪਾਸਵਰਡ ਅਤੇ ਬੈਂਕਿੰਗ ਡਾਟਾ ਚੋਰੀ ਹੋਣ ਦਾ ਕਾਰਨ ਬਣ ਸਕਦੀ ਹੈ।
ਏਜੰਸੀ ਮੁਤਾਬਕ, ਹੈਕਰ ਪਹਿਲਾਂ ਕਿਸੇ ਵਿਅਕਤੀ ਦਾ WhatsApp ਖਾਤਾ ਹੈਕ ਕਰਦੇ ਹਨ ਅਤੇ ਫਿਰ ਉਸੇ ਖਾਤੇ ਤੋਂ ਉਸਦੇ ਦੋਸਤਾਂ ਜਾਂ ਸਹਿਕਰਮੀਆਂ ਨੂੰ .vbs (VBScript) ਫਾਈਲ ਭੇਜਦੇ ਹਨ। ਕਿਉਂਕਿ ਸੁਨੇਹਾ ਜਾਣ-ਪਛਾਣ ਵਾਲੇ ਨੰਬਰ ਤੋਂ ਆਉਂਦਾ ਹੈ, ਕਈ ਲੋਕ ਬਿਨਾਂ ਜਾਂਚ ਕੀਤੇ ਫਾਈਲ ਖੋਲ੍ਹ ਲੈਂਦੇ ਹਨ। ਜਿਵੇਂ ਹੀ ਇਹ ਫਾਈਲ ਕੰਪਿਊਟਰ ‘ਤੇ ਖੁੱਲਦੀ ਹੈ, ਮਾਲਵੇਅਰ ਸਿਸਟਮ ਵਿੱਚ ਇੰਸਟਾਲ ਹੋ ਸਕਦਾ ਹੈ ਅਤੇ ਹੈਕਰਾਂ ਨੂੰ ਡਿਵਾਈਸ ‘ਤੇ ਕਾਬੂ ਮਿਲ ਸਕਦਾ ਹੈ।
CBSE 10ਵੀਂ ਦੂਜੀ ਬੋਰਡ ਪ੍ਰੀਖਿਆ 2026 ਦਾ ਨਤੀਜਾ ਕਦੋਂ ਆਵੇਗਾ? ਜਾਣੋ ਤਾਜ਼ਾ ਅਪਡੇਟ ਅਤੇ ਚੈੱਕ ਕਰਨ ਦਾ ਆਸਾਨ ਤਰੀਕਾ
ਇਸ ਤੋਂ ਬਾਅਦ ਸਾਈਬਰ ਅਪਰਾਧੀ ਤੁਹਾਡੇ ਈਮੇਲ, ਸੋਸ਼ਲ ਮੀਡੀਆ ਅਤੇ ਇੰਟਰਨੈੱਟ ਬੈਂਕਿੰਗ ਖਾਤਿਆਂ ਦੀ ਜਾਣਕਾਰੀ ਚੋਰੀ ਕਰ ਸਕਦੇ ਹਨ। ਉਹ ਤੁਹਾਡੀਆਂ ਨਿੱਜੀ ਫਾਈਲਾਂ ਤੱਕ ਪਹੁੰਚ ਹਾਸਲ ਕਰ ਸਕਦੇ ਹਨ ਅਤੇ ਜੇਕਰ ਇਹ ਦਫ਼ਤਰੀ ਕੰਪਿਊਟਰ ਹੋਵੇ ਤਾਂ ਪੂਰੇ ਨੈੱਟਵਰਕ ਨੂੰ ਵੀ ਖ਼ਤਰੇ ਵਿੱਚ ਪਾ ਸਕਦੇ ਹਨ।
CERT-In ਨੇ ਸਲਾਹ ਦਿੱਤੀ ਹੈ ਕਿ WhatsApp ‘ਤੇ ਆਉਣ ਵਾਲੀ ਕਿਸੇ ਵੀ .vbs ਫਾਈਲ ਨੂੰ ਨਾ ਖੋਲ੍ਹੋ, ਭਾਵੇਂ ਉਹ ਕਿਸੇ ਜਾਣਕਾਰ ਵੱਲੋਂ ਹੀ ਕਿਉਂ ਨਾ ਭੇਜੀ ਗਈ ਹੋਵੇ। ਫਾਈਲ ਖੋਲ੍ਹਣ ਤੋਂ ਪਹਿਲਾਂ ਭੇਜਣ ਵਾਲੇ ਨਾਲ ਫੋਨ ਜਾਂ ਸੁਨੇਹੇ ਰਾਹੀਂ ਪੁਸ਼ਟੀ ਕਰੋ। ਨਾਲ ਹੀ ਆਪਣੇ ਕੰਪਿਊਟਰ, ਓਪਰੇਟਿੰਗ ਸਿਸਟਮ ਅਤੇ ਐਂਟੀਵਾਇਰਸ ਨੂੰ ਹਮੇਸ਼ਾਂ ਅਪਡੇਟ ਰੱਖੋ। ਥੋੜ੍ਹੀ ਜਿਹੀ ਸਾਵਧਾਨੀ ਤੁਹਾਨੂੰ ਵੱਡੇ ਸਾਈਬਰ ਹਮਲੇ ਤੋਂ ਬਚਾ ਸਕਦੀ ਹੈ।
ਰੋਹਤਕ ਵਿੱਚ ਨਵੀਨ ਜੈਹਿੰਦ ਦਾ ਵੱਡਾ ਦਾਅਵਾ, ਭਰਤ ਤਿਵਾੜੀ ਐਨਕਾਊਂਟਰ ‘ਤੇ ਚੁੱਕੇ ਸਵਾਲ