ਸੁਰੱਖਿਆ ਬਲਾਂ ਦੀ ਵੱਡੀ ਕਾਰਵਾਈ: TTP ਆਤੰਕੀ ਢੇਰ, ਚਾਰ ਅਧਿਕਾਰੀ ਅਗਵਾ

3 months पहले

ਨਵੀਂ ਦਿੱਲੀ: ਸਥਾਨਕ ਪੁਲਿਸ ਅਨੁਸਾਰ ਪਾਕਿਸਤਾਨ ਦੇ ਉੱਤਰ-ਪੱਛਮੀ ਖੈਬਰ ਪਖਤੂਨਖਵਾ ਸੂਬੇ ਵਿੱਚ ਸੁਰੱਖਿਆ ਬਲਾਂ ਨੇ ਪਾਬੰਦੀਸ਼ੁਦਾ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀਟੀਪੀ) ਦੇ ਇੱਕ ਅਫਗਾਨ ਮੂਲ ਦੇ ਮੁੱਖ ਅੱਤਵਾਦੀ ਨੂੰ ਢੇਰ ਕਰ ਦਿੱਤਾ। ਪੀਰ ਆਗਾ ਕੰਧਾਰੀ ਨੂੰ ਮੰਗਲਵਾਰ ਦੇ ਦਿਨ ਅਫਗਾਨਿਸਤਾਨ ਦੀ ਸਰਹੱਦ ਨਾਲ ਲੱਗਦੇ ਬਾਜੌਰ ਜ਼ਿਲ੍ਹੇ ਦੇ ਘਬੀਰ ਖੇਤਰ ਵਿੱਚ ਚਲਾਈ ਗਈ ਇੱਕ ਵਿਸ਼ੇਸ਼ ਕਾਰਵਾਈ ਦੌਰਾਨ ਮਾਰਿਆ ਗਿਆ। ਕੰਧਾਰੀ ਸੁਰੱਖਿਆ ਬਲਾਂ ‘ਤੇ ਹਮਲਿਆਂ ਅਤੇ ਨਿਰਦੋਸ਼ ਨਾਗਰਿਕਾਂ ਦੀ ਹੱਤਿਆ ਸਮੇਤ ਕਈ ਅੱਤਵਾਦੀ ਗਤੀਵਿਧੀਆਂ ਵਿੱਚ ਸ਼ਾਮਲ ਸੀ। ਟੀਟੀਪੀ ਦੇ ਬਜੌਰ ਕਮਾਂਡਰ ਮਲੰਗ ਬਾਦਸ਼ਾਹ ਨੇ ਇੱਕ ਆਡੀਓ ਸੰਦੇਸ਼ ਰਾਹੀਂ ਕੰਧਾਰੀ ਦੀ ਮੌਤ ਦੀ ਪੁਸ਼ਟੀ ਕੀਤੀ।

ਫਾਜ਼ਿਲਕਾ ‘ਚ ਹੜ੍ਹਾਂ ਨੇ ਫਿਰ ਮਚਾਇਆ ਕਹਿਰ — ਘਰਾਂ ‘ਚ ਵੜਿਆ ਪਾਣੀ, ਫਸਲਾਂ ਤਬਾਹ

ਇਸੇ ਦਿਨ ਬੰਨੂ ਜ਼ਿਲ੍ਹੇ ਵਿੱਚ ਹੋਈਆਂ ਦੋ ਵੱਖ-ਵੱਖ ਘਟਨਾਵਾਂ ਵਿੱਚ ਚਾਰ ਸਰਕਾਰੀ ਅਧਿਕਾਰੀਆਂ ਨੂੰ ਅਗਵਾ ਕਰ ਲਿਆ ਗਿਆ ਜਿਨ੍ਹਾਂ ਵਿੱਚ ਦੋ ਹਾਈ ਸਕੂਲ ਅਧਿਆਪਕ ਵੀ ਸ਼ਾਮਲ ਹਨ। ਮੁੱਢਲੀਆਂ ਰਿਪੋਰਟਾਂ ਮੁਤਾਬਕ ਹਥਿਆਰਬੰਦ ਵਿਅਕਤੀਆਂ ਨੇ ਅਧਿਆਪਕਾਂ ਨੂੰ ਬੰਦੂਕ ਦੀ ਨੋਕ ‘ਤੇ ਇੱਕ ਵਾਹਨ ਵਿੱਚ ਬਿਠਾ ਕੇ ਕਿਸੇ ਅਣਜਾਣ ਥਾਂ ‘ਤੇ ਲੈ ਗਏ। ਇਸ ਤੋਂ ਇਲਾਵਾ ਬੇਨਜ਼ੀਰ ਇਨਕਮ ਸਪੋਰਟ ਪ੍ਰੋਗਰਾਮ (BISP) ਦੇ ਦੋ ਕਰਮਚਾਰੀਆਂ ਨੂੰ ਭੁਗਤਾਨ ਵੰਡ ਕੇਂਦਰ ਤੋਂ ਅਗਵਾ ਕੀਤਾ ਗਿਆ। ਬੰਨੂ ਦੇ ਜ਼ਿਲ੍ਹਾ ਪੁਲਿਸ ਅਧਿਕਾਰੀ (DPO) ਸਲੀਮ ਕੁਲਾਚੀ ਨੇ ਦੱਸਿਆ ਕਿ 15 ਤੋਂ 20 ਅੱਤਵਾਦੀਆਂ ਦੇ ਇੱਕ ਸਮੂਹ ਨੇ ਇਹ ਅਗਵਾ ਕੀਤੀ। ਹਾਲਾਂਕਿ ਇਹ ਸਪਸ਼ਟ ਨਹੀਂ ਹੋ ਸਕਿਆ ਕਿ ਕੀ ਅੱਤਵਾਦੀਆਂ ਨੇ ਪੀੜਤਾਂ ਤੋਂ ਕੋਈ ਫਿਰੋਤੀ ਮੰਗੀ। ਪੁਲਿਸ ਨੇ ਪੀੜਤਾਂ ਦੀ ਖੋਜ ਅਤੇ ਬਚਾਅ ਲਈ ਜਾਂਚ ਮੁਹਿੰਮ ਸ਼ੁਰੂ ਕਰ ਦਿੱਤੀ ਹੈ।

ਡਰੋਨ ਰਾਹੀਂ ਆਏ ਹਥਿਆਰ ਬਰਾਮਦ — ਬੀਐਸਐਫ ਨੇ ਰਚੀ ਸਾਜ਼ਿਸ਼ ਨਾਕਾਮ