ਨਵੀਂ ਦਿੱਲੀ/ਬ੍ਰਾਸੀਲੀਆ : ਬ੍ਰਾਜ਼ੀਲ (Brazil) ਦੇ ਦੱਖਣੀ ਰਾਜ ਪਰਾਨਾ (Parana) ਵਿੱਚ ਐਤਵਾਰ ਨੂੰ ਇੱਕ ਬੇਹੱਦ ਸ਼ਕਤੀਸ਼ਾਲੀ ਟੋਰਨੇਡੋ (Tornado) ਨੇ ਭਾਰੀ ਤਬਾਹੀ ਮਚਾ ਦਿੱਤੀ ਹੈ। ਸਥਾਨਕ ਅਧਿਕਾਰੀਆਂ ਅਨੁਸਾਰ, ਇਸ ਤੂਫ਼ਾਨ ਨੇ Rio Bonito do Iguaçu ਸ਼ਹਿਰ ਦੇ ਲਗਭਗ 90% ਹਿੱਸੇ ਨੂੰ ਸਿਰਫ਼ ਇੱਕ ਮਿੰਟ ਵਿੱਚ ਉਜਾੜ ਦਿੱਤਾ। ਇਸ ਵਿਨਾਸ਼ਕਾਰੀ ਘਟਨਾ ‘ਚ ਹੁਣ ਤਕ 6 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਕ ਵਿਅਕਤੀ ਲਾਪਤਾ ਹੈ ਅਤੇ 750 ਤੋਂ ਵੱਧ ਲੋਕ ਜ਼ਖਮੀ (injured) ਹੋਏ ਹਨ।
14 ਹਜ਼ਾਰ ਦੀ ਆਬਾਦੀ ਵਾਲਾ ਸ਼ਹਿਰ ਤਬਾਹ
ਇਸ ਆਫ਼ਤ-ਗ੍ਰਸਤ ਸ਼ਹਿਰ ਦੀ ਆਬਾਦੀ ਲਗਭਗ 14,000 ਹੈ। ਦੱਸ ਦਈਏ ਕਿ ਹਾਦਸੇ ‘ਚ ਹੋਏ ਜ਼ਖਮੀਆਂ ਵਿੱਚੋਂ 10 ਲੋਕਾਂ ਦੀ ਸਰਜਰੀ ਕੀਤੀ ਗਈ ਹੈ, ਜਦਕਿ 9 ਦੀ ਹਾਲਤ ਅਜੇ ਵੀ ਗੰਭੀਰ ਬਣੀ ਹੋਈ ਹੈ। ਪਰਾਨਾ (Parana) ਰਾਜ ਦੇ ਗਵਰਨਰ ਕਾਰਲੋਸ ਮਾਸਾ ਰਾਟਿਨਹੋ ਜੂਨੀਅਰ ਨੇ ਰਾਜ ਵਿੱਚ ਤਿੰਨ ਦਿਨਾਂ ਦੇ ਸੋਗ (mourning) ਦਾ ਐਲਾਨ ਕੀਤਾ ਹੈ।
ਤੜਕੇ ਪਾਕਿ ਤੇ ਮਿਆਂਮੀਰ ‘ਚ ਲੱਗੇ ਭੂਚਾਲ ਦੇ ਝਟਕੇ, ਜਾਨ-ਮਾਲ ਤੋਂ ਬਚਾਅ
ਰਾਸ਼ਟਰਪਤੀ ਲੂਲਾ ਨੇ ਭੇਜੀ ਮਦਦ
ਬ੍ਰਾਜ਼ੀਲ (Brazil) ਦੇ ਰਾਸ਼ਟਰਪਤੀ ਲੁਈਜ਼ ਇਨਾਸੀਓ ਲੂਲਾ ਦਾ ਸਿਲਵਾ (Lula da Silva) ਨੇ ‘X’ (ਪਹਿਲਾਂ ਟਵਿੱਟਰ) ‘ਤੇ ਪੋਸਟ ਕਰਕੇ ਇਸ ਘਟਨਾ ‘ਤੇ ਦੁੱਖ ਜਤਾਇਆ ਅਤੇ ਪ੍ਰਭਾਵਿਤ ਪਰਿਵਾਰਾਂ ਨਾਲ ਹਮਦਰਦੀ ਪ੍ਰਗਟ ਕੀਤੀ। ਉਨ੍ਹਾਂ ਦੱਸਿਆ ਕਿ ਕੇਂਦਰ ਸਰਕਾਰ (Central Government) ਦੀ ਇੱਕ ਟੀਮ ਪ੍ਰਭਾਵਿਤ ਖੇਤਰ ਵਿੱਚ ਭੇਜ ਦਿੱਤੀ ਗਈ ਹੈ ਅਤੇ ਰਾਹਤ ਤੇ ਪੁਨਰ ਨਿਰਮਾਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਬਚਾਅ ਕਾਰਜ ਜਾਰੀ, ਵਧ ਸਕਦੀ ਹੈ ਮ੍ਰਿਤਕਾਂ ਦੀ ਗਿਣਤੀ
ਪ੍ਰਸ਼ਾਸਨ ਨੇ ਦੱਸਿਆ ਕਿ ਆਫ਼ਤ-ਗ੍ਰਸਤ ਇਲਾਕਿਆਂ ਵਿੱਚ ਬਚਾਅ ਅਤੇ ਰਾਹਤ ਕਾਰਜ ਤੇਜੀ ਨਾਲ ਜਾਰੀ ਹਨ। ਅਧਿਕਾਰੀਆਂ ਨੂੰ ਖਦਸ਼ਾ ਹੈ ਕਿ ਲਾਪਤਾ ਵਿਅਕਤੀ ਦੇ ਮਲਬੇ ਹੇਠ ਦੱਬੇ ਹੋਣ ਕਾਰਨ, ਮ੍ਰਿਤਕਾਂ ਦੀ ਗਿਣਤੀ ਅਜੇ ਹੋਰ ਵਧ ਸਕਦੀ ਹੈ।
ਗੁਰੂ ਕਾ ਬਾਗ ਮੋਰਚਾ 1922: ਅੰਗਰੇਜ਼ੀ ਰਾਜ ਵਿਰੁੱਧ ਸਿੱਖਾਂ ਦੀ ਅਡੋਲ ਲੜਾਈ