ਪੰਜਾਬ ਡੈਸਕ: ਪੰਜਾਬ ਨੇ ਵਿਸ਼ੇਸ਼ ਸਟੀਲ ਨਿਰਮਾਣ ਖੇਤਰ ਵਿੱਚ ਇੱਕ ਵੱਡੀ ਗ੍ਰੀਨਫੀਲਡ ਨਿਵੇਸ਼ ਨੂੰ ਆਪਣੀ ਝੋਲੀ ਵਿੱਚ ਪਾਇਆ ਹੈ ਜਿਸ ਨਾਲ ਰਾਜ ਦੀ ਉਦਯੋਗਿਕ ਅਤੇ ਧਾਤੂ ਉਦਯੋਗ ਸੰਬੰਧੀ ਢਾਂਚੇ ਨੂੰ ਹੋਰ ਮਜ਼ਬੂਤੀ ਮਿਲੇਗੀ। ਇਹ ਜਾਣਕਾਰੀ ਪੰਜਾਬ ਦੇ ਉਦਯੋਗ ਵਪਾਰ ਨਿਵੇਸ਼ ਪ੍ਰਚਾਰ ਅਤੇ ਬਿਜਲੀ ਮੰਤਰੀ ਸੰਜੀਵ ਅਰੋੜਾ ਨੇ ਦਿੱਤੀ।
NEET ‘ਚ ਅਸਫਲਤਾ ਤੋਂ ਨਿਰਾਸ਼ ਹੋ ਕੇ ਵਿਦਿਆਰਥੀ ਨੇ ਰਚੀ ਖੌਫਨਾਕ ਸਾਜਿਸ਼: ਵਿਦਿਆਰਥੀ ਨੇ ਕੱਟਿਆ ਆਪਣਾ ਹੀ ਅੰਗ….
ਉਨ੍ਹਾਂ ਦੱਸਿਆ ਕਿ ਅਰੋੜਾ ਆਇਰਨ ਗਰੁੱਪ ਨਾਲ ਸੰਬੰਧਤ ਏਆਈਐਸਆਰਐਮ ਮਲਟੀਮੈਟਲਜ਼ ਪ੍ਰਾਈਵੇਟ ਲਿਮਟਿਡ ਵੱਲੋਂ ਲੁਧਿਆਣਾ ਜ਼ਿਲ੍ਹੇ ਦੇ ਦੌਰਾਹਾ ਖੰਨਾ ਰੋਡ ਸਥਿਤ ਪਿੰਡ ਜਸਪੱਲੋਂ ਵਿੱਚ ਇੱਕ ਆਧੁਨਿਕ ਸਟੀਲ ਨਿਰਮਾਣ ਯੂਨਿਟ ਸਥਾਪਤ ਕਰਨ ਲਈ ₹1003.57 ਕਰੋੜ ਦਾ ਨਿਵੇਸ਼ ਕੀਤਾ ਜਾ ਰਿਹਾ ਹੈ। ਇਹ ਪ੍ਰਾਜੈਕਟ ਲਗਭਗ 46 ਏਕੜ ਜ਼ਮੀਨ ‘ਤੇ ਬਣਾਇਆ ਜਾਵੇਗਾ ਅਤੇ ਤਿੰਨ ਪੜਾਅ ਵਿੱਚ ਲਾਗੂ ਕੀਤਾ ਜਾਵੇਗਾ ਜਿਸਦਾ ਪਹਿਲਾ ਪੜਾਅ ਸਤੰਬਰ 2027 ਤੱਕ ਚਾਲੂ ਹੋਣ ਦੀ ਉਮੀਦ ਹੈ।
ਇਹ ਨਵਾਂ ਯੂਨਿਟ ਸਾਲਾਨਾ 5.40 ਲੱਖ ਮੈਟ੍ਰਿਕ ਟਨ ਉਤਪਾਦਨ ਸਮਰੱਥਾ ਨਾਲ ਰਾਊਂਡ ਬਾਰ ਵਾਇਰ ਰਾਡ ਕੋਇਲ ਅਤੇ ਫਲੈਟ ਵਰਗੇ ਉਤਪਾਦ ਤਿਆਰ ਕਰੇਗਾ। ਇਹ ਯੂਨਿਟ ਤਕਰੀਬਨ 350 ਦਿਨ ਤੱਕ ਤਿੰਨ ਸ਼ਿਫਟਾਂ ਵਿੱਚ ਚੱਲੇਗਾ ਜੋ ਇਸਦੇ ਵਿਸ਼ਾਲ ਪੱਧਰ ਅਤੇ ਲਗਾਤਾਰ ਉਤਪਾਦਨ ਦੀ ਗੱਲ ਦੱਸਦਾ ਹੈ।
ਲੁਧਿਆਣਾ ‘ਚ MBA ਵਿਦਿਆਰਥੀ ਦੀ ਗੋਲੀ ਮਾਰ ਕੇ ਹੱਤਿਆ, ਸੜਕ ‘ਤੇ ਮਿਲੀ ਲਾਸ਼
ਸੰਜੀਵ ਅਰੋੜਾ ਨੇ ਕਿਹਾ ਕਿ ਇਹ ਪਲਾਂਟ ਇੰਡਕਸ਼ਨ ਫਰਨੇਸ ਇਲੈਕਟ੍ਰਿਕ ਆਰਕ ਫਰਨੇਸ ਲੈਡਲ ਰੀਫਾਈਨਿੰਗ ਫਰਨੇਸ ਵੈਕਿਊਮ ਡੀਗੈਸਿੰਗ ਆਰਗਨ ਆਕਸੀਜਨ ਡੀਕਾਰਬੁਰਾਈਜ਼ੇਸ਼ਨ ਕੰਟੀਨਿਊਅਸ ਕਾਸਟਿੰਗ ਮਸ਼ੀਨਾਂ ਅਤੇ ਰੋਲਿੰਗ ਮਿਲਾਂ ਵਰਗੀਆਂ ਆਧੁਨਿਕ ਤਕਨੀਕਾਂ ਨਾਲ ਲੈਸ ਹੋਵੇਗਾ। ਇਹ ਤਕਨੀਕਾਂ ਉੱਚ ਗੁਣਵੱਤਾ ਵਾਲੀ ਐਲੋਏ ਅਤੇ ਵਿਸ਼ੇਸ਼ ਸਟੀਲ ਦੀ ਉਤਪਾਦਨ ਸਮਰੱਥਾ ਨੂੰ ਯਕੀਨੀ ਬਣਾਉਣਗੀਆਂ।
ਰੋਪੜ ਦੇ ਸ਼ਹੀਦ ਜੋਬਨਪ੍ਰੀਤ ਸਿੰਘ ਨੂੰ ਮੁੱਖ ਮੰਤਰੀ ਵੱਲੋਂ ਸ਼ਰਧਾਂਜਲੀ, ਪਰਿਵਾਰ ਲਈ ਸਹਾਇਤਾ ਦਾ ਐਲਾਨ
ਉਨ੍ਹਾਂ ਕਿਹਾ ਕਿ ਇਹ ਨਿਵੇਸ਼ ਪੰਜਾਬ ਵਿੱਚ ਵਿਸ਼ੇਸ਼ ਸਟੀਲ ਅਤੇ ਐਲੋਏ ਉਦਯੋਗ ਨੂੰ ਨਵੀਂ ਰਫ਼ਤਾਰ ਦੇਵੇਗਾ ਖਾਸ ਕਰਕੇ ਆਟੋਮੋਬਾਈਲ ਅਤੇ ਆਟੋਮੋਟਿਵ ਹਿੱਸਾ ਨਿਰਮਾਣ ਖੇਤਰ ਵਿੱਚ ਜਿੱਥੇ ਉੱਚ ਗੁਣਵੱਤਾ ਵਾਲੀ ਸਟੀਲ ਦੀ ਮੰਗ ਲਗਾਤਾਰ ਵੱਧ ਰਹੀ ਹੈ। ਇਹ ਪ੍ਰਾਜੈਕਟ ਲੁਧਿਆਣਾ ਨੂੰ ਉੱਤਰੀ ਭਾਰਤ ਦੇ ਇੱਕ ਪ੍ਰਮੁੱਖ ਉਦਯੋਗਿਕ ਅਤੇ ਧਾਤੂ ਕੇਂਦਰ ਵਜੋਂ ਹੋਰ ਮਜ਼ਬੂਤ ਕਰੇਗਾ।
ਮੰਤਰੀ ਨੇ ਇਹ ਵੀ ਕਿਹਾ ਕਿ ਇਹ ਨਿਵੇਸ਼ ਪੰਜਾਬ ਸਰਕਾਰ ਦੀ ਉਦਯੋਗਿਕ ਵਿਕਾਸ ਰੋਜ਼ਗਾਰ ਸਿਰਜਣਾ ਅਤੇ ਟਿਕਾਊ ਨਿਰਮਾਣ ਦੀ ਦ੍ਰਿਸ਼ਟੀ ਨੂੰ ਅੱਗੇ ਵਧਾਉਂਦਾ ਹੈ। ਉਨ੍ਹਾਂ ਜੋੜਿਆ ਕਿ ਆਦਰਨੀਯ ਰਾਸ਼ਟਰੀ ਸੰਯੋਜਕ ਅਰਵਿੰਦ ਕੇਜਰੀਵਾਲ ਅਤੇ ਮੁੱਖ ਮੰਤਰੀ ਸ. ਭਗਵੰਤ ਸਿੰਘ ਮਾਨ ਦੀ ਗਤੀਸ਼ੀਲ ਅਗਵਾਈ ਹੇਠ ਪੰਜਾਬ ਜਲਦ ਹੀ ਦੇਸ਼ ਦਾ ਸਭ ਤੋਂ ਆਕਰਸ਼ਕ ਨਿਵੇਸ਼ ਮੰਜ਼ਿਲ ਬਣੇਗਾ।
