ਜਲੰਧਰ: ਥਾਣਾ ਨੰਬਰ 8 ਦੇ ਬਾਹਰ ਨਿਹੰਗ ਸਿੱਖਾਂ ਅਤੇ SHO ਯਾਦਵਿੰਦਰ ਸਿੰਘ ਵਿਚਕਾਰ ਗੰਭੀਰ ਝਗੜਾ ਹੋ ਗਿਆ, ਜਿਸ ਕਾਰਨ ਸਥਿਤੀ ਤਣਾਅਪੂਰਨ ਬਣ ਗਈ। ਜਾਣਕਾਰੀ ਮੁਤਾਬਕ, ਨਿਹੰਗ ਸਿੱਖ ਪੁਲਿਸ ਦੇ ਵਿਵਹਾਰ ਤੋਂ ਨਾਰਾਜ਼ ਹੋ ਕੇ ਥਾਣੇ ਦੇ ਬਾਹਰ ਪ੍ਰਦਰਸ਼ਨ ਕਰ ਰਹੇ ਸਨ। ਇਸ ਦੌਰਾਨ ਦੋਹਾਂ ਪਾਸਿਆਂ ਵਿਚਕਾਰ ਗਰਮਾ-ਗਰਮ ਬਹਿਸ ਹੋਈ।
ਇੱਕ ਨਿਹੰਗ ਸਿੱਖ ਨੇ ਦੋਸ਼ ਲਾਇਆ ਕਿ ਪੁਲਿਸ ਕਰਮਚਾਰੀ ਨੇ ਉਨ੍ਹਾਂ ਨਾਲ ਅਸ਼ਲੀਲ ਵਿਵਹਾਰ ਕੀਤਾ। ਇਸ ‘ਤੇ SHO ਯਾਦਵਿੰਦਰ ਸਿੰਘ ਨੇ ਤਿੱਖਾ ਜਵਾਬ ਦਿੰਦਿਆਂ ਕਿਹਾ, “ਅਸੀਂ ਤੁਹਾਡੇ ਆਦਮੀ ਦੀ ਪੱਗ ਵੀ ਉਤਾਰ ਦੇਵਾਂਗੇ,” ਜਿਸ ਨਾਲ ਮਾਹੌਲ ਹੋਰ ਗੰਭੀਰ ਹੋ ਗਿਆ। ਮੌਕੇ ‘ਤੇ ਰਾਹਗੀਰ ਅਤੇ ਹੋਰ ਪੁਲਿਸ ਕਰਮਚਾਰੀ ਇਕੱਠੇ ਹੋ ਗਏ, ਅਤੇ ਸਥਿਤੀ ਨੂੰ ਸੰਭਾਲਣ ਲਈ ਵਧੀਕ ਪੁਲਿਸ ਤਾਇਨਾਤ ਕਰਨੀ ਪਈ।
ਪੰਜਾਬ ‘ਚ ਅੱਜ ਦਾ ਮੌਸਮ: 17 ਅਕਤੂਬਰ 2025
ਇਹ ਘਟਨਾ ਜਲੰਧਰ ਦੇ ਮਿਲਾਪ ਚੌਕ ‘ਤੇ ਨਿਹੰਗ ਸਿੱਖਾਂ ਵੱਲੋਂ ਇੱਕ ਚਾਪ ਦੁਕਾਨ ‘ਤੇ ਹੋਏ ਹਮਲੇ ਨਾਲ ਜੁੜੀ ਹੋਈ ਦਿਖਾਈ ਦਿੰਦੀ ਹੈ। SHO ਅਨਿਲ ਕੁਮਾਰ ਦੀ ਕਾਰਵਾਈ ‘ਤੇ ਵੀ ਪਹਿਲਾਂ ਸਵਾਲ ਚੁੱਕੇ ਗਏ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਲਾਈਨ ਹਾਜ਼ਰ ਕੀਤਾ ਗਿਆ ਸੀ। ਰਿਪੋਰਟਾਂ ਅਨੁਸਾਰ, ਹਮਲੇ ਦੌਰਾਨ ਉਨ੍ਹਾਂ ਨੇ ਮਦਦ ਲਈ ਆਏ ਫੋਨ ਨਹੀਂ ਚੁੱਕੇ।
ਇਸ ਤਾਜ਼ਾ ਘਟਨਾ ਨੇ ਪੁਲਿਸ ਅਤੇ ਨਿਹੰਗ ਸੰਗਠਨਾਂ ਵਿਚਕਾਰ ਚਲ ਰਹੇ ਤਣਾਅ ਨੂੰ ਹੋਰ ਵਧਾ ਦਿੱਤਾ ਹੈ। ਉੱਚ ਅਧਿਕਾਰੀਆਂ ਵੱਲੋਂ ਜਾਂਚ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ, ਜਦਕਿ ਮਾਮਲਾ ਹਾਲੇ ਵੀ ਸੰਵੇਦਨਸ਼ੀਲ ਬਣਿਆ ਹੋਇਆ ਹੈ।