ਅੰਤਰਰਾਸ਼ਟਰੀ ਡੈਸਕ: ਸਾਉਦੀ ਅਰਬ ਨੇ ਯਮਨ ਵਿੱਚ ਯੂਏਈ ਸਮਰਥਿਤ ਫੌਜਾਂ ‘ਤੇ ਨਵੀਂ ਬੰਬਬਾਰੀ ਸ਼ੁਰੂ ਕਰ ਦਿੱਤੀ ਹੈ ਜਿਸ ਨਾਲ ਖੇਤਰ ਵਿੱਚ ਤਣਾਅ ਹੋਰ ਵਧ ਗਿਆ ਹੈ। ਇਹ ਟਕਰਾਅ ਪੂਰੀ ਜੰਗ ਦਾ ਰੂਪ ਧਾਰ ਸਕਦਾ ਹੈ ਕਿਉਂਕਿ ਯੂਏਈ ਨੇ ਸਾਉਦੀ ਅਰਬ ਅੱਗੇ ਝੁਕਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਰਿਆਦ ਅਤੇ ਅਬੂਧਾਬੀ ਵਿਚਕਾਰ ਟਕਰਾਅ ਦੀ ਸੰਭਾਵਨਾ ਨੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਚਿੰਤਾ ਪੈਦਾ ਕਰ ਦਿੱਤੀ ਹੈ।
ਇਸ ਸਥਿਤੀ ਵਿੱਚ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਪਾਕਿਸਤਾਨ ਕਿੱਥੇ ਖੜ੍ਹੇਗਾ। ਸਾਉਦੀ ਅਰਬ ਉਸਦਾ ਰੱਖਿਆ ਸਾਥੀ ਹੈ ਜਦਕਿ ਯੂਏਈ ਉਸਦਾ ਦੂਜਾ ਸਭ ਤੋਂ ਵੱਡਾ ਕਰਜ਼ਦਾਰ ਹੈ। ਦੋਵੇਂ ਦੇਸ਼ਾਂ ਨਾਲ ਪਾਕਿਸਤਾਨ ਦੇ ਗਹਿਰੇ ਆਰਥਿਕ ਅਤੇ ਰਣਨੀਤਿਕ ਸੰਬੰਧ ਹਨ।
ਯਾਤਰੀ ਸੁਰੱਖਿਆ ‘ਤੇ ਵੱਡੇ ਸਵਾਲ ਚੰਡੀਗੜ੍ਹ-ਪੰਚਕੂਲਾ ਹਾਦਸੇ ਨੇ ਰੇਲਵੇ ਪ੍ਰਬੰਧਨ ਨੂੰ ਘੇਰਿਆ
ਵਿਦੇਸ਼ੀ ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇ ਟਕਰਾਅ ਵਧਦਾ ਹੈ ਤਾਂ ਪਾਕਿਸਤਾਨ ਲਈ ਸੰਤੁਲਨ ਬਣਾਈ ਰੱਖਣਾ ਮੁਸ਼ਕਲ ਹੋਵੇਗਾ। ਇੱਕ ਪਾਸੇ ਰੱਖਿਆ ਸਹਿਯੋਗ ਹੈ ਜੋ ਸਾਉਦੀ ਅਰਬ ਨਾਲ ਜੁੜਿਆ ਹੈ ਦੂਜੇ ਪਾਸੇ ਯੂਏਈ ਨਾਲ ਵਪਾਰਕ ਅਤੇ ਆਰਥਿਕ ਸੰਬੰਧ ਹਨ ਜੋ ਉਸਦੀ ਅਰਥਵਿਵਸਥਾ ਲਈ ਮਹੱਤਵਪੂਰਨ ਹਨ।
ਖੇਤਰ ਵਿੱਚ ਵਧ ਰਹੇ ਤਣਾਅ ਨੇ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਜੇ ਸਾਉਦੀ ਅਰਬ ਅਤੇ ਯੂਏਈ ਵਿਚਕਾਰ ਸਿੱਧਾ ਟਕਰਾਅ ਹੁੰਦਾ ਹੈ ਤਾਂ ਪਾਕਿਸਤਾਨ ਨੂੰ ਆਪਣੀ ਵਿਦੇਸ਼ ਨੀਤੀ ਵਿੱਚ ਬਹੁਤ ਸੋਚ ਸਮਝ ਕੇ ਕਦਮ ਚੁੱਕਣੇ ਪੈਣਗੇ। ਇਹ ਸਥਿਤੀ ਦੱਖਣੀ ਏਸ਼ੀਆ ਅਤੇ ਮੱਧ ਪੂਰਬ ਦੀ ਰਾਜਨੀਤੀ ‘ਤੇ ਗੰਭੀਰ ਪ੍ਰਭਾਵ ਪਾ ਸਕਦੀ ਹੈ।
