ਨਵੀਂ ਦਿੱਲੀ: ਬ੍ਰਿਟੇਨ (UK) ਦੀ ਰਾਜਨੀਤੀ ਵਿੱਚ ਇਸ ਵੇਲੇ ਇੱਕ ਬਹੁਤ ਵੱਡਾ ਸਿਆਸੀ ਸੰਕਟ ਖੜ੍ਹਾ ਹੋ ਗਿਆ ਹੈ। ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ (Keir Starmer) ਦੀ ਆਪਣੀ ਹੀ ਲੇਬਰ ਪਾਰਟੀ ਦੇ ਅੰਦਰ ਬਗਾਵਤ ਹੋ ਗਈ ਹੈ, ਜਿਸ ਕਾਰਨ ਉਨ੍ਹਾਂ ਦੀ ਕੁਰਸੀ ‘ਤੇ ਖ਼ਤਰੇ ਦੇ ਬੱਦਲ ਮੰਡਰਾ ਰਹੇ ਹਨ। ਅੰਦਰੂਨੀ ਸੂਤਰਾਂ ਮੁਤਾਬਕ, ਉਹ ਅੱਜ ਹੀ ਆਪਣੇ ਅਸਤੀਫ਼ੇ ਦਾ ਐਲਾਨ ਕਰ ਸਕਦੇ ਹਨ ਅਤੇ ਸੋਮਵਾਰ ਤੱਕ ਪੂਰੀ ਤਸਵੀਰ ਸਾਫ਼ ਹੋ ਜਾਵੇਗੀ।
ਕਿਉਂ ਹੋ ਰਹੀ ਹੈ ਪ੍ਰਧਾਨ ਮੰਤਰੀ ਸਟਾਰਮਰ ਦੀ ਮੁਖਾਲਫ਼ਤ?
-
100 ਤੋਂ ਵੱਧ ਸਾਂਸਦਾਂ ਦੀ ਬਗਾਵਤ: ਲੇਬਰ ਪਾਰਟੀ ਦੇ ਲਗਭਗ ਇੱਕ ਚੌਥਾਈ (100 ਤੋਂ ਵੱਧ) ਪਾਰਲੀਮੈਂਟ ਮੈਂਬਰਾਂ (MPs) ਨੇ ਪ੍ਰਧਾਨ ਮੰਤਰੀ ਵਿਰੁੱਧ ਮੋਰਚਾ ਖੋਲ੍ਹ ਦਿੱਤਾ ਹੈ। ਉਨ੍ਹਾਂ ਦੀ ਮੰਗ ਹੈ ਕਿ ਸਟਾਰਮਰ ਜਾਂ ਤਾਂ ਤੁਰੰਤ ਅਹੁਦਾ ਛੱਡਣ ਜਾਂ ਫਿਰ ਵਿਦਾਇਗੀ ਦੀ ਤਰੀਕ ਤੈਅ ਕਰਨ।
-
ਚੋਣਾਂ ਵਿੱਚ ਹਾਰ: ਹਾਲ ਹੀ ਵਿੱਚ ਹੋਈਆਂ ਸਥਾਨਕ ਚੋਣਾਂ ਅਤੇ ਉਪ-ਚੋਣਾਂ ਵਿੱਚ ਲੇਬਰ ਪਾਰਟੀ ਦੀ ਬੇਹੱਦ ਮਾੜੀ ਕਾਰਗੁਜ਼ਾਰੀ ਰਹੀ, ਜਿਸ ਕਾਰਨ ਪਾਰਟੀ ਵਰਕਰ ਅਤੇ ਜਨਤਾ ਨਾਰਾਜ਼ ਹਨ।
-
ਹਾਈ-ਪ੍ਰੋਫਾਈਲ ਵਿਵਾਦ: ਜੈਫਰੀ ਐਪਸਟਾਈਨ ਨਾਲ ਜੁੜੇ ਵਿਵਾਦ ਨੇ ਪ੍ਰਧਾਨ ਮੰਤਰੀ ਦੀ ਇਮੇਜ ਨੂੰ ਵੱਡੀ ਢਾਹ ਲਗਾਈ ਹੈ। ਖ਼ਾਸ ਕਰਕੇ ਪੀਟਰ ਮੈਂਡੇਲਸਨ ਨੂੰ ਅਮਰੀਕਾ ਵਿੱਚ ਬ੍ਰਿਟਿਸ਼ ਰਾਜਦੂਤ (Ambassador) ਬਣਾਉਣ ‘ਤੇ ਸਵਾਲ ਉੱਠ ਰਹੇ ਹਨ, ਕਿਉਂਕਿ ਉਨ੍ਹਾਂ ‘ਤੇ ਐਪਸਟਾਈਨ ਨਾਲ ਨਜ਼ਦੀਕੀ ਸਬੰਧ ਹੋਣ ਦੇ ਦੋਸ਼ ਹਨ।
ਖ਼ਬਰਾਂ ਹਨ ਕਿ ਪ੍ਰਧਾਨ ਮੰਤਰੀ ਨੇ ਆਪਣੇ ਸਰਕਾਰੀ ਨਿਵਾਸ ‘ਤੇ ਪਤਨੀ ਨਾਲ ਅਸਤੀਫ਼ੇ ਨੂੰ ਲੈ ਕੇ ਲੰਮੀ ਚਰਚਾ ਕੀਤੀ ਹੈ। ਹਾਲਾਂਕਿ, ਉਹ ਅਜੇ ਵੀ ਪਾਰਟੀ ਲੀਡਰਾਂ ਨੂੰ ਆਪਸੀ ਲੜਾਈ ਬੰਦ ਕਰਨ ਦੀ ਅਪੀਲ ਕਰਕੇ ਆਪਣੀ ਸੀਟ ਬਚਾਉਣ ਦੀ ਆਖਰੀ ਕੋਸ਼ਿਸ਼ ਕਰ ਰਹੇ ਹਨ।
ਇਹ ਵੀ ਪੜੋਂ:
ਦਿਲਜੀਤ ਦੋਸਾਂਝ ਦੇ ਲਾਈਵ ਸ਼ੋਅ ‘ਚ ਹੰਗਾਮਾ, ਖਾਲਿਸਤਾਨੀ ਝੰਡਾ ਲੈ ਕੇ ਸਟੇਜ ‘ਤੇ ਚੜ੍ਹਿਆ ਨੌਜਵਾਨ
ਦਿਲਜੀਤ ਦੋਸਾਂਝ ਦੇ ਲਾਈਵ ਸ਼ੋਅ ‘ਚ ਹੰਗਾਮਾ, ਖਾਲਿਸਤਾਨੀ ਝੰਡਾ ਲੈ ਕੇ ਸਟੇਜ ‘ਤੇ ਚੜ੍ਹਿਆ ਨੌਜਵਾਨ
ਕੌਣ ਬਣ ਸਕਦਾ ਹੈ ਅਗਲਾ ਪ੍ਰਧਾਨ ਮੰਤਰੀ?
ਇਸ ਪੂਰੇ ਘਨਾਕ੍ਰਮ ਦੇ ਵਿਚਕਾਰ ਐਂਡੀ ਬਰਨਹੈਮ (Andy Burnham) ਬ੍ਰਿਟੇਨ ਦੇ ਅਗਲੇ ਪ੍ਰਧਾਨ ਮੰਤਰੀ ਵਜੋਂ ਸਭ ਤੋਂ ਮਜ਼ਬੂਤ ਦਾਅਵੇਦਾਰ ਬਣ ਕੇ ਉੱਭਰੇ ਹਨ।
-
ਸ਼ਾਨਦਾਰ ਜਿੱਤ: 19 ਜੂਨ ਨੂੰ ਆਏ ਮੇਕਰਫੀਲਡ ਉਪ-ਚੋਣ ਦੇ ਨਤੀਜਿਆਂ ਵਿੱਚ, 56 ਸਾਲਾ ਸੀਨੀਅਰ ਨੇਤਾ ਅਤੇ ਗ੍ਰੇਟਰ ਮੈਨਚੈਸਟਰ ਦੇ ਮੇਅਰ ਐਂਡੀ ਬਰਨਹੈਮ ਨੇ ਵਿਰੋਧੀ ਪਾਰਟੀ (ਰਿਫਾਰਮ ਯੂਕੇ) ਨੂੰ ਵੱਡੀ ਹਾਰ ਦੇ ਕੇ ਪਾਰਲੀਮੈਂਟ ਵਿੱਚ ਸ਼ਾਨਦਾਰ ਵਾਪਸੀ ਕੀਤੀ ਹੈ।
-
ਨਵੇਂ ਰਸਤੇ ਦਾ ਵਾਅਦਾ: ਹਾਲਾਂਕਿ ਬਰਨਹੈਮ ਨੇ ਅਜੇ ਸਿੱਧੇ ਤੌਰ ‘ਤੇ ਕੀਰ ਸਟਾਰਮਰ ਨੂੰ ਚੁਣੌਤੀ ਨਹੀਂ ਦਿੱਤੀ, ਪਰ ਆਪਣੀ ਜਿੱਤ ਤੋਂ ਬਾਅਦ ਦਿੱਤੇ ਭਾਸ਼ਣ ਵਿੱਚ ਉਨ੍ਹਾਂ ਨੇ ਬ੍ਰਿਟੇਨ ਲਈ ਇੱਕ ਬਿਲਕੁਲ ਨਵਾਂ ਰਸਤਾ ਖੋਲ੍ਹਣ ਦਾ ਵਾਅਦਾ ਕੀਤਾ ਹੈ।
pressure-mounts-on-british-pm-keir