ਨਵੀਂ ਦਿੱਲੀ (ਦੈਨਿਕ ਸਵੇਰਾ): ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਨੇ ਸ਼ੁੱਕਰਵਾਰ ਨੂੰ ਰਾਜਸਥਾਨ ਦੇ ਜੈਸਲਮੇਰ ਜ਼ਿਲ੍ਹੇ ਵਿੱਚ ਭਾਰਤ‑ਪਾਕਿਸਤਾਨ ਸਰਹੱਦ ਦੇ ਨੇੜੇ ਲਾਈਟ ਕਾਂਬੈਟ ਹੈਲੀਕਾਪਟਰ (LCH) ‘ਪ੍ਰਚੰਡ’ ਵਿੱਚ ਕੋ‑ਪਾਇਲਟ ਵਜੋਂ ਉਡਾਨ ਭਰੀ। ਹੈਲੀਕਾਪਟਰ ਜੈਸਲਮੇਰ ਏਅਰ ਫੋਰਸ ਸਟੇਸ਼ਨ ਤੋਂ ਉਡਿਆ, ਜਿੱਥੇ ਉਡਾਨ ਤੋਂ ਪਹਿਲਾਂ ਰਾਸ਼ਟਰਪਤੀ ਨੂੰ ਪੂਰੀ ਬ੍ਰੀਫਿੰਗ ਦਿੱਤੀ ਗਈ।
ਉਡਾਨ ਤੋਂ ਥੋੜ੍ਹੀ ਦੇਰ ਪਹਿਲਾਂ ਉਹ ਓਲਿਵ‑ਗ੍ਰੀਨ ਫਲਾਈਟ ਸੂਟ ਅਤੇ ਹੈਲਮੈਟ ਪਹਿਨੇ ਕਾਕਪਿਟ ਤੋਂ ਹੱਥ ਹਿਲਾਉਂਦੀਆਂ ਨਜ਼ਰ ਆਈਆਂ।
LCH ‘ਪ੍ਰਚੰਡ’ ਭਾਰਤ ਦਾ ਪਹਿਲਾ ਦੇਸ਼ੀ ਤੌਰ ’ਤੇ ਡਿਜ਼ਾਈਨ ਅਤੇ ਤਿਆਰ ਕੀਤਾ ਗਿਆ ਲੜਾਕੂ ਹੈਲੀਕਾਪਟਰ ਹੈ, ਜਿਸਨੂੰ ਹਿੰਦੁਸਤਾਨ ਏਰੋਨੌਟਿਕਸ ਲਿਮਿਟੇਡ (HAL) ਨੇ ਬਣਾਇਆ ਹੈ।
ਰਾਫੇਲ ਵਿੱਚ ਵੀ ਭਰ ਚੁੱਕੀਆਂ ਹਨ ਉਡਾਨ
ਇਸ ਤੋਂ ਪਹਿਲਾਂ, ਅਕਤੂਬਰ 2023 ਵਿੱਚ ਰਾਸ਼ਟਰਪਤੀ ਮੁਰਮੂ ਨੇ ਅੰਬਾਲਾ ਏਅਰ ਫੋਰਸ ਸਟੇਸ਼ਨ (ਹਰਿਆਣਾ) ਵਿੱਚ ਰਾਫੇਲ ਲੜਾਕੂ ਜਹਾਜ਼ ਵਿੱਚ ਵੀ ਸੌਰਟੀ ਕੀਤੀ ਸੀ। ਅੰਬਾਲਾ ਉਹ ਪਹਿਲਾ ਸਟੇਸ਼ਨ ਹੈ ਜਿੱਥੇ ਫਰਾਂਸ ਤੋਂ ਰਾਫੇਲ ਜਹਾਜ਼ ਸਭ ਤੋਂ ਪਹਿਲਾਂ ਪਹੁੰਚੇ ਸਨ।
ਉਹ ਲਗਭਗ 30 ਮਿੰਟ ਤੱਕ ਉੱਡੀਆਂ ਅਤੇ ਕਰੀਬ 200 ਕਿਲੋਮੀਟਰ ਦਾ ਸਫ਼ਰ ਤੈਅ ਕੀਤਾ। ਜਹਾਜ਼ ਨੂੰ 17 ਸਕੁਆਡਰਨ ਦੇ ਕਮਾਂਡਿੰਗ ਅਫ਼ਸਰ ਗਰੁੱਪ ਕੈਪਟਨ ਅਮਿਤ ਗੇਹਾਨੀ ਨੇ ਉਡਾਇਆ। ਉਡਾਨ ਦੌਰਾਨ ਜਹਾਜ਼ ਨੇ ਕਰੀਬ 15,000 ਫੁੱਟ ਦੀ ਉਚਾਈ ਅਤੇ 700 ਕਿਮੀ ਪ੍ਰਤੀ ਘੰਟਾ ਦੀ ਰਫ਼ਤਾਰ ਹਾਸਲ ਕੀਤੀ।
ਰਾਸ਼ਟਰਪਤੀ ਨੂੰ ਰਾਫੇਲ ਅਤੇ ਭਾਰਤੀ ਵਾਇੁ ਸੈਨਾ ਦੀਆਂ ਓਪਰੇਸ਼ਨਲ ਸਮਰੱਥਾਵਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ।
ਸੁਖੋਈ‑30 MKI ਵਿੱਚ ਵੀ ਕੀਤੀ ਸੌਰਟੀ
ਇਸ ਤੋਂ ਪਹਿਲਾਂ, 2023 ਵਿੱਚ ਰਾਸ਼ਟਰਪਤੀ ਮੁਰਮੂ ਨੇ ਸੁਖੋਈ‑30 MKI ਲੜਾਕੂ ਜਹਾਜ਼ ਵਿੱਚ ਵੀ ਉਡਾਨ ਭਰੀ ਸੀ।
president-murmu-brave-flight