ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਆਪਣੇ ਲਗਭਗ 8 ਕਰੋੜ ਮੈਂਬਰਾਂ ਲਈ ਇੱਕ ਇਤਿਹਾਸਕ ਡਿਜੀਟਲ ਬਦਲਾਅ ਕਰਨ ਜਾ ਰਿਹਾ ਹੈ। ਅਪ੍ਰੈਲ 2026 ਤੋਂ EPFO ਮੈਂਬਰ UPI ਰਾਹੀਂ ਆਪਣੇ EPF ਦਾ ਪੈਸਾ ਸਿੱਧਾ ਬੈਂਕ ਖਾਤੇ ਵਿੱਚ ਪ੍ਰਾਪਤ ਕਰ ਸਕਣਗੇ। ਇਸ ਨਾਲ PF ਕਢਵਾਉਣ ਦੀ ਪ੍ਰਕਿਰਿਆ ਓਨੀ ਹੀ ਸੌਖੀ ਹੋ ਜਾਵੇਗੀ, ਜਿੰਨੀ ਅੱਜ UPI ਰਾਹੀਂ ਭੁਗਤਾਨ ਕਰਨਾ ਹੈ।
PhonePe, Google Pay ਅਤੇ Paytm ਵਰਗੀਆਂ ਐਪਸ ਦੀ ਤਰ੍ਹਾਂ ਹੁਣ PF ਦੀ ਰਕਮ ਵੀ ਕੁਝ ਕਲਿੱਕਾਂ ਵਿੱਚ ਟ੍ਰਾਂਸਫਰ ਹੋ ਸਕੇਗੀ। ਕਿਰਤ ਮੰਤਰਾਲੇ ਦੇ ਸੂਤਰਾਂ ਮੁਤਾਬਕ, ਇਸ ਨਵੀਂ ਡਿਜੀਟਲ ਪ੍ਰਣਾਲੀ ‘ਤੇ ਕੰਮ ਲਗਭਗ ਆਖਰੀ ਪੜਾਅ ‘ਤੇ ਹੈ।
UPI ਰਾਹੀਂ EPF ਨਿਕਾਸੀ ਕਿਵੇਂ ਹੋਵੇਗੀ?
ਨਵੀਂ ਪ੍ਰਣਾਲੀ ਦੇ ਤਹਿਤ EPFO ਮੈਂਬਰਾਂ ਨੂੰ ਆਪਣੇ EPF ਖਾਤੇ ਵਿੱਚ ਮੌਜੂਦ Eligible EPF Balance (ਯੋਗ ਬੈਲੇਂਸ) ਸਪਸ਼ਟ ਤੌਰ ‘ਤੇ ਦਿਖਾਈ ਦੇਵੇਗਾ।
ਯੋਗ ਰਕਮ ਦਾ ਇੱਕ ਹਿੱਸਾ ਸੁਰੱਖਿਅਤ (ਫ੍ਰੋਜ਼ਨ) ਰਹੇਗਾ
ਜਦਕਿ ਵੱਡਾ ਹਿੱਸਾ UPI ਰਾਹੀਂ ਤੁਰੰਤ ਕਢਵਾਉਣ ਯੋਗ ਹੋਵੇਗਾ
ਮੈਂਬਰ ਆਪਣੇ ਬੈਂਕ ਖਾਤੇ ਨਾਲ ਲਿੰਕ ਕੀਤਾ UPI PIN ਦਰਜ ਕਰਕੇ ਟ੍ਰਾਂਜ਼ੈਕਸ਼ਨ ਪੂਰੀ ਕਰ ਸਕਣਗੇ
ਪੈਸਾ ਸਿੱਧਾ ਬੈਂਕ ਖਾਤੇ ਵਿੱਚ ਜਾਵੇਗਾ, ਜਿਸਨੂੰ ATM ਜਾਂ ਡਿਜੀਟਲ ਭੁਗਤਾਨ ਲਈ ਵਰਤਿਆ ਜਾ ਸਕੇਗਾ
READ ALSO : ਅੰਡਰ-19 ਵਰਲਡ ਕੱਪ ‘ਚ ਯੰਗ ਖਿਡਾਰੀ ਦਾ ਧਮਾਕਾ, ਵਿਰਾਟ ਕੋਹਲੀ ਦਾ ਰਿਕਾਰਡ ਤੋੜ ਕੇ ਰਚਿਆ ਇਤਿਹਾਸ
ਹੁਣ ਤੱਕ PF ਕਢਵਾਉਣ ਵਿੱਚ ਕੀ ਦਿੱਕਤ ਸੀ?
ਮੌਜੂਦਾ ਸਮੇਂ PF ਨਿਕਾਸੀ ਲਈ ਮੈਂਬਰਾਂ ਨੂੰ ਕਲੇਮ ਫਾਈਲ ਕਰਨਾ ਪੈਂਦਾ ਹੈ। ਹਾਲਾਂਕਿ ‘ਆਟੋ-ਸੈਟਲਮੈਂਟ’ ਤਹਿਤ ਕਲੇਮ ਤਿੰਨ ਦਿਨਾਂ ਵਿੱਚ ਨਿਪਟ ਜਾਂਦਾ ਹੈ, ਫਿਰ ਵੀ ਇਹ ਪ੍ਰਕਿਰਿਆ ਸਮਾਂ ਅਤੇ ਕਾਗਜ਼ੀ ਕਾਰਵਾਈ ਵਾਲੀ ਮੰਨੀ ਜਾਂਦੀ ਹੈ।
ਹਰ ਸਾਲ EPFO ਨੂੰ 5 ਕਰੋੜ ਤੋਂ ਵੱਧ ਕਲੇਮਾਂ ਨਾਲ ਨਜਿੱਠਣਾ ਪੈਂਦਾ ਹੈ। UPI ਪ੍ਰਣਾਲੀ ਨਾਲ ਇਹ ਪ੍ਰਬੰਧਕੀ ਬੋਝ ਕਾਫ਼ੀ ਹੱਦ ਤੱਕ ਘੱਟ ਹੋ ਜਾਵੇਗਾ।
ਆਟੋ-ਸੈਟਲਮੈਂਟ ਦੀ ਸੀਮਾ ਵਧੀ
EPFO ਪਹਿਲਾਂ ਹੀ ਆਟੋ-ਸੈਟਲਮੈਂਟ ਦੀ ਸੀਮਾ 1 ਲੱਖ ਤੋਂ ਵਧਾ ਕੇ 5 ਲੱਖ ਰੁਪਏ ਕਰ ਚੁੱਕਾ ਹੈ।
ਹੁਣ ਮੈਂਬਰ ਬਿਮਾਰੀ, ਸਿੱਖਿਆ, ਵਿਆਹ ਅਤੇ ਮਕਾਨ ਵਰਗੀਆਂ ਜ਼ਰੂਰੀ ਲੋੜਾਂ ਲਈ ਤਿੰਨ ਦਿਨਾਂ ਦੇ ਅੰਦਰ PF ਪ੍ਰਾਪਤ ਕਰ ਸਕਦੇ ਹਨ।
PF ਨਿਯਮਾਂ ਵਿੱਚ ਹੋਰ ਵੱਡੇ ਬਦਲਾਅ
ਅਕਤੂਬਰ 2025 ਵਿੱਚ EPFO ਨੇ ਨਿਯਮਾਂ ਨੂੰ ਸਰਲ ਬਣਾਉਂਦਿਆਂ 13 ਗੁੰਝਲਦਾਰ ਸ਼੍ਰੇਣੀਆਂ ਨੂੰ ਘਟਾ ਕੇ ਸਿਰਫ਼ 3 ਕੈਟੇਗਰੀਆਂ ਵਿੱਚ ਵੰਡ ਦਿੱਤਾ ਹੈ:
Essential Needs: ਬਿਮਾਰੀ, ਸਿੱਖਿਆ, ਵਿਆਹ
Housing Needs: ਘਰ ਸੰਬੰਧੀ ਲੋੜਾਂ
Special Circumstances: ਵਿਸ਼ੇਸ਼ ਹਾਲਾਤ
ਕੀ ਪੂਰਾ PF ਕਢਵਾਇਆ ਜਾ ਸਕੇਗਾ?
ਹਾਂ, EPFO ਮੈਂਬਰ ਆਪਣੇ ਖਾਤੇ ਵਿੱਚ ਮੌਜੂਦ 100% ਯੋਗ ਰਕਮ ਕਢਵਾ ਸਕਣਗੇ, ਪਰ ਇੱਕ ਸੁਰੱਖਿਆ ਨਿਯਮ ਲਾਗੂ ਰਹੇਗਾ।
ਖਾਤੇ ਵਿੱਚ ਘੱਟੋ-ਘੱਟ 25% ਯੋਗਦਾਨ ਹਮੇਸ਼ਾ ਰਹੇਗਾ
ਇਸ ਨਾਲ 8.25% ਸਾਲਾਨਾ ਵਿਆਜ ਅਤੇ ਕੰਪਾਊਂਡਿੰਗ ਦਾ ਲਾਭ ਮਿਲਦਾ ਰਹੇਗਾ
ਰਿਟਾਇਰਮੈਂਟ ਲਈ ਲੰਬੇ ਸਮੇਂ ਦੀ ਬਚਤ ਸੁਰੱਖਿਅਤ ਰਹੇਗੀ
ਨਵੀਂ UPI ਵਿਵਸਥਾ ਦੇ ਵੱਡੇ ਫਾਇਦੇ
PF ਕਲੇਮ ਫਾਈਲ ਕਰਨ ਦੀ ਲੋੜ ਲਗਭਗ ਖ਼ਤਮ
ਤੁਰੰਤ, ਤੇਜ਼ ਅਤੇ ਸੁਰੱਖਿਅਤ ਨਿਕਾਸੀ
EPFO ‘ਤੇ ਪ੍ਰਸ਼ਾਸਕੀ ਬੋਝ ਘੱਟ
BREAKING: ਦਿਨ-ਦਿਹਾੜੇ SBI ਮੈਨੇਜਰ ਨਾਲ ਲੁੱਟ, 4 ਲੱਖ ਦੇ ਖੋਹੇ ਗਹਿਣੇ ਕਾਰ ‘ਤੇ ਚਲਾਈ ਗੋਲੀ
