ਨੈਸ਼ਨਲ ਡੈਸਕ (ਦੈਨਿਕ ਸਵੇਰਾ): ਮੱਧ ਪੂਰਬ ਵਿੱਚ ਅਮਰੀਕਾ, ਇਜ਼ਰਾਇਲ ਅਤੇ ਈਰਾਨ ਵੱਲੋਂ ਹੋ ਰਹੇ ਲਗਾਤਾਰ ਹਮਲਿਆਂ ਕਾਰਨ ਖੇਤਰ ਵਿੱਚ ਤਣਾਅ ਅਤੇ ਬੇਚੈਨੀ ਵਧਦੀ ਜਾ ਰਹੀ ਹੈ। ਇਸ ਸੰਘਰਸ਼ ਦੀ ਚਪੇਟ ਵਿੱਚ ਇੱਕ ਭਾਰਤੀ ਨਾਗਰਿਕ ਦੀ ਜਾਨ ਵੀ ਚਲੀ ਗਈ। ਓਮਾਨ ਦੇ ਮਸਕਟ ਤੱਟ ਦੇ ਨੇੜੇ ਇੱਕ ਤੇਲ ਟੈਂਕਰ ‘ਤੇ ਮਿਸਾਈਲ ਡਿੱਗਣ ਨਾਲ ਜਹਾਜ਼ ਦੇ ਭਾਰਤੀ ਕ੍ਰੂ ਮੈਂਬਰ ਦੀ ਮੌਤ ਹੋ ਗਈ।
ਮੀਡੀਆ ਰਿਪੋਰਟਾਂ ਮੁਤਾਬਕ, ਸੋਮਵਾਰ ਨੂੰ ਮਸਕਟ ਗਵਰਨੋਰੇਟ ਦੇ ਤੱਟੀ ਇਲਾਕੇ ਵਿੱਚ ਵਿਸਫੋਟਕ ਸਮੱਗਰੀ ਨਾਲ ਭਰੀ ਇੱਕ ਬਿਨਾਂ ਚਾਲਕ ਵਾਲੀ ਕਿਸ਼ਤੀ ਇੱਕ ਟੈਂਕਰ ਨਾਲ ਟਕਰਾ ਗਈ। ਇਸ ਟੱਕਰ ਵਿੱਚ ਇੱਕ ਭਾਰਤੀ ਕ੍ਰੂ ਮੈਂਬਰ ਦੀ ਜਾਨ ਗਈ।
ਓਮਾਨ ਦੇ ਰੱਖਿਆ ਮੰਤਰਾਲੇ ਨੇ ਇੱਕ ਅਧਿਕਾਰਿਕ ਬਿਆਨ ਜਾਰੀ ਕਰਦੇ ਹੋਏ ਦੱਸਿਆ ਕਿ ਸਮੁੰਦਰੀ ਸੁਰੱਖਿਆ ਕੇਂਦਰ ਨੂੰ ਇਹ ਜਾਣਕਾਰੀ ਮਿਲੀ ਕਿ ਮਸਕਟ ਗਵਰਨੋਰੇਟ ਦੇ ਤੱਟ ਤੋਂ ਲਗਭਗ 52 ਸਮੁੰਦਰੀ ਮੀਲ ਦੀ ਦੂਰੀ ‘ਤੇ ਤੇਲ ਟੈਂਕਰ MKD Vyom ਨੂੰ ਇੱਕ ਬਿਨਾਂ ਚਾਲਕ ਵਾਲੀ ਕਿਸ਼ਤੀ ਨੇ ਨਿਸ਼ਾਨਾ ਬਣਾਇਆ।
ਮੰਤਰਾਲੇ ਦੇ ਅਨੁਸਾਰ, ਹਮਲੇ ਤੋਂ ਬਾਅਦ ਟੈਂਕਰ ਦੇ ਇੰਜਨ ਰੂਮ ਵਿੱਚ ਭਿਆਨਕ ਅੱਗ ਲੱਗ ਗਈ ਅਤੇ ਧਮਾਕਾ ਹੋਇਆ, ਜਿਸ ਵਿੱਚ ਇੱਕ ਕ੍ਰੂ ਮੈਂਬਰ ਦੀ ਮੌਤ ਹੋ ਗਈ। ਬਾਕੀ ਦੇ 21 ਚਾਲਕ ਦਲ ਦੇ ਮੈਂਬਰਾਂ ਨੂੰ ਸੁਰੱਖਿਅਤ ਤੌਰ ‘ਤੇ ਬਚਾ ਲਿਆ ਗਿਆ। ਹਾਲਾਂਕਿ ਮੰਤਰਾਲੇ ਨੇ ਮ੍ਰਿਤਕ ਦੀ ਕੌਮੀਅਤ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ, ਪਰ ਸਥਾਨਕ ਮੀਡੀਆ ਰਿਪੋਰਟਾਂ ਮੁਤਾਬਕ ਮਰਨ ਵਾਲਾ ਵਿਅਕਤੀ ਟੈਂਕਰ ‘ਤੇ ਤਾਇਨਾਤ ਇੱਕ ਭਾਰਤੀ ਕ੍ਰੂ ਮੈਂਬਰ ਸੀ।
ਸਰਕਾਰੀ ਓਮਾਨ ਨਿਊਜ਼ ਏਜੰਸੀ ਦੇ ਮੁਤਾਬਕ, ਹਮਲੇ ਤੋਂ ਬਾਅਦ ਟੈਂਕਰ ਦੇ ਮੁੱਖ ਇੰਜਨ ਰੂਮ ਵਿੱਚ ਭਿਆਨਕ ਅੱਗ ਲੱਗ ਗਈ ਅਤੇ ਧਮਾਕਾ ਹੋਇਆ, ਜਿਸ ਵਿੱਚ ਇੱਕ ਭਾਰਤੀ ਮੂਲ ਦੇ ਕ੍ਰੂ ਮੈਂਬਰ ਦੀ ਜਾਨ ਚਲੀ ਗਈ। ਸਮੁੰਦਰੀ ਸੁਰੱਖਿਆ ਕੇਂਦਰ ਦੀ ਮਦਦ ਨਾਲ ਟੈਂਕਰ ‘ਤੇ ਸਵਾਰ ਬਾਕੀ 21 ਚਾਲਕ ਦਲ ਦੇ ਮੈਂਬਰਾਂ ਨੂੰ ਪਨਾਮਾ ਦੇ ਝੰਡੇ ਵਾਲੇ ਵਪਾਰਕ ਜਹਾਜ਼ ‘MV Sand’ ਦੁਆਰਾ ਸੁਰੱਖਿਅਤ ਤੌਰ ‘ਤੇ ਬਾਹਰ ਕੱਢਿਆ ਗਿਆ।
oman-oil-tanker-attack-indian-crew