ਨਵੀਂ ਦਿੱਲੀ : ਹਿਮਾਚਲ ਪ੍ਰਦੇਸ਼ ਦੇ ਹਮੀਰਪੁਰ ਜ਼ਿਲ੍ਹੇ ਦੇ ਨਾਦੌਣ ਉਪ-ਮੰਡਲ ਦੇ ਬੇਲਾ ਪਿੰਡ ਦੀ ਰਹਿਣ ਵਾਲੀ ਸ਼ਿਖਾ ਚੌਧਰੀ ਨੇ ਆਪਣੀ ਕਾਬਲਿਅਤ ਅਤੇ ਦ੍ਰਿੜ ਨਿਰਣੈ ਨਾਲ ਰਾਜ ਦਾ ਸਿਰ ਉੱਚਾ ਕੀਤਾ ਹੈ। ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼ (ਏਮਜ਼) ਵੱਲੋਂ ਕਰਵਾਈ ਗਈ ਨਰਸਿੰਗ ਅਫ਼ਸਰ ਪ੍ਰੀਖਿਆ ‘ਚ 65ਵਾਂ ਸਥਾਨ ਹਾਸਲ ਕਰਕੇ ਉਸਨੇ ਬਿਲਾਸਪੁਰ ਏਮਜ਼ ‘ਚ ਨਰਸਿੰਗ ਅਫ਼ਸਰ ਵਜੋਂ ਆਪਣੀ ਨਿਯੁਕਤੀ ਪੱਕੀ ਕੀਤੀ।
ਏਸ਼ੀਆ ਕੱਪ ਟਰਾਫੀ ਨਾ ਮਿਲਣ ‘ਤੇ BCCI ਨੇ ACC ਨੂੰ ਲਾਇਆ ਘੇਰਾ
ਸ਼ਿਖਾ ਦੀ ਪੜ੍ਹਾਈ ਦੀ ਸ਼ੁਰੂਆਤ ਨਾਦੌਣ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ ਤੋਂ ਹੋਈ, ਜਿੱਥੋਂ ਉਸਨੇ 12ਵੀਂ ਜਮਾਤ ਪਾਸ ਕੀਤੀ। ਬਾਅਦ ‘ਚ ਉਸਨੇ ਸੋਲਨ ਤੋਂ ਜੀਐਨਐਮ ਅਤੇ ਬੀ.ਐਸਸੀ. ਨਰਸਿੰਗ ‘ਚ ਉੱਚ ਸਿੱਖਿਆ ਪ੍ਰਾਪਤ ਕੀਤੀ। ਇੱਕ ਸਧਾਰਣ ਪਰਿਵਾਰ ਤੋਂ ਆਉਣ ਵਾਲੀ ਸ਼ਿਖਾ ਦੇ ਪਿਤਾ ਰਾਕੇਸ਼ ਕੁਮਾਰ ਦੁਕਾਨਦਾਰ ਹਨ ਅਤੇ ਮਾਂ ਘਰੇਲੂ ਔਰਤ। ਪਰਿਵਾਰ ਨੇ ਸਦਾ ਉਸਨੂੰ ਮਿਹਨਤ, ਇਮਾਨਦਾਰੀ ਅਤੇ ਸੰਘਰਸ਼ ਦੀ ਸਿੱਖ ਦਿੱਤੀ। ਉਸਦੇ ਦਾਦਾ, ਸਵਰਗੀ ਕ੍ਰਿਸ਼ਨਾ ਦੱਤ, ਇੱਕ ਮਿਸਾਲੀ ਅਧਿਆਪਕ ਰਹੇ ਹਨ ਅਤੇ ਦੋ ਚਾਚੇ ਵੀ ਅਧਿਆਪਨ ਪੇਸ਼ੇ ਨਾਲ ਜੁੜੇ ਹੋਏ ਹਨ। ਸ਼ਿਖਾ ਦੀ ਸਫਲਤਾ ਤੋਂ ਬਾਅਦ ਪਿੰਡ ‘ਚ ਖੁਸ਼ੀ ਦਾ ਮਾਹੌਲ ਹੈ, ਲੋਕ ਵਧਾਈ ਦੇਣ ਲਈ ਉਸਦੇ ਘਰ ਪਹੁੰਚ ਰਹੇ ਹਨ। ਇਹ ਸਿਰਫ਼ ਇੱਕ ਵਿਅਕਤੀ ਦੀ ਜਿੱਤ ਨਹੀਂ, ਸਗੋਂ ਹਿਮਾਚਲ ਦੇ ਹਰ ਨੌਜਵਾਨ ਲਈ ਪ੍ਰੇਰਣਾ ਹੈ।
