ਰੂਸ ਨਾਲ ਜੰਗ ਦੌਰਾਨ ਈਰਾਨੀ ਡਿਜ਼ਾਈਨ ਵਾਲੇ ‘ਕਾਮੀਕਾਜ਼ੇ’ ਡਰੋਨਾਂ ਦਾ ਵੱਡਾ ਤਜਰਬਾ ਹਾਸਲ ਕਰਨ ਤੋਂ ਬਾਅਦ ਯੂਕਰੇਨ ਹੁਣ ਆਪਣੀ ਇਹ ਮਹਾਰਤ ਅੰਤਰਰਾਸ਼ਟਰੀ ਪੱਧਰ ’ਤੇ ਸਾਂਝੀ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਸਾਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ ਅਤੇ ਕਤਰ ਸਮੇਤ ਖਾੜੀ ਦੇਸ਼ਾਂ ਨੂੰ ਡਰੋਨ ਵਿਰੋਧੀ ਰੱਖਿਆ ਪ੍ਰਣਾਲੀ ਵਿੱਚ ਮਦਦ ਦੀ ਪੇਸ਼ਕਸ਼ ਕੀਤੀ ਹੈ।
ਜ਼ੇਲੇਂਸਕੀ ਦੇ ਅਨੁਸਾਰ ਯੂਕਰੇਨ ਆਪਣੇ ਮਾਹਰਾਂ ਦੀਆਂ ਟੀਮਾਂ ਇਨ੍ਹਾਂ ਦੇਸ਼ਾਂ ਵਿੱਚ ਭੇਜੇਗਾ, ਜੋ ਸਥਾਨਕ ਫੌਜਾਂ ਨੂੰ ਡਰੋਨ ਹਮਲਿਆਂ ਨੂੰ ਨਾਕਾਮ ਕਰਨ ਦੇ ਤਰੀਕੇ ਸਿਖਾਉਣਗੇ। ਇਸ ਦੇ ਬਦਲੇ ਵਿੱਚ ਯੂਕਰੇਨ ਵਿੱਤੀ ਸਹਾਇਤਾ ਅਤੇ ਅਧੁਨਿਕ ਫੌਜੀ ਤਕਨਾਲੋਜੀ ਦੀ ਮੰਗ ਕਰ ਰਿਹਾ ਹੈ, ਜੋ ਉਸ ਨੂੰ ਰੂਸ ਨਾਲ ਚੱਲ ਰਹੀ ਜੰਗ ਵਿੱਚ ਲੋੜੀਂਦੀ ਹੈ।
READ ALSO : ਓਡੀਸ਼ਾ ਦੇ SCB ਹਸਪਤਾਲ ਵਿੱਚ ਭਿਆਨਕ ਅੱਗ: 10 ਮਰੀਜ਼ਾਂ ਦੀ ਮੌਤ, PM ਮੋਦੀ ਵੱਲੋਂ ਮੁਆਵਜ਼ੇ ਦਾ ਐਲਾਨ
ਇਸ ਕਦਮ ’ਤੇ ਈਰਾਨ ਨੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਕੀਵ ਵਿੱਚ ਈਰਾਨ ਦੇ ਰਾਜਦੂਤ ਨੇ ਯੂਕਰੇਨ ਦੀ ਪੇਸ਼ਕਸ਼ ਨੂੰ “ਨਾਟਕੀ ਕਦਮ” ਕਰਾਰ ਦਿੱਤਾ ਹੈ, ਜਦਕਿ ਕੁਝ ਈਰਾਨੀ ਨੇਤਾਵਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਸ ਨਾਲ ਤਣਾਅ ਹੋਰ ਵੱਧ ਸਕਦਾ ਹੈ।
ਯੂਕਰੇਨ ਦਾ ਕਹਿਣਾ ਹੈ ਕਿ ਰੂਸ ਨਾਲ ਜੰਗ ਦੌਰਾਨ ਮਿਲੀ ਡਰੋਨ ਵਿਰੋਧੀ ਤਜਰਬੇਕਾਰ ਜਾਣਕਾਰੀ ਨੂੰ ਉਹ ਆਪਣੀ ਰਣਨੀਤਕ ਤਾਕਤ ਵਜੋਂ ਵਰਤਣਾ ਚਾਹੁੰਦਾ ਹੈ, ਜਦਕਿ ਈਰਾਨ ਦਾ ਦੋਸ਼ ਹੈ ਕਿ ਕੀਵ ਪੱਛਮੀ ਦੇਸ਼ਾਂ ਤੋਂ ਸਹਾਇਤਾ ਹਾਸਲ ਕਰਨ ਲਈ ਇਹ ਕਦਮ ਚੁੱਕ ਰਿਹਾ ਹੈ।
ਗੈਸ ਸਿਲੰਡਰ ਦੀ ਘਾਟ ਨੂੰ ਲੈ ਕੇ ਪੰਜਾਬ ਵਿਧਾਨਸਭਾ ਦੇ ਬਾਹਰ AAP ਨੇ ਹੱਥਾਂ ‘ਚ ਤਿੱਖੀਆਂ ਫੜ ਕੀਤਾ ਪ੍ਰਦਰਸ਼ਨ