ਨੈਸ਼ਨਲ ਨਿਊਜ਼ : ਰਾਜਸਥਾਨ ਅਤੇ ਗੁਜਰਾਤ ਦੇ ਯਾਤਰੀਆਂ ਲਈ ਖੁਸ਼ਖਬਰੀ ਹੈ। ਭਾਰਤੀ ਰੇਲਵੇ ਜਲਦ ਹੀ ਅਹਿਮਦਾਬਾਦ (ਸਾਬਰਮਤੀ) ਅਤੇ ਬੀਕਾਨੇਰ (ਲਾਲਗੜ੍ਹ) ਵਿਚਕਾਰ ਇੱਕ ਨਵੀਂ ਰੋਜ਼ਾਨਾ ਐਕਸਪ੍ਰੈਸ ਟ੍ਰੇਨ ਸ਼ੁਰੂ ਕਰਨ ਜਾ ਰਿਹਾ ਹੈ। ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਇਸ ਨਵੀਂ ਸੇਵਾ ਨੂੰ ਹਰੀ ਝੰਡੀ ਦਿਖਾਉਣਗੇ, ਜਿਸ ਨਾਲ ਦੋਵਾਂ ਰਾਜਾਂ ਦੇ ਲੱਖਾਂ ਯਾਤਰੀਆਂ ਨੂੰ ਸਿੱਧਾ ਫਾਇਦਾ ਮਿਲੇਗਾ।
ਇਹ ਨਵੀਂ ਰੇਲ ਸੇਵਾ ਸੈਰ-ਸਪਾਟੇ, ਵਪਾਰ ਅਤੇ ਆਵਾਜਾਈ ਨੂੰ ਨਵਾਂ ਹੁਲਾਰਾ ਦੇਵੇਗੀ। ਗੁਜਰਾਤ ਦੇ ਸਾਬਰਮਤੀ ਰਿਵਰਫ੍ਰੰਟ, ਮੋਢੇਰਾ ਸੂਰਜ ਮੰਦਰ ਅਤੇ ਰਾਣੀ ਕੀ ਵਾਵ ਵਰਗੇ ਪ੍ਰਸਿੱਧ ਸਥਾਨਾਂ ਨਾਲ ਰਾਜਸਥਾਨ ਦੇ ਜੂਨਾਗੜ੍ਹ ਕਿਲ੍ਹੇ ਅਤੇ ਕਰਨੀ ਮਾਤਾ ਮੰਦਰ ਦੀ ਕਨੈਕਟੀਵਿਟੀ ਹੋਰ ਮਜ਼ਬੂਤ ਹੋਵੇਗੀ।
ਸ਼ਰਧਾਲੂਆਂ ਲਈ ਖੁਸ਼ਖਬਰੀ: ਹਰਿਦੁਆਰ, ਸਾਲਾਸਰ, ਖਾਟੂ ਸ਼ਿਆਮ ਤੇ ਮਥੁਰਾ-ਵ੍ਰਿੰਦਾਵਨ ਲਈ ਮੁਫ਼ਤ ਬੱਸਾਂ
ਲਗਭਗ 740 ਕਿਲੋਮੀਟਰ ਦਾ ਸਫਰ ਤੈਅ ਕਰਨ ਵਾਲੀ ਇਹ ਟ੍ਰੇਨ ਸਾਬਰਮਤੀ, ਮਹਿਸਾਣਾ, ਪਾਟਨ, ਭੀਲਡੀ, ਜਾਲੋਰ, ਸਮਦਰੀ, ਜੋਧਪੁਰ, ਮੇਰਤਾ ਰੋਡ, ਨਾਗੌਰ, ਨੋਖਾ, ਬੀਕਾਨੇਰ ਅਤੇ ਲਾਲਗੜ੍ਹ ਸਮੇਤ ਕਈ ਮਹੱਤਵਪੂਰਨ ਸਟੇਸ਼ਨਾਂ ‘ਤੇ ਰੁਕੇਗੀ। ਇਸ ਨਾਲ ਗੁਜਰਾਤ ਅਤੇ ਰਾਜਸਥਾਨ ਦੇ ਕਈ ਜ਼ਿਲ੍ਹਿਆਂ ਦੇ ਲੋਕਾਂ ਨੂੰ ਸਿੱਧੀ ਅਤੇ ਸੁਵਿਧਾਜਨਕ ਯਾਤਰਾ ਦਾ ਲਾਭ ਮਿਲੇਗਾ।
ਰੇਲਵੇ ਵੱਲੋਂ ਰਾਜਸਥਾਨ ਵਿੱਚ ਰੇਲ ਨੈੱਟਵਰਕ ਨੂੰ ਮਜ਼ਬੂਤ ਕਰਨ ਲਈ ਲਗਾਤਾਰ ਕਦਮ ਚੁੱਕੇ ਜਾ ਰਹੇ ਹਨ। ਨਵੀਂ ਐਕਸਪ੍ਰੈਸ ਸੇਵਾ ਨਾਲ ਨਾ ਸਿਰਫ਼ ਯਾਤਰਾ ਆਸਾਨ ਹੋਵੇਗੀ, ਸਗੋਂ ਖੇਤਰੀ ਵਿਕਾਸ ਅਤੇ ਵਪਾਰਕ ਗਤੀਵਿਧੀਆਂ ਨੂੰ ਵੀ ਨਵੀਂ ਰਫ਼ਤਾਰ ਮਿਲੇਗੀ।
ਰਸੋਈ ਤੋਂ ਚੂਹਿਆਂ ਨੂੰ ਮਾਰੇ ਬਿਨਾਂ ਭਜਾਉਣ ਦਾ ਆਸਾਨ ਘਰੇਲੂ ਤਰੀਕਾ