ਪੰਜਾਬ ਡੈਸਕ (ਦੈਨਿਕ ਸਵੇਰਾ): ਪੰਜਾਬ ਦੇ ਉਦਯੋਗ, ਵਪਾਰ, ਨਿਵੇਸ਼ ਪ੍ਰੋਮੋਸ਼ਨ, ਲੋਕਲ ਗਵਰਨਮੈਂਟ ਅਤੇ ਬਿਜਲੀ ਮੰਤਰੀ ਸੰਜੀਵ ਅਰੋੜਾ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਮੋਹਾਲੀ ਵਿੱਚ ਇੱਕ ਆਧੁਨਿਕ ਮਲਟੀਪਰਪਜ਼ ਐਗਜ਼ਿਬਿਸ਼ਨ ਅਤੇ ਕਨਵੈਂਸ਼ਨ ਸੈਂਟਰ Multipurpose Exhibition and Convention Center (ECC) ਬਣਾਇਆ ਜਾ ਰਿਹਾ ਹੈ। ਇਹ ਪ੍ਰੋਜੈਕਟ ਸੈਕਟਰ 83 ਵਿੱਚ ਪਲਕਸ਼ਾ ਯੂਨੀਵਰਸਿਟੀ ਅਤੇ ਇਨਫੋਸਿਸ ਕੈਂਪਸ (Palksha University and Infosys Campus) ਦੇ ਨੇੜੇ ਬਣੇਗਾ। ਇਹ ਕਦਮ ਦੱਸਦਾ ਹੈ ਕਿ ਪੰਜਾਬ ਨਿਵੇਸ਼, ਇੰਫਰਾਸਟਰਕਚਰ ਅਤੇ ਗਲੋਬਲ ਬਿਜ਼ਨਸ ਦਾ ਵੱਡਾ ਕੇਂਦਰ ਬਣ ਰਿਹਾ ਹੈ।
ਮੰਤਰੀ ਸੰਜੀਵ ਅਰੋੜਾ ਨੇ ਕਿਹਾ ਕਿ ਇਹ ਪ੍ਰੋਜੈਕਟ ਅਰਵਿੰਦ ਕੇਜਰੀਵਾਲ ਅਤੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਦੂਰਦਰਸ਼ੀ ਸੋਚ ਦਾ ਨਤੀਜਾ ਹੈ। ਇਸਦਾ ਮਕਸਦ ਪੰਜਾਬ ਨੂੰ ਗਲੋਬਲ ਇਵੈਂਟਾਂ ਅਤੇ ਨਿਵੇਸ਼ ਲਈ ਪਸੰਦੀਦਾ ਮੰਜ਼ਿਲ ਬਣਾਉਣਾ ਹੈ।
ਪ੍ਰੋਜੈਕਟ ਦੇ ਮੁੱਖ ਬਿੰਦੂ
ਜ਼ਮੀਨ ਅਤੇ ਲਾਗਤ
- ਇਹ ਕਨਵੈਂਸ਼ਨ ਸੈਂਟਰ 14 ਏਕੜ ਵਿੱਚ ਬਣੇਗਾ।
- ਪ੍ਰੋਜੈਕਟ ਪਬਲਿਕ-ਪ੍ਰਾਈਵੇਟ ਪਾਰਟਨਰਸ਼ਿਪ (PPP) ਮਾਡਲ ‘ਤੇ ਬਣੇਗਾ।
- ਡਿਵੈਲਪਰ: Exhicon Events Media Solutions Ltd.
- ਕੁੱਲ ਲਾਗਤ: ਲਗਭਗ ₹250 ਕਰੋੜ
- ਪ੍ਰੋਜੈਕਟ ਦੀ ਕਨਸੈਸ਼ਨ ਪੀਰੀਅਡ: 15 ਸਾਲ
ਪ੍ਰੋਜੈਕਟ ਦੇ ਦੋ ਫੇਜ਼
- ਫੇਜ਼ 1: 31 ਦਸੰਬਰ 2026 ਤੱਕ ਪੂਰਾ
- ਫੇਜ਼ 2: 31 ਦਸੰਬਰ 2027 ਤੱਕ ਪੂਰਾ
ਇੰਫਰਾਸਟਰਕਚਰ ਅਤੇ ਸੁਵਿਧਾਵਾਂ
ਐਗਜ਼ਿਬਿਸ਼ਨ ਹਾਲ
- 40,000 ਵਰਗ ਫੁੱਟ ਦਾ ਇੱਕ ਵੱਡਾ ਹਾਲ
- 15,000 ਵਰਗ ਫੁੱਟ ਦਾ ਦੂਜਾ ਹਾਲ
- ਕਾਲਮ-ਫ੍ਰੀ ਡਿਜ਼ਾਈਨ (ਬਿਨਾਂ ਖੰਭਿਆਂ ਵਾਲੇ ਵੱਡੇ ਹਾਲ)
ਵਿਸਾਖੀ ਲਈ SGPC ਦਾ ਵੱਡਾ ਜਥਾ, ਪਾਕਿਸਤਾਨ ਲਈ ਰਵਾਨਾ, 1,763 visas ਮਨਜ਼ੂਰ
ਹੋਰ ਸੁਵਿਧਾਵਾਂ
- ਕਾਨਫਰੈਂਸ ਅਤੇ ਬ੍ਰੇਕਆਉਟ ਰੂਮ
- 15,000 ਵਰਗ ਫੁੱਟ ਦਾ ਰਿਟੇਲ ਅਤੇ ਫੂਡ ਕੋਰਟ
- ਘੱਟੋ-ਘੱਟ 1,000 ਵਾਹਨਾਂ ਦੀ ਪਾਰਕਿੰਗ
- ਖੁੱਲ੍ਹੇ ਇਵੈਂਟ ਏਰੀਏ ਅਤੇ ਲੈਂਡਸਕੇਪਡ ਜਨਤਕ ਸਥਾਨ
ਇੱਥੇ ਕਿਹੜੇ ਇਵੈਂਟ ਹੋ ਸਕਣਗੇ?
- 5,000 ਤੋਂ 10,000 ਲੋਕਾਂ ਵਾਲੇ ਕਾਨਫਰੈਂਸ ਅਤੇ ਸਮਿੱਟ
- 2,000 ਲੋਕਾਂ ਲਈ 20,000 ਵਰਗ ਫੁੱਟ ਦਾ ਮੀਟ-ਐਂਡ-ਗ੍ਰੀਟ ਏਰੀਆ
- 200 ਤੋਂ 500 ਬੂਥਾਂ ਵਾਲੀਆਂ ਐਗਜ਼ਿਬਿਸ਼ਨ ਅਤੇ ਟਰੇਡ ਫੇਅਰ
- 1,000 ਤੋਂ 10,000 ਲੋਕਾਂ ਵਾਲੇ ਕਾਰਪੋਰੇਟ ਇਵੈਂਟ
- 1,000 ਤੋਂ 10,000 ਲੋਕਾਂ ਵਾਲੇ ਸੱਭਿਆਚਾਰਕ ਅਤੇ ਮਨੋਰੰਜਨ ਪ੍ਰੋਗਰਾਮ
- 15,000 ਲੋਕਾਂ ਤੱਕ ਦੇ ਸਮਾਜਿਕ ਸਮਾਗਮ
ਡਿਜ਼ਾਈਨ ਅਤੇ ਸਸਤੇਨਬਿਲਟੀ
- ਆਧੁਨਿਕ ਕਾਲਮ-ਫ੍ਰੀ ਸਟ੍ਰਕਚਰ
- ਟ੍ਰੈਫਿਕ ਅਤੇ ਲੋਜਿਸਟਿਕਸ ਦੀ ਸੁਚਾਰੂ ਯੋਜਨਾ
- ਆਧੁਨਿਕ MEP, AV ਅਤੇ IT ਸਿਸਟਮ
- NBC, ਫਾਇਰ ਸੇਫਟੀ ਅਤੇ ਐਕਸੈਸਬਿਲਟੀ ਮਾਪਦੰਡਾਂ ਦੀ ਪਾਲਣਾ
- GRIHA 5-Star ਸਸਤੇਨਬਲ ਡਿਜ਼ਾਈਨ ਪ੍ਰਿੰਸੀਪਲ
ਕੇਰਲ ਅਤੇ ਅਸਾਮ ਵਿੱਚ ਵੋਟਿੰਗ ਸ਼ੁਰੂ, ਪ੍ਰਿਯੰਕਾ ਗਾਂਧੀ ਨੇ ਵੋਟਰਾਂ ਨੂੰ ਬਦਲਾਅ ਲਈ ਅਪੀਲ ਕੀਤੀ
ਪੰਜਾਬ ਲਈ ਲਾਭ
ਮੰਤਰੀ ਨੇ ਕਿਹਾ ਕਿ ਇਹ ਪ੍ਰੋਜੈਕਟ ਪੰਜਾਬ ਲਈ ਬਦਲਾਅ ਲਿਆਉਣ ਵਾਲਾ ਹੋਵੇਗਾ।
ਇਸ ਨਾਲ:
- ਗਲੋਬਲ ਇਵੈਂਟਾਂ ਦੀ ਮੇਜ਼ਬਾਨੀ ਦੀ ਸਮਰੱਥਾ ਵਧੇਗੀ
- ਨਿਵੇਸ਼ ਆਕਰਸ਼ਿਤ ਹੋਣਗੇ
- ਵੱਡੇ ਪੱਧਰ ‘ਤੇ ਰੋਜ਼ਗਾਰ ਪੈਦਾ ਹੋਵੇਗਾ
- ਮੋਹਾਲੀ ਨੂੰ ਆਧੁਨਿਕ IT ਅਤੇ ਸਰਵਿਸ ਹੱਬ ਵਜੋਂ ਮਜ਼ਬੂਤੀ ਮਿਲੇਗੀ
ਪਹਿਲੇ ਪੰਜ ਸਾਲਾਂ ਵਿੱਚ 15,000 ਤੋਂ 25,000 ਨੌਕਰੀਆਂ ਬਣਨ ਦੀ ਉਮੀਦ ਹੈ।
ਪ੍ਰੈਸ ਕਾਨਫਰੈਂਸ ਦੌਰਾਨ Exhicon Group ਦੇ ਚੇਅਰਮੈਨ M.Q. Syed, PUDA ਦੇ Vikas Hira, ਪ੍ਰੋਜੈਕਟ ਦੇ ਆਰਕੀਟੈਕਟ ਸੰਜੇ ਸੂਰਿਆ ਅਤੇ ਡਾਇਰੈਕਟਰ ਰਾਹੁਲ ਸ਼ਾਹ ਵੀ ਮੌਜੂਦ ਸਨ।
mohali-new-ecc-14-acres-10000-people-event-venue