1 ਜੁਲਾਈ 2026 ਤੋਂ ਆਮ ਜਨਤਾ ਦੀ ਜ਼ਿੰਦਗੀ ਅਤੇ ਜੇਬ੍ਹ ‘ਤੇ ਅਸਰ ਪਾਉਣ ਵਾਲੇ ਕਈ ਵੱਡੇ ਨਿਯਮਾਂ ਵਿੱਚ ਬਦਲਾਅ ਹੋਣ ਜਾ ਰਹੇ ਹਨ। ਇਨ੍ਹਾਂ ਵਿੱਚ ਪਾਸਪੋਰਟ ਫੀਸ, ਆਧਾਰ ਕਾਰਡ ਅਪਡੇਟ, ਰੇਲਵੇ ਜੁਰਮਾਨੇ, ਕ੍ਰੈਡਿਟ ਕਾਰਡ ਨਿਯਮ, ITR ਫਾਈਲਿੰਗ ਅਤੇ ਤੇਲ ਕੀਮਤਾਂ ਦੀ ਸਮੀਖਿਆ ਸ਼ਾਮਲ ਹੈ।
ਸਭ ਤੋਂ ਪਹਿਲਾਂ ਪਾਸਪੋਰਟ ਬਣਵਾਉਣਾ ਮਹਿੰਗਾ ਹੋਣ ਜਾ ਰਿਹਾ ਹੈ। ਨਵੇਂ ਨਿਯਮਾਂ ਅਨੁਸਾਰ 36 ਪੰਨਿਆਂ ਦੇ ਪਾਸਪੋਰਟ ਦੀ ਫੀਸ ਵਧ ਕੇ 2,500 ਰੁਪਏ ਅਤੇ ਤਤਕਾਲ ਸੇਵਾ 5,000 ਰੁਪਏ ਤੱਕ ਹੋ ਸਕਦੀ ਹੈ। 60 ਪੰਨਿਆਂ ਵਾਲੇ ਪਾਸਪੋਰਟ ਲਈ ਵੀ ਫੀਸ ਵਿੱਚ ਵਾਧਾ ਕੀਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਮੋਦੀ ਦੀ ਸੇਸ਼ੇਲਸ ਯਾਤਰਾ: 194 ਸਾਲਾ ਕੱਛੂ “ਜੋਨਾਥਨ” ਨਾਲ ਖਾਸ ਮੁਲਾਕਾਤ
ਆਧਾਰ ਕਾਰਡ ਅਪਡੇਟ ਨੂੰ ਲੈ ਕੇ ਰਾਹਤ ਮਿਲੇਗੀ ਕਿਉਂਕਿ ਮੋਬਾਈਲ ਐਪ ਰਾਹੀਂ ਈਮੇਲ ਆਈਡੀ ਅਪਡੇਟ ਸੇਵਾ 31 ਦਸੰਬਰ 2026 ਤੱਕ ਮੁਫ਼ਤ ਰਹੇਗੀ।ਰੇਲਵੇ ਨਿਯਮਾਂ ਵਿੱਚ ਵੀ ਸਖ਼ਤੀ ਕੀਤੀ ਗਈ ਹੈ। ਛੋਟੇ ਜੁਰਮਾਨੇ ਹੁਣ ਦੁੱਗਣੇ ਹੋ ਸਕਦੇ ਹਨ ਅਤੇ ਬਿਨਾਂ ਇਜਾਜ਼ਤ ਕੋਚ ਵਿੱਚ ਯਾਤਰਾ ਜਾਂ ਪਾਬੰਦੀਸ਼ੁਦਾ ਸਮਾਨ ਲਿਜਾਣ ‘ਤੇ ਭਾਰੀ ਜੁਰਮਾਨਾ ਲੱਗੇਗਾ।
ਕ੍ਰੈਡਿਟ ਕਾਰਡ ਯੂਜ਼ਰਾਂ ਲਈ ਵੀ ਨਵੇਂ ਨਿਯਮ ਆਏ ਹਨ, ਜਿੱਥੇ HDFC ਬੈਂਕ ਦੇ ਕੁਝ ਕਾਰਡਾਂ ‘ਤੇ ਲਾਊਂਜ ਐਕਸੈਸ ਲਈ ਖਰਚ ਦੀ ਸ਼ਰਤ ਲਾਗੂ ਹੋਵੇਗੀ।
ਇਸਦੇ ਨਾਲ ਹੀ ITR ਫਾਈਲ ਕਰਨ ਦੀ ਆਖਰੀ ਤਾਰੀਖ 31 ਜੁਲਾਈ 2026 ਹੈ, ਇਸ ਲਈ ਟੈਕਸਦਾਤਾਵਾਂ ਨੂੰ ਸਮੇਂ ਸਿਰ ਰਿਟਰਨ ਭਰਨ ਦੀ ਸਲਾਹ ਦਿੱਤੀ ਗਈ ਹੈ। ਹਰ ਮਹੀਨੇ ਦੀ ਤਰ੍ਹਾਂ LPG, CNG ਅਤੇ ਹੋਰ ਇੰਧਨ ਦੀਆਂ ਕੀਮਤਾਂ ਵੀ 1 ਜੁਲਾਈ ਨੂੰ ਸਮੀਖਿਆ ਹੇਠ ਰਹਿਣਗੀਆਂ।
ਇਹ ਨਵੇਂ ਨਿਯਮ ਆਮ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ ਅਤੇ ਖਰਚ ‘ਤੇ ਸਿੱਧਾ ਅਸਰ ਪਾ ਸਕਦੇ ਹਨ, ਇਸ ਲਈ ਪਹਿਲਾਂ ਤੋਂ ਜਾਣਕਾਰੀ ਰੱਖਣਾ ਬਹੁਤ ਜ਼ਰੂਰੀ ਹੈ।
ਅਰੁਣਾਚਲ ਪ੍ਰਦੇਸ਼ ਵਿੱਚ ਬੱਦਲ ਫਟਣ ਨਾਲ ਹੜ੍ਹ: ਨੀਪਕੋ ਕਲੋਨੀ ਵਿੱਚ ਤਬਾਹੀ, 4 ਲੋਕ ਅਜੇ ਵੀ ਲਾਪਤਾ