ਮੱਧ ਪੂਰਬ ਵਿੱਚ ਵਧ ਰਹੇ ਤਣਾਅ ਦੇ ਵਿਚਕਾਰ ਭਾਰਤ ਲਈ ਇੱਕ ਵੱਡੀ ਰਾਹਤ ਦੀ ਖ਼ਬਰ ਸਾਹਮਣੇ ਆਈ ਹੈ। “ਸਰਵ ਸ਼ਕਤੀ” ਨਾਮ ਦਾ ਇੱਕ ਵਿਸ਼ਾਲ LPG ਟੈਂਕਰ ਲਗਭਗ 45,000 ਟਨ ਤਰਲ ਪੈਟਰੋਲੀਅਮ ਗੈਸ (LPG) ਲੈ ਕੇ ਭਾਰਤ ਵੱਲ ਵੱਧ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਦੀ ਸੁਰੱਖਿਅਤ ਆਮਦ ਨਾਲ ਦੇਸ਼ ਵਿੱਚ ਚੱਲ ਰਹੀ ਗੈਸ ਦੀ ਘਾਟ ਕਾਫ਼ੀ ਹੱਦ ਤੱਕ ਦੂਰ ਹੋ ਸਕਦੀ ਹੈ।
45,000 ਟਨ LPG ਨਾਲ ਭਰਿਆ ਟੈਂਕਰ
ਇਹ ਟੈਂਕਰ ਹੋਰਮੁਜ਼ ਜਲਡਮਰੂ ਰਾਹੀਂ ਭਾਰਤ ਵੱਲ ਆ ਰਿਹਾ ਹੈ, ਜੋ ਕਿ ਵਿਸ਼ਵ ਦੇ ਸਭ ਤੋਂ ਸੰਵੇਦਨਸ਼ੀਲ ਅਤੇ ਮਹੱਤਵਪੂਰਨ ਸ਼ਿਪਿੰਗ ਰੂਟਾਂ ਵਿੱਚੋਂ ਇੱਕ ਹੈ। ਮੌਜੂਦਾ ਸਮੇਂ ਵਿੱਚ, ਈਰਾਨ-ਅਮਰੀਕਾ ਤਣਾਅ ਅਤੇ ਖੇਤਰੀ ਅਸਥਿਰਤਾ ਕਾਰਨ ਇੱਥੇ ਜਹਾਜ਼ਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋ ਰਹੀ ਹੈ।
ਇਸ ਦੇ ਬਾਵਜੂਦ, “ਸਰਵ ਸ਼ਕਤੀ” ਦਾ ਸਫ਼ਰ ਭਾਰਤ ਲਈ ਇੱਕ ਉਮੀਦ ਦੀ ਕਿਰਣ ਵਜੋਂ ਦੇਖਿਆ ਜਾ ਰਿਹਾ ਹੈ।
ਕਿੱਥੇ ਪਹੁੰਚਿਆ ਟੈਂਕਰ?
ਸ਼ਿਪਿੰਗ ਡੇਟਾ ਮੁਤਾਬਕ, ਟੈਂਕਰ ਇਸ ਵੇਲੇ ਓਮਾਨ ਦੀ ਖਾੜੀ ਵੱਲ ਵੱਧ ਰਿਹਾ ਹੈ ਅਤੇ ਈਰਾਨ ਦੇ ਨੇੜਲੇ ਟਾਪੂਆਂ ਕੋਲੋਂ ਲੰਘ ਰਿਹਾ ਹੈ। ਇਸ ਨਾਲ ਇਹ ਸੰਕੇਤ ਮਿਲਦਾ ਹੈ ਕਿ ਜਹਾਜ਼ ਜਲਦੀ ਹੀ ਭਾਰਤ ਦੇ ਬੰਦਰਗਾਹਾਂ ਵੱਲ ਰੁਖ ਕਰ ਸਕਦਾ ਹੈ।ਖ਼ਾਸ ਗੱਲ ਇਹ ਵੀ ਹੈ ਕਿ ਜਹਾਜ਼ ‘ਤੇ ਭਾਰਤੀ ਕਰੂ ਮੌਜੂਦ ਹੈ, ਜਿਸ ਕਾਰਨ ਸੁਰੱਖਿਆ ਚਿੰਤਾਵਾਂ ਵੀ ਜੁੜੀਆਂ ਹੋਈਆਂ ਹਨ।
ਖਰੀਦਦਾਰ ਕੌਣ?
ਰਿਪੋਰਟਾਂ ਅਨੁਸਾਰ, ਇਸ ਗੈਸ ਕਾਰਗੋ ਦਾ ਖਰੀਦਦਾਰ Indian Oil Corporation ਹੋ ਸਕਦੀ ਹੈ, ਹਾਲਾਂਕਿ ਕੰਪਨੀ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਕ ਪੁਸ਼ਟੀ ਨਹੀਂ ਕੀਤੀ ਗਈ।ਜੇ ਇਹ ਸ਼ਿਪਮੈਂਟ ਸੁਰੱਖਿਅਤ ਤਰੀਕੇ ਨਾਲ ਭਾਰਤ ਪਹੁੰਚਦੀ ਹੈ, ਤਾਂ ਇਹ ਹਾਲੀਆ ਤਣਾਅ ਦੇ ਬਾਅਦ ਪਹਿਲੀ ਵੱਡੀ LPG ਸਪਲਾਈ ਹੋਵੇਗੀ।
ਭਾਰਤ ਵਿੱਚ LPG ਦੀ ਮੌਜੂਦਾ ਸਥਿਤੀ
ਮੱਧ ਪੂਰਬ ਤੋਂ ਸਪਲਾਈ ਵਿੱਚ ਰੁਕਾਵਟਾਂ ਕਾਰਨ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ LPG ਦੀ ਘਾਟ ਮਹਿਸੂਸ ਕੀਤੀ ਜਾ ਰਹੀ ਹੈ।
ਕਈ ਥਾਵਾਂ ‘ਤੇ ਸਿਲੰਡਰਾਂ ਲਈ ਲੰਬੀਆਂ ਕਤਾਰਾਂ ,
ਡਿਲਿਵਰੀ ਵਿੱਚ ਦੇਰੀ
ਘਰੇਲੂ ਵਰਤੋਂ ‘ਤੇ ਅਸਰ
ਇਸ ਸਥਿਤੀ ਨੂੰ ਦੇਖਦੇ ਹੋਏ ਸਰਕਾਰ ਨੇ ਬੰਦਰਗਾਹਾਂ ਨੂੰ LPG ਟੈਂਕਰਾਂ ਨੂੰ ਤਰਜੀਹ ਦੇਣ ਦੇ ਹੁਕਮ ਦਿੱਤੇ
ਘਰੇਲੂ ਉਤਪਾਦਨ ਵਧਾ ਕੇ ਲਗਭਗ 54,000 ਟਨ ਪ੍ਰਤੀ ਦਿਨ ਕੀਤਾ। ਖਪਤ ਸੰਤੁਲਿਤ ਕਰਨ ਦੇ ਯਤਨ ਕੀਤੇ।
ਵਿਸ਼ਵ ਪੱਧਰ ‘ਤੇ ਮਹੱਤਵ
ਮਾਹਿਰਾਂ ਦਾ ਮੰਨਣਾ ਹੈ ਕਿ “ਸਰਵ ਸ਼ਕਤੀ” ਦੀ ਇਹ ਯਾਤਰਾ ਸਿਰਫ਼ ਭਾਰਤ ਲਈ ਹੀ ਨਹੀਂ, ਸਗੋਂ ਵਿਸ਼ਵ ਪੱਧਰ ‘ਤੇ ਊਰਜਾ ਸਪਲਾਈ ਲਈ ਵੀ ਅਹਿਮ ਸਾਬਤ ਹੋ ਸਕਦੀ ਹੈ। ਜੇ ਇਹ ਮਿਸ਼ਨ ਸਫਲ ਰਹਿੰਦਾ ਹੈ, ਤਾਂ ਇਹ ਹੋਰ ਦੇਸ਼ਾਂ ਲਈ ਵੀ ਇੱਕ ਸਕਾਰਾਤਮਕ ਸੰਕੇਤ ਹੋਵੇਗਾ।