ਨੈਸ਼ਨਲ ਡੈਸਕ: ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਗੋਵਿੰਦਾ ਇਨ੍ਹਾਂ ਦਿਨਾਂ ਆਪਣੀ ਪਤਨੀ ਸੁਨੀਤਾ ਆਹੂਜਾ ਨਾਲ ਤਲਾਕ ਦੀਆਂ ਖ਼ਬਰਾਂ ਕਰਕੇ ਚਰਚਾ ਵਿੱਚ ਹਨ। ਹਾਲ ਹੀ ਵਿੱਚ ਸੁਨੀਤਾ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ ਸੀ ਕਿ ਉਹ ਗੋਵਿੰਦਾ ਨੂੰ ਉਨ੍ਹਾਂ ਦੇ ਅਫੇਅਰ ਕਾਰਨ ਕਦੇ ਮਾਫ਼ ਨਹੀਂ ਕਰਨਗੀਆਂ। ਇਸ ਪਰਿਵਾਰਕ ਤਣਾਅ ਵਿੱਚ ਹੁਣ ਗੋਵਿੰਦਾ ਦੇ ਭਤੀਜੇ ਅਤੇ ਕਾਮੇਡੀਅਨ ਕ੍ਰਿਸ਼ਨਾ ਅਭਿਸ਼ੇਕ ਦਾ ਨਾਂ ਵੀ ਆ ਰਿਹਾ ਹੈ।
ਕੁਝ ਦਿਨ ਪਹਿਲਾਂ ਗੋਵਿੰਦਾ ਨੇ ਕਿਹਾ ਸੀ ਕਿ ਕਈ ਲੋਕ ਉਨ੍ਹਾਂ ਦੇ ਭਾਂਜੇ ਕ੍ਰਿਸ਼ਨਾ ਰਾਹੀਂ ਉਨ੍ਹਾਂ ਦੀ ਬੇਇੱਜਤੀ ਕਰਦੇ ਹਨ। ਉਨ੍ਹਾਂ ਦੱਸਿਆ ਕਿ ਕ੍ਰਿਸ਼ਨਾ ਦੇ ਟੀਵੀ ਸ਼ੋਅ ਵਿੱਚ ਲੇਖਕ ਅਕਸਰ ਉਹਨਾਂ ਤੋਂ ਅਜਿਹੀਆਂ ਗੱਲਾਂ ਬੁਲਵਾਉਂਦੇ ਹਨ ਜੋ ਉਨ੍ਹਾਂ ਨੂੰ ਅਪਮਾਨਿਤ ਮਹਿਸੂਸ ਕਰਵਾਉਂਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਕ੍ਰਿਸ਼ਨਾ ਨੂੰ ਸਾਵਧਾਨ ਰਹਿਣ ਲਈ ਕਿਹਾ ਸੀ, ਪਰ ਜਦੋਂ ਵੀ ਉਹ ਕੁਝ ਕਹਿੰਦੇ ਹਨ ਜਿਸ ਨਾਲ ਸੁਨੀਤਾ ਨਾਰਾਜ਼ ਹੋ ਜਾਂਦੀ ਹੈ, ਤਾਂ ਉਹ ਗੁੱਸੇ ਵਿੱਚ ਆ ਜਾਂਦੀ ਹੈ।
PCOS ਦੀ 5 ਵੱਡੀ ਗਲਤਫਹਿਮੀ: ਡਾਕਟਰ ਨੇ ਖੋਲ੍ਹੀ ਅਸਲ ਸੱਚਾਈ, ਜਾਣ ਲਵੋਂ ਕੀ ਹੈ ਸੱਚ…
ਹੁਣ ਇਸ ਸਾਰੇ ਮਾਮਲੇ ‘ਤੇ ਕ੍ਰਿਸ਼ਨਾ ਅਭਿਸ਼ੇਕ ਨੇ ਆਪਣੀ ਚੁੱਪੀ ਤੋੜੀ ਹੈ। ਇੱਕ ਇੰਟਰਵਿਊ ਦੌਰਾਨ ਕ੍ਰਿਸ਼ਨਾ ਨੇ ਕਿਹਾ, “ਮੈਂ ਆਪਣੇ ਮਾਮਾ ਨਾਲ ਬਹੁਤ ਪਿਆਰ ਕਰਦਾ ਹਾਂ ਅਤੇ ਉਨ੍ਹਾਂ ਦੀ ਇੱਜ਼ਤ ਕਰਦਾ ਹਾਂ। ਉਹ ਇੱਕ ਲੈਜੈਂਡ ਹਨ ਅਤੇ ਉਨ੍ਹਾਂ ਦੇ ਵਿਚਾਰ ‘ਨੇਕਸਟ ਲੈਵਲ’ ਦੇ ਹੁੰਦੇ ਹਨ। ਸ਼ਾਇਦ ਇਸੀ ਕਰਕੇ ਉਹ ਹਰ ਗੱਲ ਨੂੰ ਵੱਖਰੇ ਢੰਗ ਨਾਲ ਵੇਖਦੇ ਹਨ। ਇੱਕੋ ਗੱਲ ਨੂੰ ਹਰ ਕੋਈ ਵੱਖਰੇ ਢੰਗ ਨਾਲ ਸਮਝਦਾ ਹੈ। ਕਿਸੇ ਨੂੰ ਉਹ ਵਿਅੰਗ ਲੱਗ ਸਕਦੀ ਹੈ, ਕਿਸੇ ਨੂੰ ਮਜ਼ਾਕ, ਪਰ ਮੈਂ ਹਮੇਸ਼ਾ ਗੱਲਾਂ ਨੂੰ ਸਕਾਰਾਤਮਕ ਢੰਗ ਨਾਲ ਲੈਂਦਾ ਹਾਂ।”
ਦੂਜੇ ਪਾਸੇ, ਸੁਨੀਤਾ ਆਹੂਜਾ ਨੇ ਵੀ ਪਰਿਵਾਰਕ ਤਣਾਅ ਵਿਚਕਾਰ ਨਰਮੀ ਦਿਖਾਈ ਹੈ। ਉਨ੍ਹਾਂ ਕਿਹਾ, “ਕ੍ਰਿਸ਼ਨਾ ਮੇਰੇ ਸਾਹਮਣੇ ਵੱਡਾ ਹੋਇਆ ਹੈ। ਉਹ ਅਤੇ ਹੋਰ ਸਾਰੇ ਮੇਰੇ ਬੱਚਿਆਂ ਵਾਂਗ ਹਨ। 2016 ਤੋਂ ਜੋ ਕੜਵਾਹਟ ਸੀ, ਮੈਂ ਉਹ ਭੁਲਾ ਦਿੱਤੀ ਹੈ। ਹੁਣ ਮੈਂ ਸਿਰਫ਼ ਇਹੀ ਚਾਹੁੰਦੀ ਹਾਂ ਕਿ ਸਾਰੇ ਬੱਚੇ ਖੁਸ਼ ਰਹਿਣ। ਮੇਰੀ ਤਰਫੋਂ ਸਭ ਨੂੰ ਆਸ਼ੀਰਵਾਦ ਹੈ।”
ਬਸੰਤ ਪੰਚਮੀ 2026: 23 ਜਨਵਰੀ ਨੂੰ ਮਨਾਈ ਜਾਵੇਗੀ ਬਸੰਤ ਪੰਚਮੀ, ਜਾਣੋ ਪੂਜਾ ਵਿਧੀ ਤੇ ਸ਼ੁਭ ਮੁਹੂਰਤ
ਹੁਣ ਕ੍ਰਿਸ਼ਨਾ ਦੇ ਨਰਮ ਬਿਆਨ ਅਤੇ ਸੁਨੀਤਾ ਦੇ ਸ਼ਾਂਤ ਰਵੱਈਏ ਤੋਂ ਲੱਗਦਾ ਹੈ ਕਿ ਪਰਿਵਾਰ ਵਿੱਚ ਚੱਲ ਰਹੀ ਉਥਲ-ਪੁਥਲ ਜਲਦੀ ਹੀ ਖਤਮ ਹੋ ਸਕਦੀ ਹੈ। ਫੈਨਜ਼ ਵੀ ਉਮੀਦ ਕਰ ਰਹੇ ਹਨ ਕਿ ਗੋਵਿੰਦਾ ਦਾ ਪਰਿਵਾਰ ਇੱਕ ਵਾਰ ਫਿਰ ਇਕੱਠਾ ਹੋਵੇ।
