Site icon Dainik Savera Punjab

2027 ਚੋਣਾਂ ਤੋਂ ਪਹਿਲਾਂ ਵੱਡੀ ਹਲਚਲ — ED ਅਫ਼ਸਰ ਦਾ ਤਬਾਦਲਾ ਅਤੇ ਕੈਪਟਨ ਦੀ ਵਾਪਸੀ ਦੀ ਚਰਚਾ ਨਾਲ ਸਿਆਸਤ ਗਰਮ

ਪੰਜਾਬ ਡੈਸਕ: ਪੰਜਾਬ ਕਾਂਗਰਸ ਦੇ ਇੰਚਾਰਜ ਭੂਪੇਸ਼ ਬਘੇਲ ਨੇ ਕਿਹਾ ਕਿ ਜੇ ਕੈਪਟਨ ਅਮਰਿੰਦਰ ਸਿੰਘ ਵਾਪਸ ਕਾਂਗਰਸ ਵਿੱਚ ਆਉਣਾ ਚਾਹੁੰਦੇ ਹਨ, ਤਾਂ ਹਾਈਕਮਾਨ ਇਸ ਬਾਰੇ ਵਿਚਾਰ ਕਰ ਸਕਦਾ ਹੈ। ਇਸ ਬਿਆਨ ਨਾਲ ਉਹ ਸਾਰੇ ਕਾਂਗਰਸੀ ਨੇਤਾ ਚਿੰਤਾ ਵਿੱਚ ਆ ਗਏ ਹਨ ਜੋ ਮੁੱਖ ਮੰਤਰੀ ਦੇ ਚਿਹਰੇ ਵਜੋਂ ਆਪਣਾ ਦਾਅਵਾ ਮਜ਼ਬੂਤ ਕਰ ਰਹੇ ਸਨ। ਉਨ੍ਹਾਂ ਨੂੰ ਡਰ ਹੈ ਕਿ ਕੈਪਟਨ ਦੀ ਵਾਪਸੀ ਨਾਲ ਉਨ੍ਹਾਂ ਦੀ ਸਿਆਸੀ ਪੋਜ਼ੀਸ਼ਨ ਕਮਜ਼ੋਰ ਹੋ ਸਕਦੀ ਹੈ।ਜਲੰਧਰ ਵਿੱਚ ED ਦੇ ਜੋਇੰਟ ਡਾਇਰੈਕਟਰ ਰਵੀ ਤਿਵਾਰੀ ਦਾ ਤਬਾਦਲਾ ਇਸ ਸਮੇਂ ਵੱਡੀ ਚਰਚਾ ਦਾ ਵਿਸ਼ਾ ਹੈ। ਰਵੀ ਤਿਵਾਰੀ ਉਹ ਅਧਿਕਾਰੀ ਹਨ ਜਿਨ੍ਹਾਂ ਨੇ FEMA ਕਾਨੂੰਨ ਤਹਿਤ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਉਨ੍ਹਾਂ ਦੇ ਪੁੱਤਰ ਰਣਇੰਦਰ ਸਿੰਘ ਨੂੰ ਸਮਨ ਭੇਜੇ ਸਨ। ਹੁਣ ਉਨ੍ਹਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਜਲੰਧਰ ਤੋਂ ਹਟਾ ਕੇ ਚੇਨਈ ਭੇਜ ਦਿੱਤਾ ਗਿਆ ਹੈ।

ਰਣਵੀਰ ਸਿੰਘ ਨੂੰ ਵਾਇਸ ਨੋਟ ਰਾਹੀਂ ਧਮਕੀ — ਬਿਸ਼ਨੋਈ ਗੈਂਗ ਦਾ ਹੈਰੀ ਬਾਕਸਰ ਨਿਕਲਿਆ ਮੁੱਖ ਸਾਜ਼ਿਸ਼ਕਾਰ

ਰਾਜਨੀਤਿਕ ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਕਾਂਗਰਸ ਦੀ ਕੈਪਟਨ ਵੱਲ ਮੁੜ ਤੱਕਣ ਦੀ ਵਜ੍ਹਾ ਮਜਬੂਰੀ ਵੀ ਹੈ ਅਤੇ ਰਣਨੀਤੀ ਵੀ। ਇਸ ਸਮੇਂ ਪੰਜਾਬ ਕਾਂਗਰਸ ਗੰਭੀਰ ਗੁਟਬਾਜ਼ੀ ਦਾ ਸ਼ਿਕਾਰ ਹੈ। ਵੱਡੇ ਨੇਤਾ ਇੱਕ ਦੂਜੇ ਦੇ ਅਧੀਨ ਕੰਮ ਕਰਨ ਨੂੰ ਤਿਆਰ ਨਹੀਂ। ਹਾਈਕਮਾਨ ਨੂੰ ਲੱਗਦਾ ਹੈ ਕਿ ਕੈਪਟਨ ਉਹ ਚਿਹਰਾ ਹਨ ਜਿਨ੍ਹਾਂ ਨੇ ਪਹਿਲਾਂ ਵੀ ਪਾਰਟੀ ਨੂੰ ਇਕੱਠਾ ਰੱਖਿਆ ਸੀ। ਕਾਂਗਰਸ ਨੂੰ ਇਹ ਵੀ ਯਾਦ ਹੈ ਕਿ ਜਦੋਂ ਪੰਜਾਬ ਵਿੱਚ ਬਾਦਲ ਪਰਿਵਾਰ ਦਾ ਦਬਦਬਾ ਸੀ, ਤਾਂ ਕੈਪਟਨ ਨੇ ਹੀ ਉਹ ਤਾਕਤ ਤੋੜੀ ਸੀ ਅਤੇ ਦੋ ਵਾਰ ਕਾਂਗਰਸ ਦੀ ਸਰਕਾਰ ਬਣਾਈ ਸੀ। ਪੰਜਾਬ ਵਿੱਚ 2027 ਦੀਆਂ ਵਿਧਾਨ ਸਭਾ ਚੋਣਾਂ ਨੇੜੇ ਆਉਂਦੀਆਂ ਹੀ ਪ੍ਰਸ਼ਾਸਨਿਕ ਅਤੇ ਰਾਜਨੀਤਿਕ ਹਲਚਲ ਤੇਜ਼ ਹੋ ਗਈ ਹੈ।

ਅਮਰਨਾਥ ਯਾਤਰਾ ਲਈ ਸੁਰੱਖਿਆ ਹੋਈ ਹੋਰ ਮਜ਼ਬੂਤ — ਬੀਮਾ 5 ਤੋਂ 10 ਲੱਖ, ਨਵੀਆਂ ਸੁਵਿਧਾਵਾਂ ਦੀ ਮਨਜ਼ੂਰੀ

ਇਸ ਸਭ ਦੇ ਵਿਚਕਾਰ, ਕੈਪਟਨ ਅਮਰਿੰਦਰ ਸਿੰਘ ਦੀ ਧੀ ਅਤੇ ਪੰਜਾਬ BJP ਮਹਿਲਾ ਮੋਰਚਾ ਦੀ ਪ੍ਰਧਾਨ ਜੈ ਇੰਦਰ ਕੌਰ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਕੈਪਟਨ ਕਿਤੇ ਨਹੀਂ ਜਾ ਰਹੇ। ਉਨ੍ਹਾਂ ਨੇ ਕਿਹਾ ਕਿ ਕੈਪਟਨ BJP ਵਿੱਚ ਹਨ ਅਤੇ ਅੱਗੇ ਵੀ BJP ਵਿੱਚ ਹੀ ਰਹਿਣਗੇ। ਹਾਲਾਂਕਿ ਚੋਣਾਂ ਤੋਂ ਇੱਕ ਸਾਲ ਪਹਿਲਾਂ ਉਠੀ ਇਹ ਚਰਚਾ ਪੰਜਾਬ ਦੀ ਰਾਜਨੀਤੀ ਵਿੱਚ ਨਵੇਂ ਸਮੀਕਰਨਾਂ ਦੀ ਗੱਲਬਾਤ ਨੂੰ ਜਨਮ ਦੇ ਰਹੀ ਹੈ।

Big stir ahead of 2027 elections

Exit mobile version