ਨਵੀਂ ਦਿਲੀ: ਕਰਿਸ਼ਮਾ ਕਪੂਰ ਦੇ ਪਰਿਵਾਰ ਵਿੱਚ ਚੱਲ ਰਹੇ ਸੰਪਤੀ ਵਿਵਾਦ ਨੇ ਹੁਣ ਨਵਾਂ ਰੂਪ ਧਾਰ ਲਿਆ ਹੈ। ਕਰਿਸ਼ਮਾ ਦੇ ਬੱਚਿਆਂ ਨੇ ਦਿੱਲੀ ਹਾਈਕੋਰਟ ਵਿੱਚ ਅਰਜ਼ੀ ਦਾਇਰ ਕਰਕੇ ਦਾਅਵਾ ਕੀਤਾ ਹੈ ਕਿ ਉਹਨਾਂ ਦੇ ਪਿਤਾ ਸੰਜੈ ਕਪੂਰ ਦੀ ਜੋ ਵਸੀਅਤ ਪੇਸ਼ ਕੀਤੀ ਗਈ ਹੈ ਉਹ ਜਾਲਸਾਜ਼ੀ ਨਾਲ ਤਿਆਰ ਕੀਤੀ ਗਈ ਹੈ। ਇਸ ਮਾਮਲੇ ਵਿੱਚ ਉਹਨਾਂ ਨੇ ਆਪਣਾ ਵਿਰਾਸਤੀ ਹੱਕ ਮੰਗਿਆ ਹੈ। ਦੋਵੇਂ ਪੱਖਾਂ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ ਹਾਈਕੋਰਟ ਨੇ ਫੈਸਲਾ ਰਿਜ਼ਰਵ ਕਰ ਲਿਆ ਹੈ। ਬੱਚਿਆਂ ਦਾ ਇਹ ਵੀ ਕਹਿਣਾ ਹੈ ਕਿ ਸੰਜੈ ਕਪੂਰ ਦੇ ਜੀਵਿਤ ਰਹਿੰਦੇ ਹੀ ਵਸੀਅਤ ਵਿੱਚ ਤਬਦੀਲੀ ਕੀਤੀ ਗਈ ਸੀ।
ਜੇਲ੍ਹ ਤੋਂ ਸੁਕੇਸ਼ ਦਾ ਪਿਆਰ ਭਰਿਆ ਪੱਤਰ ਜੈਕਲੀਨ ਲਈ ਬੇਵਰਲੀ ਹਿਲਜ਼ ਵਿੱਚ ‘ਲਵ ਨੇਸਟ’ ਦਾ ਦਾਅਵਾ
ਪਿਛਲੀ ਸੁਣਵਾਈ ਦੌਰਾਨ ਕਰਿਸ਼ਮਾ ਦੇ ਬੱਚਿਆਂ ਦੀ ਪੱਖੋਂ ਵਕੀਲ ਮਹੇਸ਼ ਜੇਠਮਲਾਨੀ ਨੇ ਦਲੀਲ ਦਿੱਤੀ ਕਿ ਵਸੀਅਤ ਵਿੱਚ ਸੋਧ ਉਸ ਸਮੇਂ ਕੀਤਾ ਗਿਆ ਜਦੋਂ ਸੰਜੈ ਆਪਣੇ ਪੁੱਤਰ ਨਾਲ ਛੁੱਟੀਆਂ ਮਨਾਉਣ ਗਏ ਹੋਏ ਸਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਵਸੀਅਤ ਵਿੱਚ ਸੋਧ ਕਰਨ ਵਾਲੇ ਵਿਅਕਤੀ ਨੂੰ ਸੰਜੈ ਕਪੂਰ ਦੇ ਦੇਹਾਂਤ ਤੋਂ ਸਿਰਫ਼ ਇੱਕ ਦਿਨ ਬਾਅਦ ਹੀ ਕੰਪਨੀ ਦਾ ਡਾਇਰੈਕਟਰ ਬਣਾ ਦਿੱਤਾ ਗਿਆ।
ਸੰਪਤੀ ਨੂੰ ਲੈ ਕੇ ਇਹ ਵਿਵਾਦ ਸੰਜੈ ਕਪੂਰ ਦੀ ਮੌਤ ਤੋਂ ਬਾਅਦ ਸ਼ੁਰੂ ਹੋਇਆ। ਕਰਿਸ਼ਮਾ ਕਪੂਰ ਦੇ ਬੱਚੇ ਸਮਾਇਰਾ ਅਤੇ ਕਿਯਾਨ ਨੇ ਹਾਈਕੋਰਟ ਵਿੱਚ ਅਰਜ਼ੀ ਦਾਇਰ ਕਰਕੇ ਕਿਹਾ ਹੈ ਕਿ ਉਹਨਾਂ ਦੇ ਪਿਤਾ ਦੀ ਅਸਲੀ ਵਸੀਅਤ ਵਿੱਚ ਉਹਨਾਂ ਦਾ ਹਿੱਸਾ ਦਰਜ ਸੀ ਪਰ ਹੁਣ ਜੋ ਵਸੀਅਤ ਪੇਸ਼ ਕੀਤੀ ਗਈ ਹੈ ਉਸ ਵਿੱਚ ਉਹਨਾਂ ਦੇ ਨਾਮ ਦਾ ਕੋਈ ਜ਼ਿਕਰ ਨਹੀਂ। ਉਹਨਾਂ ਨੇ ਦੋਸ਼ ਲਗਾਇਆ ਹੈ ਕਿ ਉਹਨਾਂ ਦੀ ਸੌਤੇਲੀ ਮਾਂ ਪ੍ਰਿਆ ਕਪੂਰ ਨੇ ਵਸੀਅਤ ਵਿੱਚ ਗੜਬੜ ਕੀਤੀ ਹੈ ਅਤੇ ਸੰਪਤੀ ਆਪਣੇ ਨਾਮ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਭਾਰਤ ‘ਚ ਬੰਗਲਾਦੇਸ਼ੀ ਸਮਝ ਕੇ ਭੀੜ ਨੇ ਮੁਸਲਿਮ ਵਿਅਕਤੀ ਨੂੰ ਬੇਰਹਿਮੀ ਨਾਲ ਮਾਰਿਆ: ਪੁਲਿਸ ਨੇ ਸ਼ੁਰੂ ਕੀਤੀ ਜਾਂਚ!
ਬੱਚਿਆਂ ਨੇ ਅਦਾਲਤ ਤੋਂ ਵਸੀਅਤ ਦੀ ਫੋਰੈਂਸਿਕ ਜਾਂਚ ਦੀ ਮੰਗ ਕੀਤੀ ਹੈ ਜਿਸਦਾ ਪ੍ਰਿਆ ਕਪੂਰ ਵੱਲੋਂ ਵਿਰੋਧ ਕੀਤਾ ਜਾ ਰਿਹਾ ਹੈ।
ਸੰਜੈ ਕਪੂਰ ਦੀ ਨਿੱਜੀ ਜ਼ਿੰਦਗੀ ਵੀ ਕਾਫ਼ੀ ਉਤਾਰ ਚੜ੍ਹਾਅ ਵਾਲੀ ਰਹੀ। ਉਹਨਾਂ ਨੇ ਤਿੰਨ ਵਿਆਹ ਕੀਤੇ ਸਨ। ਪਹਿਲਾ ਨੰਦਿਤਾ ਮਹਤਾਨੀ ਨਾਲ ਦੂਜਾ ਕਰਿਸ਼ਮਾ ਕਪੂਰ ਨਾਲ ਜਿਸ ਤੋਂ ਉਹਨਾਂ ਨੂੰ ਦੋ ਬੱਚੇ ਹੋਏ ਅਤੇ ਤੀਜਾ ਪ੍ਰਿਆ ਸਚਦੇਵ ਨਾਲ ਜਿਸ ਤੋਂ ਉਹਨਾਂ ਦਾ ਇੱਕ ਪੁੱਤਰ ਹੈ। ਇਸ ਤੋਂ ਇਲਾਵਾ ਉਹਨਾਂ ਨੇ ਪ੍ਰਿਆ ਦੀ ਧੀ ਸਫੀਰਾ ਨੂੰ ਵੀ ਗੋਦ ਲਿਆ ਸੀ। ਹੁਣ ਸੰਜੈ ਕਪੂਰ ਦੀ ਵਿਰਾਸਤ ਨੂੰ ਲੈ ਕੇ ਇਹਨਾਂ ਸਾਰੇ ਰਿਸ਼ਤਿਆਂ ਵਿਚਕਾਰ ਕਾਨੂੰਨੀ ਲੜਾਈ ਚੱਲ ਰਹੀ ਹੈ ਜਿਸਦਾ ਫੈਸਲਾ ਦਿੱਲੀ ਹਾਈਕੋਰਟ ਕਰੇਗੀ।
ਇਹ ਮਾਮਲਾ ਨਾ ਸਿਰਫ਼ ਪਰਿਵਾਰਕ ਸੰਪਤੀ ਦੇ ਹੱਕਾਂ ਨੂੰ ਲੈ ਕੇ ਮਹੱਤਵਪੂਰਨ ਹੈ ਬਲਕਿ ਇਹ ਦਰਸਾਉਂਦਾ ਹੈ ਕਿ ਵਿਰਾਸਤ ਦੇ ਮਸਲੇ ਕਿਵੇਂ ਪਰਿਵਾਰਾਂ ਵਿੱਚ ਵੱਡੇ ਵਿਵਾਦ ਦਾ ਕਾਰਨ ਬਣ ਸਕਦੇ ਹਨ।
