ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ 9ਵੇਂ ਬਜਟ ਦੌਰਾਨ ਸ਼ਰਾਬ ਅਤੇ ਸਿਗਰਟ ਵਰਗੇ ਉਤਪਾਦਾਂ ‘ਤੇ ਨਵਾਂ ਟੈਕਸ ਡਾਂਚਾ ਪੇਸ਼ ਕੀਤਾ ਹੈ। ਸਰਕਾਰ ਨੇ ਇਸ ਵਾਰ ‘ਸਿਨ ਟੈਕਸ’ (ਨੁਕਸਾਨਦੇਹ ਉਤਪਾਦਾਂ ‘ਤੇ ਟੈਕਸ) ਨੂੰ ਹੋਰ ਸਖ਼ਤ ਕਰ ਦਿੱਤਾ ਹੈ। ਸ਼ਰਾਬ ਦੇ ਵਪਾਰ ਨਾਲ ਸਬੰਧਤ TCS ਦੀ ਦਰ 1% ਤੋਂ ਵਧਾ ਕੇ 2% ਕਰ ਦਿੱਤੀ ਗਈ ਹੈ, ਜਿਸ ਨਾਲ ਸ਼ਰਾਬ ਦੀ ਵਿਕਰੀ ਦੀ ਲਾਗਤ ਹਰ ਪੜਾਅ ‘ਤੇ ਵਧੇਗੀ। ਇਸਦਾ ਸਿੱਧਾ ਪ੍ਰਭਾਵ ਆਮ ਜਨਤਾ ਤੇ ਪਵੇਗਾ।
ਸ਼ਰਾਬ ਦੀ ਕੀਮਤ ‘ਚ ਵਾਧਾ
ਮਾਹਿਰਾਂ ਦੇ ਅਨੁਸਾਰ, ਜਿੱਥੇ ਪਹਿਲਾਂ ਇੱਕ ਬੋਤਲ ਦੀ ਕੀਮਤ ₹1,000 ਸੀ, ਹੁਣ ਇਹ ₹1,050 ਤੋਂ ₹1,100 ਦੇ ਵਿਚਕਾਰ ਹੋ ਸਕਦੀ ਹੈ। ਰਾਜ ਸਰਕਾਰਾਂ ਵੀ ਐਕਸਾਈਜ਼ ਡਿਊਟੀ ਲਗਾਉਂਦੀਆਂ ਹਨ, ਜਿਸ ਕਰਕੇ ਵੱਖ-ਵੱਖ ਰਾਜਾਂ ਵਿੱਚ ਕੀਮਤਾਂ ਵਿੱਚ ਅੰਤਰ ਰਹੇਗਾ। ਇਹ ਵਾਧਾ ਉਹਨਾਂ ਲੋਕਾਂ ਲਈ ਇੱਕ ਵੱਡਾ ਵਿੱਤੀ ਬੋਝ ਬਣੇਗਾ ਜੋ ਨਿਯਮਿਤ ਤੌਰ ‘ਤੇ ਸ਼ਰਾਬ ਦਾ ਸੇਵਨ ਕਰਦੇ ਹਨ।
READ ALSO :BIG NEWS: 5 ਫਰਵਰੀ ਨੂੰ ਕਿਸਾਨ ਮੁੜ ਕਰਨਗੇ ਸਰਕਾਰ ਵਿਰੁੱਧ ਵੱਡਾ ਵਿਰੋਧ ਪ੍ਰਦਰਸ਼
ਸਿਗਰਟ ਦੇ ਪੈਕੇਟ ‘ਚ ਵਾਧਾ
ਸਿਗਰਟ ਪੀਣ ਵਾਲਿਆਂ ਲਈ ਇਹ ਬਜਟ ਹੋਰ ਵੀ ਸਖ਼ਤ ਸਾਬਤ ਹੋਇਆ ਹੈ। ਸਰਕਾਰ ਨੇ ਸਿਗਰਟਾਂ ‘ਤੇ 40% GST ਲਗਾਈ ਹੈ, ਨਾਲ ਹੀ “ਸਿਹਤ ਅਤੇ ਰਾਸ਼ਟਰੀ ਸੁਰੱਖਿਆ ਸੈੱਸ” ਵੀ ਸ਼ਾਮਲ ਕੀਤਾ ਹੈ। ਇਸ ਤੋਂ ਇਲਾਵਾ, ਸਿਗਰਟ ਦੀ ਲੰਬਾਈ ਦੇ ਆਧਾਰ ‘ਤੇ ਪ੍ਰਤੀ ਸਟਿੱਕ ਡਿਊਟੀ ਵਧਾਈ ਗਈ ਹੈ। ਇਸ ਨਾਲ ਸਿਗਰਟ ਦੇ ਪੈਕੇਟ ਦੀ ਕੀਮਤ ਵਿੱਚ ਵੀ ਕਾਫ਼ੀ ਵਾਧਾ ਹੋਵੇਗਾ। ਹਾਲਾਂਕਿ, ਪੇਂਡੂ ਅਰਥਵਿਵਸਥਾ ਅਤੇ ਛੋਟੇ ਕਾਮਿਆਂ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਣ ਲਈ ਬੀੜੀਆਂ ਨੂੰ ਇਸ ਮਹਿੰਗਾਈ ਤੋਂ ਛੋਟ ਦਿੱਤੀ ਗਈ ਹੈ।
ਇਸ ਬਜਟ ਦੇ ਨਤੀਜੇ ਵਜੋਂ ਪਿਆਕੜਾਂ ਅਤੇ ਸਿਗਰਟ ਪੀਣ ਵਾਲੇ ਲੋਕਾਂ ਲਈ ਖ਼ਰਚੇ ਵਿੱਚ ਗੰਭੀਰ ਵਾਧਾ ਹੋਵੇਗਾ, ਜਿਸ ਨਾਲ ਉਨ੍ਹਾਂ ਦੀ ਜੀਵਨ ਸ਼ੈਲੀ ‘ਤੇ ਸੀਧਾ ਪ੍ਰਭਾਵ ਪਵੇਗਾ।
ਲੁਧਿਆਣਾ ਦੇ ਹਲਵਾਰਾ ਹਵਾਈ ਅੱਡੇ ਤੋਂ ਮਾਰਚ 2026 ਤੋਂ ਉਡਾਣਾਂ ਸ਼ੁਰੂ ਹੋਣਗੀਆਂ