ਨੈਸ਼ਨਲ ਨਿਊਜ਼: ਜੇਕਰ ਤੁਸੀਂ ਇਨਕਮ ਟੈਕਸ ਰਿਟਰਨ (ITR) ਫਾਈਲ ਕਰ ਦਿੱਤਾ ਹੈ ਪਰ ਰਿਫੰਡ ਅਜੇ ਤੱਕ ਤੁਹਾਡੇ ਬੈਂਕ ਖਾਤੇ ਵਿੱਚ ਨਹੀਂ ਪਹੁੰਚਿਆ, ਤਾਂ ਚਿੰਤਾ ਕਰਨ ਦੀ ਲੋੜ ਨਹੀਂ। ਆਮਦਨ ਕਰ ਵਿਭਾਗ ਵੈਰੀਫਿਕੇਸ਼ਨ ਤੋਂ ਬਾਅਦ ਰਿਫੰਡ ਸਿੱਧਾ ਰਜਿਸਟਰਡ ਬੈਂਕ ਖਾਤੇ ਵਿੱਚ ਭੇਜਦਾ ਹੈ। ਜੇਕਰ ਦੇਰੀ ਹੋ ਰਹੀ ਹੈ ਤਾਂ ਤੁਸੀਂ ਦੋ ਸਰਲ ਆਨਲਾਈਨ ਤਰੀਕਿਆਂ ਨਾਲ ਆਪਣੇ ਰਿਫੰਡ ਦੀ ਲਾਈਵ ਸਥਿਤੀ ਚੈੱਕ ਕਰ ਸਕਦੇ ਹੋ।
ਇਨਕਮ ਟੈਕਸ ਈ-ਫਾਈਲਿੰਗ ਪੋਰਟਲ ਰਾਹੀਂ ਸਥਿਤੀ ਕਿਵੇਂ ਵੇਖੀਏ?
ਸਭ ਤੋਂ ਪਹਿਲਾਂ ਆਮਦਨ ਕਰ ਵਿਭਾਗ ਦੇ ਈ-ਫਾਈਲਿੰਗ ਪੋਰਟਲ ‘ਤੇ ਲੌਗਇਨ ਕਰੋ। ਇਸ ਤੋਂ ਬਾਅਦ e-File → Income Tax Returns → View Filed Returns ‘ਤੇ ਜਾ ਕੇ ਸੰਬੰਧਿਤ ਅਸੈੱਸਮੈਂਟ ਸਾਲ ਚੁਣੋ। ਇੱਥੇ ਤੁਹਾਨੂੰ ਆਪਣੀ ਰਿਫੰਡ ਦੀ ਮੌਜੂਦਾ ਸਥਿਤੀ ਅਤੇ ਪ੍ਰੋਸੈਸਿੰਗ ਨਾਲ ਜੁੜੇ ਸਾਰੇ ਵੇਰਵੇ ਮਿਲ ਜਾਣਗੇ।
ਗੈਰ-ਕਾਨੂੰਨੀ ਹਿਰਾਸਤ’ ਦਾ ਦਾਅਵਾ ਕਰਦੇ ਸੋਨਮ ਵਾਂਗਚੁਕ, ਹਸਪਤਾਲ ਤੋਂ ਕੀਤਾ 20 ਜੁਲਾਈ ਦੇ ਸੰਸਦ ਮਾਰਚ ਦਾ ਐਲਾਨ
TIN-NSDL ਵੈੱਬਸਾਈਟ ਨਾਲ ਵੀ ਕਰ ਸਕਦੇ ਹੋ ਟਰੈਕ
ਜੇਕਰ ਤੁਸੀਂ ਲੌਗਇਨ ਨਹੀਂ ਕਰਨਾ ਚਾਹੁੰਦੇ ਤਾਂ TIN-NSDL ਰਿਫੰਡ ਟਰੈਕਿੰਗ ਪੇਜ ‘ਤੇ ਜਾ ਕੇ ਆਪਣਾ PAN ਨੰਬਰ, ਅਸੈੱਸਮੈਂਟ ਸਾਲ ਅਤੇ ਕੈਪਚਾ ਦਰਜ ਕਰੋ। ਸਬਮਿਟ ਕਰਦੇ ਹੀ ਤੁਹਾਡੀ ITR ਰਿਫੰਡ ਦੀ ਲਾਈਵ ਸਥਿਤੀ ਸਕ੍ਰੀਨ ‘ਤੇ ਦਿਖਾਈ ਦੇਵੇਗੀ।
ਰਿਫੰਡ ਸਟੇਟਸ ਦਾ ਅਰਥ ਸਮਝੋ
ਜੇਕਰ ਸਟੇਟਸ “Refund Issued” ਦਿਖਾਉਂਦਾ ਹੈ ਤਾਂ ਰਕਮ 3–5 ਕਾਰਜਕਾਰੀ ਦਿਨਾਂ ਵਿੱਚ ਖਾਤੇ ਵਿੱਚ ਆ ਸਕਦੀ ਹੈ। “Refund Failed” ਦਾ ਮਤਲਬ ਹੈ ਕਿ ਬੈਂਕ ਵੇਰਵਿਆਂ ਜਾਂ PAN-ਆਧਾਰ ਨਾਲ ਜੁੜੀ ਕਿਸੇ ਗਲਤੀ ਕਾਰਨ ਭੁਗਤਾਨ ਰੁਕ ਗਿਆ ਹੈ। “Processing” ਦਾ ਅਰਥ ਹੈ ਕਿ ਰਿਟਰਨ ਦੀ ਜਾਂਚ ਜਾਰੀ ਹੈ, ਜਦਕਿ “Adjusted Against Outstanding Demand” ਦੱਸਦਾ ਹੈ ਕਿ ਰਿਫੰਡ ਨੂੰ ਪਿਛਲੇ ਬਕਾਇਆ ਟੈਕਸ ਦੇ ਵਿਰੁੱਧ ਸਮਾਯੋਜਿਤ ਕਰ ਦਿੱਤਾ ਗਿਆ ਹੈ।

