Site icon Dainik Savera Punjab

Hong Kong Fire : ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ ਹੋਈ 94, ਆਲੇ-ਦੁਆਲੇ ਦੀਆਂ 7 ਇਮਾਰਤਾਂ ਵੀ ਲਪੇਟ ‘ਚ

ਹਾਂਗਕਾਂਗ/ਬੀਜਿੰਗ, 27 ਨਵੰਬਰ, 2025: ਹਾਂਗਕਾਂਗ (Hong Kong) ਦੇ ਉਪ-ਨਗਰੀ ਇਲਾਕੇ ਤਾਈ ਪੋ (Tai Po) ਵਿੱਚ ਸਥਿਤ ਰਿਹਾਇਸ਼ੀ ਇਮਾਰਤਾਂ ਵਿੱਚ ਬੁੱਧਵਾਰ ਨੂੰ ਲੱਗੀ ਭਿਆਨਕ ਅੱਗ ਨੇ ਸਭ ਨੂੰ ਦਹਿਲਾ ਕੇ ਰੱਖ ਦਿੱਤਾ ਹੈ। ਦੱਸ ਦੇਈਏ ਕਿ ਹੁਣ ਤਾਜ਼ਾ Update ਮੁਤਾਬਕ ਇਸ ਦਿਲ ਦਹਿਲਾ ਦੇਣ ਵਾਲੇ ਅਗਨੀਕਾਂਡ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 94 ਹੋ ਗਈ ਹੈ ਅਤੇ ਉੱਥੇ ਹੀ ਦੂਜੇ ਪਾਸੇ 70 ਤੋਂ ਜ਼ਿਆਦਾ ਲੋਕ ਹਸਪਤਾਲ ‘ਚ ਦਾਖਲ ਹਨ । ਇਸਨੂੰ ਸ਼ਹਿਰ ਦੇ ਇਤਿਹਾਸ ਦੀਆਂ ਸਭ ਤੋਂ ਭਿਆਨਕ ਘਟਨਾਵਾਂ ਵਿੱਚੋਂ ਇੱਕ ਮੰਨਿਆ ਜਾ ਰਿਹਾ ਹੈ। ਅੱਗ ਇੱਕ ਇਮਾਰਤ ਤੋਂ ਸ਼ੁਰੂ ਹੋਈ ਸੀ, ਪਰ ਜਲਣਸ਼ੀਲ ਸਮੱਗਰੀ ਕਾਰਨ ਸ਼ਾਮ ਹੁੰਦੇ-ਹੁੰਦੇ ਇਸਨੇ ਆਲੇ-ਦੁਆਲੇ ਦੀਆਂ ਸੱਤ ਇਮਾਰਤਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ।

ਸਾਵਧਾਨ ! Aadhar Card ਤੋਂ ਲੈ ਕੇ LPG ਤਕ…; ਪਹਿਲੀ ਦਸੰਬਰ ਤੋਂ ਬਦਲ ਜਾਣਗੇ ਇਹ ਨਿਯਮ !

ਪਲਾਸਟਿਕ ਸ਼ੀਟ ਅਤੇ ਫੋਮ ਨੇ ਭੜਕਾਈ ਅੱਗ

ਪੁਲਿਸ ਜਾਂਚ ਵਿੱਚ ਅੱਗ ਦੇ ਇੰਨਾ ਵਿਕਰਾਲ ਹੋਣ ਦੀ ਹੈਰਾਨ ਕਰਨ ਵਾਲੀ ਵਜ੍ਹਾ ਸਾਹਮਣੇ ਆਈ ਹੈ। ਪਤਾ ਲੱਗਾ ਹੈ ਕਿ ਇਮਾਰਤਾਂ ‘ਤੇ ਲੱਗੇ ਸੁਰੱਖਿਆ ਨੈੱਟ (Safety Nets), ਵਾਟਰਪ੍ਰੂਫ ਕੈਨਵਸ ਅਤੇ ਪਲਾਸਟਿਕ ਦੀਆਂ ਚਾਦਰਾਂ ਨੇ ਅੱਗ ਨੂੰ ਤੇਜ਼ੀ ਨਾਲ ਫੈਲਾਇਆ। ਇਸ ਤੋਂ ਇਲਾਵਾ, ਖਿੜਕੀਆਂ ਨੂੰ ਸੀਲ ਕਰਨ ਲਈ ਵਰਤਿਆ ਗਿਆ ਪੌਲੀਯੂਰੀਥੇਨ ਫੋਮ (Polyurethane Foam), ਜੋ ਬੇਹੱਦ ਜਲਣਸ਼ੀਲ (Flammable) ਹੁੰਦਾ ਹੈ, ਬਾਰੂਦ ਵਾਂਗ ਜਲ ਉੱਠਿਆ। ਇਮਾਰਤਾਂ ਦੇ ਬਾਹਰੀ ਹਿੱਸੇ ਵਿੱਚ ਲੱਗੇ ਬਾਂਸ ਦੇ ਮਚਾਨ (Bamboo Scaffolding) ਨੇ ਵੀ ਅੱਗ ਨੂੰ ਹੋਰ ਭਿਆਨਕ ਬਣਾ ਦਿੱਤਾ।

3 ਲੋਕ ਗ੍ਰਿਫ਼ਤਾਰ, ਰਾਸ਼ਟਰਪਤੀ ਨੇ ਮੰਗੀ ਰਿਪੋਰਟ

ਹਾਂਗਕਾਂਗ ਪੁਲਿਸ ਨੇ ਨਿਰਮਾਣ ਵਿੱਚ ਲਾਪਰਵਾਹੀ ਵਰਤਣ ਦੇ ਦੋਸ਼ ਵਿੱਚ ਇੱਕ ਕੰਸਟਰੱਕਸ਼ਨ ਕੰਪਨੀ ਦੇ ਡਾਇਰੈਕਟਰ ਅਤੇ ਸਲਾਹਕਾਰਾਂ ਸਣੇ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ (Arrest) ਕਰ ਲਿਆ ਹੈ। ਉੱਥੇ ਹੀ, ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ (Xi Jinping) ਨੇ ਇਸ ਹਾਦਸੇ ‘ਤੇ ਡੂੰਘਾ ਦੁੱਖ ਪ੍ਰਗਟ ਕਰਦਿਆਂ ਅਧਿਕਾਰੀਆਂ ਤੋਂ ਵਿਸਥਾਰਤ ਰਿਪੋਰਟ ਤਲਬ ਕੀਤੀ ਹੈ।

ਪ੍ਰਸ਼ਾਸਨ ਨੇ ਅੱਗ ਦੇ ਕਾਰਨਾਂ ਦੀ ਡੂੰਘਾਈ ਨਾਲ ਜਾਂਚ ਲਈ ਇੱਕ ਵਿਸ਼ੇਸ਼ ਕਮੇਟੀ (Special Committee) ਦਾ ਗਠਨ ਕੀਤਾ ਹੈ।

900 ਲੋਕ ਰੈਸਕਿਊ, ਇੱਕ ਫਾਇਰ ਫਾਈਟਰ ਸ਼ਹੀਦ

ਚੀਨੀ ਮੀਡੀਆ ਰਿਪੋਰਟਾਂ ਮੁਤਾਬਕ, ਹਾਦਸੇ ਤੋਂ ਬਾਅਦ 900 ਤੋਂ ਵੱਧ ਲੋਕਾਂ ਨੂੰ ਸੁਰੱਖਿਅਤ ਕੱਢ ਕੇ ਅਸਥਾਈ ਕੈਂਪਾਂ (Temporary Camps) ਵਿੱਚ ਸ਼ਿਫਟ ਕੀਤਾ ਗਿਆ ਹੈ। ਹਸਪਤਾਲਾਂ ਵਿੱਚ 68 ਲੋਕ ਭਰਤੀ ਹਨ, ਜਿਨ੍ਹਾਂ ਵਿੱਚੋਂ 16 ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਅੱਗ ਬੁਝਾਉਣ ਲਈ 140 ਫਾਇਰ ਟਰੱਕ ਅਤੇ 60 ਐਂਬੂਲੈਂਸਾਂ ਤਾਇਨਾਤ ਕੀਤੀਆਂ ਗਈਆਂ ਸਨ। ਕਾਫੀ ਮੁਸ਼ੱਕਤ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ ਹੈ, ਪਰ ਇਸ ਆਪ੍ਰੇਸ਼ਨ ਵਿੱਚ ਇੱਕ ਅੱਗ ਬੁਝਾਊ ਕਰਮਚਾਰੀ ਨੂੰ ਆਪਣੀ ਜਾਨ ਗਵਾਉਣੀ ਪਈ।

Exit mobile version