ਨਵੀਂ ਦਿੱਲੀ (ਦੈਨਿਕ ਸਵੇਰਾ): ਅੱਜਕੱਲ੍ਹ ਅਸੀਂ ਹਰ ਰੋਜ਼ ਕਈ ਐਪਸ ਅਤੇ ਵੈਬਸਾਈਟਾਂ ਵਰਤਦੇ ਹਾਂ, ਪਰ ਉਨ੍ਹਾਂ ਦੇ ਪਾਸਵਰਡ ਯਾਦ ਰੱਖਣਾ ਮੁਸ਼ਕਲ ਹੁੰਦਾ ਹੈ। ਫਿੰਗਰਪ੍ਰਿੰਟ ਅਤੇ ਫੇਸ-ਆਈਡੀ ਨਾਲ ਕੁਝ ਸਹੂਲਤ ਤਾਂ ਮਿਲੀ ਹੈ, ਪਰ ਡਾਟਾ ਚੋਰੀ ਅਤੇ ਪ੍ਰਾਈਵੇਸੀ ਦਾ ਖਤਰਾ ਫਿਰ ਵੀ ਰਹਿੰਦਾ ਹੈ। ਇਸੇ ਸਮੱਸਿਆ ਦਾ ਹੱਲ ਲੱਭਣ ਲਈ ਵਿਗਿਆਨੀਆਂ ਨੇ VitalID ਨਾਮ ਦੀ ਨਵੀਂ ਟੈਕਨੋਲੋਜੀ ਤਿਆਰ ਕੀਤੀ ਹੈ।
ਇਹ ਟੈਕਨੋਲੋਜੀ ਤੁਹਾਡੇ ਸਰੀਰ ਦੇ ਅੰਦਰੋਂ ਆਉਣ ਵਾਲੀਆਂ ਬਹੁਤ ਬਾਰੀਕ ਕੰਪਨਾਂ (ਜਿਵੇਂ ਸਾਹ ਲੈਣ ਅਤੇ ਦਿਲ ਦੀ ਧੜਕਨ ਨਾਲ ਬਣਦੀ ਹਲਚਲ) ਨੂੰ ਪਛਾਣ ਕੇ ਤੁਹਾਡੀ ਡਿਜ਼ਿਟਲ ਪਹਚਾਣ ਬਣਾਉਂਦੀ ਹੈ। ਇਹ ਕੰਪਨ ਗਰਦਨ ਤੋਂ ਹੁੰਦੀਆਂ ਹੋਈਆਂ ਸਿਰ ਦੀਆਂ ਹੱਡੀਆਂ ਤੱਕ ਪਹੁੰਚਦੀਆਂ ਹਨ।
ਸੋਨਮ ਕਪੂਰ ਨੇ ਦੂਜੇ ਪੁੱਤਰ ਦੀ ਪਹਿਲੀ ਝਲਕ ਸਾਂਝੀ ਕੀਤੀ, ਫੈਨਾਂ ਵਿੱਚ ਖੁਸ਼ੀ ਦੀ ਲਹਿਰ
ਇਹ ਕਿਵੇਂ ਯੂਨੀਕ ਹੈ?
ਹਰ ਵਿਅਕਤੀ ਦੀਆਂ ਹੱਡੀਆਂ ਦੀ ਬਣਾਵਟ ਅਤੇ ਟਿਸ਼ੂ ਵੱਖਰੇ ਹੁੰਦੇ ਹਨ, ਇਸ ਕਰਕੇ ਇਹ ਕੰਪਨ ਵੀ ਹਰ ਵਿਅਕਤੀ ਲਈ ਬਿਲਕੁਲ ਯੂਨੀਕ ਹੁੰਦੀਆਂ ਹਨ—ਬਿਲਕੁਲ ਫਿੰਗਰਪ੍ਰਿੰਟ ਦੀ ਤਰ੍ਹਾਂ। ਇਸ ਲਈ ਇਸਨੂੰ ਕਾਪੀ ਕਰਨਾ ਜਾਂ ਹੈਕ ਕਰਨਾ ਲਗਭਗ ਅਸੰਭਵ ਹੈ।
ਨਵਾਂ ਹਾਰਡਵੇਅਰ ਖਰੀਦਣ ਦੀ ਲੋੜ ਨਹੀਂ
ਇਸ ਟੈਕਨੋਲੋਜੀ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਇਸ ਲਈ ਤੁਹਾਨੂੰ ਕੋਈ ਨਵਾਂ ਡਿਵਾਈਸ ਨਹੀਂ ਖਰੀਦਣਾ ਪਵੇਗਾ।
Meta Quest ਜਾਂ Oculus ਵਰਗੇ XR ਹੈਡਸੈਟਾਂ ਵਿੱਚ ਪਹਿਲਾਂ ਹੀ ਉਹ ਸੈਂਸਰ ਹੁੰਦੇ ਹਨ ਜੋ ਇਹ ਬਾਰੀਕ ਕੰਪਨ ਪਕੜ ਸਕਦੇ ਹਨ। ਇਸ ਲਈ ਇਹ ਸਿਰਫ਼ ਸੌਫਟਵੇਅਰ ਅੱਪਡੇਟ ਨਾਲ ਕੰਮ ਕਰ ਸਕਦੀ ਹੈ।
ਕਿੰਨੀ ਸੁਰੱਖਿਅਤ ਹੈ?
ਰਿਸਰਚਰਾਂ ਨੇ 52 ਲੋਕਾਂ ‘ਤੇ 10 ਮਹੀਨੇ ਤੱਕ ਟੈਸਟ ਕੀਤਾ।
ਨਤੀਜੇ ਇਹ ਸਨ:
- 95% ਤੋਂ ਵੱਧ ਸਹੀ ਤਰੀਕੇ ਨਾਲ ਯੂਜ਼ਰ ਦੀ ਪਹਚਾਣ ਕੀਤੀ
- 98% ਮਾਮਲਿਆਂ ਵਿੱਚ ਗਲਤ ਵਿਅਕਤੀ ਨੂੰ ਰੋਕਿਆ
- ਕੋਈ ਵੀ ਵਿਅਕਤੀ ਤੁਹਾਡੀ ਸਾਹ ਲੈਣ ਦੀ ਨਕਲ ਕਰ ਲਏ, ਫਿਰ ਵੀ ਤੁਹਾਡੀਆਂ ਹੱਡੀਆਂ ਦੀ ਕੰਪਨ ਕਾਪੀ ਨਹੀਂ ਕਰ ਸਕਦਾ
ਇਸਦੀ ਲੋੜ ਕਿਉਂ ਪਈ?
ਜਿਵੇਂ ਅਸੀਂ ਵਰਚੁਅਲ ਰਿਐਲਟੀ ਅਤੇ ਮੈਟਾਵਰਸ ਵੱਲ ਵੱਧ ਰਹੇ ਹਾਂ, ਉੱਥੇ ਹੱਥ ਹਿਲਾ ਕੇ ਪਾਸਵਰਡ ਟਾਈਪ ਕਰਨਾ ਔਖਾ ਹੁੰਦਾ ਹੈ।
VitalID ਬੈਕਗ੍ਰਾਊਂਡ ਵਿੱਚ ਚੁੱਪਚਾਪ ਕੰਮ ਕਰਦੀ ਹੈ ਅਤੇ ਯੂਜ਼ਰ ਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਸੁਰੱਖਿਅਤ ਤਜਰਬਾ ਦਿੰਦੀ ਹੈ।
ਇਸ ਟੈਕਨੋਲੋਜੀ ਦਾ ਪੇਟੈਂਟ ਫਾਈਲ ਹੋ ਚੁੱਕਾ ਹੈ। ਹਾਲਾਂਕਿ ਇਹ ਹਜੇ ਮਾਰਕੀਟ ਵਿੱਚ ਉਪਲਬਧ ਨਹੀਂ, ਪਰ ਭਵਿੱਖ ਵਿੱਚ ਇਹ ਸਾਡੀ ਡਿਜ਼ਿਟਲ ਸੁਰੱਖਿਆ ਨੂੰ ਪੂਰੀ ਤਰ੍ਹਾਂ ਬਦਲ ਸਕਦੀ ਹੈ।
account-access-heartbeat-breath