GST : ਦੇਸ਼ ਭਰ ਵਿੱਚ ਅੱਜ ਤੋਂ GST 2.0 ਲਾਗੂ ਹੋ ਗਿਆ ਹੈ, ਜਿਸ ਨਾਲ ਗੱਡੀਆਂ ਦੀਆਂ ਕੀਮਤਾਂ ਵਿੱਚ ਵੱਡੀ ਕਟੌਤੀ ਆਈ ਹੈ। ਐਂਟਰੀ ਸੈਗਮੈਂਟ ਗੱਡੀਆਂ ‘ਤੇ 50 ਹਜ਼ਾਰ ਤੋਂ 70 ਹਜ਼ਾਰ ਰੁਪਏ ਤੱਕ ਦਾ ਡਿਸਕਾਊਂਟ ਮਿਲ ਰਿਹਾ ਹੈ, ਜਦਕਿ SUV ਮਾਡਲਾਂ ‘ਤੇ ਇਕ ਲੱਖ ਰੁਪਏ ਤੱਕ ਦੀ ਛੂਟ ਦਿੱਤੀ ਜਾ ਰਹੀ ਹੈ।
ਪਹਿਲਾਂ ਜਿੱਥੇ ਗੱਡੀਆਂ ‘ਤੇ 28 ਫੀਸਦੀ GST ਅਤੇ 1 ਫੀਸਦੀ ਵੈਟ ਲੱਗਦਾ ਸੀ, ਹੁਣ ਉਹ ਘਟਾ ਕੇ ਸਿਰਫ਼ 18 ਫੀਸਦੀ ਫਲੈਟ ਟੈਕਸ ਕਰ ਦਿੱਤਾ ਗਿਆ ਹੈ।
ਲੁਧਿਆਣਾ ਦੀ ਲਵਲੀ ਆਟੋ ਦੇ ਮੈਨੇਜਰ ਨੇ ਦੱਸਿਆ ਕਿ ਐਂਟਰੀ ਲੈਵਲ ਗੱਡੀਆਂ ‘ਤੇ 50 ਹਜ਼ਾਰ ਰੁਪਏ ਤੱਕ ਦੀ ਛੂਟ ਹੈ। ਇਸ ਤੋਂ ਇਲਾਵਾ, ਕੰਪਨੀਆਂ ਤਿਉਹਾਰਾਂ ਦੇ ਮੱਦੇਨਜ਼ਰ ਹੋਰ ਖਾਸ ਆਫਰਾਂ ਵੀ ਦੇ ਰਹੀਆਂ ਹਨ।
