ਨਵੀਂ ਦਿਲੀ: ਓਲੰਪਿਕ ਚੈਂਪੀਅਨ ਨੀਰਜ ਚੋਪੜਾ ਅਤੇ ਉਸਦੀ ਪਤਨੀ ਹਿਮਾਨੀ ਮੋਰ ਨੇ ਕਰਨਾਾਲ ਹਰਿਆਣਾ ਵਿੱਚ ਸ਼ਾਨਦਾਰ ਵਿਆਹ ਸਮਾਰੋਹ ਕਰਕੇ ਲੋਕਾਂ ਦਾ ਧਿਆਨ ਖਿੱਚਿਆ। ਇਹ ਸਮਾਰੋਹ ਉਹਨਾਂ ਦੇ ਨਿੱਜੀ ਵਿਆਹ ਤੋਂ ਬਾਅਦ ਪਹਿਲੀ ਵੱਡੀ ਜਨਤਕ ਰਸਮ ਸੀ ਜਿਸ ਵਿੱਚ ਹਜ਼ਾਰਾਂ ਸ਼ੁਭਚਿੰਤਕਾਂ ਦੇ ਨਾਲ ਰਾਜਨੀਤਿਕ ਨੇਤਾ ਅਤੇ ਕਲਾਕਾਰ ਵੀ ਸ਼ਾਮਲ ਹੋਏ।
ਇਹ ਸਮਾਰੋਹ ਕਰਨਾਲ ਦੇ ਈਡਨ ਜੰਨਤ ਹਾਲ ਵਿੱਚ ਹੋਇਆ ਜਿੱਥੇ ਜੋੜੇ ਨੇ ਮਹਿਮਾਨਾਂ ਨੂੰ ਮਿਲ ਕੇ ਆਪਣੀ ਖੁਸ਼ੀ ਸਾਂਝੀ ਕੀਤੀ। ਮੁੱਖ ਮਹਿਮਾਨ ਵਜੋਂ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਨੀ ਨੇ ਹਾਜ਼ਰੀ ਭਰੀ ਅਤੇ ਜੋੜੇ ਨੂੰ ਭਗਵਾਨ ਰਾਮ ਦੀ ਮੂਰਤੀ ਭੇਟ ਕੀਤੀ। ਮਹਿਮਾਨਾਂ ਦੀ ਸੂਚੀ ਵਿੱਚ ਰੋਹਤਕ ਦੇ ਸੰਸਦ ਮੈਂਬਰ ਦੀਪੇਂਦਰ ਹੁੱਡਾ, ਹਰੀਆਣਵੀ ਕਲਾਕਾਰ ਰੇਨੂ ਦੁਹਾਨ ਸਮੇਤ ਕਈ ਮੰਤਰੀ ਵਿਧਾਇਕ ਅਤੇ ਖੇਡ ਜਗਤ ਦੇ ਚਿਹਰੇ ਸ਼ਾਮਲ ਸਨ। ਰਿਪੋਰਟਾਂ ਅਨੁਸਾਰ ਨੀਰਜ ਅਤੇ ਹਿਮਾਨੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸਾਬਕਾ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੂੰ ਵੀ ਨਿੱਜੀ ਤੌਰ ‘ਤੇ ਸੱਦਾ ਦਿੱਤਾ ਸੀ ਜਿਸ ਨਾਲ ਇਸ ਸਮਾਰੋਹ ਦੀ ਮਹੱਤਤਾ ਹੋਰ ਵਧ ਗਈ।
ਦਿੱਲੀ ਦਾ ਹੈਦਰਪੁਰ ਵਾਟਰ ਪਲਾਂਟ – ਲਾਸ਼ਾਂ ਦਾ ਖੌਫਨਾਕ ਦਰਿਆ, ਇੱਕ ਸਾਲ ਵਿੱਚ 35 ਸ਼ਵ
ਰੌਣਕ ਦੇ ਨਾਲ ਨਾਲ ਸਮਾਰੋਹ ਵਿੱਚ ਭਾਵਨਾਤਮਕ ਪਲ ਵੀ ਦੇਖਣ ਨੂੰ ਮਿਲੇ। ਇਕ ਛੋਟੇ ਬੱਚੇ ਨੇ ਜੋੜੇ ਨੂੰ ਗੁਲਾਬ ਭੇਟ ਕੀਤਾ ਤਾਂ ਨੀਰਜ ਨੇ ਉਸਨੂੰ ਪਿਆਰ ਨਾਲ ਗੋਦ ਵਿੱਚ ਚੁੱਕ ਲਿਆ। ਮੰਚ ‘ਤੇ ਜੋੜੇ ਨੇ ਹਲਕੇ-ਫੁਲਕੇ ਅੰਦਾਜ਼ ਵਿੱਚ ਗੱਲਬਾਤ ਕੀਤੀ। ਜਦੋਂ ਪੁੱਛਿਆ ਗਿਆ ਕਿ ਤਿਆਰ ਹੋਣ ਵਿੱਚ ਕੌਣ ਵੱਧ ਸਮਾਂ ਲੈਂਦਾ ਹੈ ਤਾਂ ਨੀਰਜ ਨੇ ਹੱਸਦੇ ਹੋਏ ਕਿਹਾ ਕਿ ਉਹ ਪੰਜ ਮਿੰਟ ਵਿੱਚ ਤਿਆਰ ਹੋ ਜਾਂਦਾ ਹੈ ਪਰ ਹਿਮਾਨੀ ਨੂੰ ਥੋੜਾ ਹੋਰ ਸਮਾਂ ਲੱਗਦਾ ਹੈ। ਉਸਨੇ ਇਹ ਵੀ ਕਿਹਾ ਕਿ ਪਤਨੀ ਦੇ ਸਹਿਯੋਗ ਨਾਲ ਉਸਦੀ ਜੈਵਲਿਨ ਹੋਰ ਦੂਰ ਤੱਕ ਜਾਵੇਗੀ। ਕਲਾਕਾਰ ਆਰ ਸੀ ਪੁਰੋਹਿਤ ਨੇ ਮੰਚ ‘ਤੇ ਹੀ ਜੋੜੇ ਦਾ ਲਾਈਵ ਪੋਰਟਰੇਟ ਬਣਾਇਆ ਜਿਸ ‘ਤੇ “ਲਵ ਇਜ਼ ਇਨ ਏਅਰ” ਲਿਖਿਆ ਸੀ ਅਤੇ ਦਰਸ਼ਕਾਂ ਨੇ ਤਾਲੀਆਂ ਨਾਲ ਸਵਾਗਤ ਕੀਤਾ।
WATCH VIDEO: ਆਪ MLA Ashok Pappi ਵੱਲੋਂ ਸਾਹਿਬਜ਼ਾਦਿਆਂ ਨੂੰ ਸਮਰਪਿਤ ਲੰਗਰ ਸੇਵਾ
ਨੀਰਜ ਚੋਪੜਾ ਅਤੇ ਹਿਮਾਨੀ ਮੋਰ ਨੇ 16 ਜਨਵਰੀ 2025 ਨੂੰ ਸੋਲਨ ਹਿਮਾਚਲ ਪ੍ਰਦੇਸ਼ ਦੇ ਇਕ ਰਿਸੋਰਟ ਵਿੱਚ ਸਾਦਗੀ ਨਾਲ ਵਿਆਹ ਕੀਤਾ ਸੀ, ਜਿਸ ਵਿੱਚ ਸਿਰਫ਼ ਕਰੀਬੀ ਪਰਿਵਾਰ ਸ਼ਾਮਲ ਸੀ। ਖਿਡਾਰੀ ਨੇ ਆਪਣੇ ਕਠਿਨ ਟ੍ਰੇਨਿੰਗ ਸ਼ਡਿਊਲ ਕਾਰਨ ਵਿਆਹ ਨੂੰ ਨਿੱਜੀ ਰੱਖਣ ਦੀ ਗੱਲ ਕਹੀ ਸੀ। ਕਰਨਾਲ ਦਾ ਇਹ ਸਮਾਰੋਹ ਦੋ ਵੱਡੀਆਂ ਰਸਮਾਂ ਵਿੱਚੋਂ ਪਹਿਲਾ ਸੀ। ਦੂਜਾ ਸਮਾਰੋਹ 27 ਦਸੰਬਰ ਨੂੰ ਨਵੀਂ ਦਿੱਲੀ ਦੇ ਲੀਲਾ ਹੋਟਲ ਵਿੱਚ ਹੋਵੇਗਾ ਜਿਸ ਵਿੱਚ ਵੀਆਈਪੀ ਮਹਿਮਾਨ ਸ਼ਾਮਲ ਹੋਣਗੇ।
ਇਹ ਸਮਾਰੋਹ ਨੀਰਜ ਚੋਪੜਾ ਲਈ ਇਕ ਮਹੱਤਵਪੂਰਨ ਸਾਲ ਦੇ ਅੰਤ ‘ਤੇ ਹੋਇਆ ਹੈ। ਅਕਤੂਬਰ ਵਿੱਚ ਉਸਨੂੰ ਟੈਰੀਟੋਰੀਅਲ ਆਰਮੀ ਵਿੱਚ ਲੈਫਟਿਨੈਂਟ ਕਰਨਲ ਦੀ ਮਾਨਦ ਰੈਂਕ ਮਿਲੀ ਸੀ ਅਤੇ ਉਸਨੇ ਚੈਕ ਕੋਚ ਜਾਨ ਜੇਲੇਜ਼ਨੀ ਨਾਲ ਵੀ ਮੁਲਾਕਾਤ ਕੀਤੀ ਸੀ। ਹੁਣ ਜਦੋਂ ਦਿੱਲੀ ਵਿੱਚ ਜਸ਼ਨ ਜਾਰੀ ਹੈ ਪ੍ਰਸ਼ੰਸਕ ਉਸਦੇ ਖੇਡ ਜੀਵਨ ਅਤੇ ਨਵੇਂ ਪਰਿਵਾਰਕ ਜੀਵਨ ਦੇ ਅਗਲੇ ਅਧਿਆਇ ਦੀ ਉਡੀਕ ਕਰ ਰਹੇ ਹਨ।
