ਨਵੀਂ ਦਿਲੀ: ਸੋਨੇ ਅਤੇ ਚਾਂਦੀ ਦੇ ਭਾਅ ਵਿੱਚ ਇਸ ਹਫ਼ਤੇ ਮਿਲੇ–ਜੁਲੇ ਰੁਝਾਨ ਦਰਜ ਕੀਤੇ ਗਏ ਹਨ। ਸੋਨੇ ਦੀ ਕੀਮਤ ਘਟ ਗਈ ਹੈ ਜਦਕਿ ਚਾਂਦੀ ਦੇ ਭਾਅ ਵਿੱਚ ਵਾਧਾ ਹੋਇਆ ਹੈ। ਇੰਡੀਆ ਬੁਲਿਅਨ ਜੁਵੇਲਰਜ਼ ਐਸੋਸੀਏਸ਼ਨ ਦੇ ਅੰਕੜਿਆਂ ਅਨੁਸਾਰ 24 ਕੈਰਟ ਸੋਨੇ ਦਾ ਭਾਅ 931 ਰੁਪਏ ਘਟ ਕੇ 1,31,779 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ ਹੈ ਜੋ ਪਿਛਲੇ ਹਫ਼ਤੇ 1,32,710 ਰੁਪਏ ਸੀ।
ਕੀਮਤਾਂ ਦਾ ਵੇਰਵਾ (ਰੁਪਏ ਵਿੱਚ)
| ਧਾਤ | ਪਿਛਲਾ ਹਫ਼ਤਾ | ਮੌਜੂਦਾ ਹਫ਼ਤਾ | ਤਬਦੀਲੀ |
|---|---|---|---|
| 24 ਕੈਰਟ ਸੋਨਾ (10 ਗ੍ਰਾਮ) | 1,32,710 | 1,31,779 | -931 |
| 22 ਕੈਰਟ ਸੋਨਾ (10 ਗ੍ਰਾਮ) | 1,21,562 | 1,20,710 | -852 |
| 18 ਕੈਰਟ ਸੋਨਾ (10 ਗ੍ਰਾਮ) | 99,533 | 98,834 | -699 |
| ਚਾਂਦੀ (1 ਕਿਲੋ) | 1,95,180 | 2,00,067 | +4,887 |
ਨਿਊਜ਼ੀਲੈਂਡ ਬਿਲ ਆਫ ਰਾਈਟਸ ਐਕਟ ਦੀ ਧਾਰਾ 15 ਹਰ ਧਰਮ ਨੂੰ ਮਿਲਦਾ ਹੈ ਪੂਰਾ ਹੱਕ: ਸਿੱਖ ਭਾਈਚਾਰੇ ਨੂੰ ਮਿਲੀ ਰਾਹਤ
ਅੰਤਰਰਾਸ਼ਟਰੀ ਕੀਮਤਾਂ
| ਧਾਤ | ਕੀਮਤ (USD ਪ੍ਰਤੀ ਔਂਸ) |
|---|---|
| ਸੋਨਾ | 4,387 |
| ਚਾਂਦੀ | 67.489 |
ਪਿਛਲੇ ਸ਼ੁੱਕਰਵਾਰ ਨੂੰ ਸੋਨੇ ਦੀ ਕੀਮਤ 695 ਰੁਪਏ ਪ੍ਰਤੀ 10 ਗ੍ਰਾਮ ਅਤੇ ਚਾਂਦੀ ਦੀ ਕੀਮਤ 1,053 ਰੁਪਏ ਪ੍ਰਤੀ ਕਿਲੋ ਘਟ ਗਈ ਸੀ।
ਐਲਕੇਪੀ ਸਿਕਿਊਰਿਟੀਜ਼ ਦੇ ਵਿਸ਼ਲੇਸ਼ਕ ਜਤਿਨ ਤ੍ਰਿਵੇਦੀ ਨੇ ਕਿਹਾ ਕਿ ਸੋਨੇ ਨੇ ਇੱਕ ਸੀਮਿਤ ਦਾਇਰੇ ਵਿੱਚ ਕਾਰੋਬਾਰ ਕੀਤਾ ਹੈ ਜਿਸ ਦੀ ਇੱਕ ਵਜ੍ਹਾ ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਮਜ਼ਬੂਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਆਉਣ ਵਾਲੇ ਸਮੇਂ ਵਿੱਚ ਅਮਰੀਕਾ ਦੇ ਘਰਾਂ ਦੀ ਵਿਕਰੀ ਦੇ ਅੰਕੜੇ ਅਤੇ ਹੋਰ ਆਰਥਿਕ ਸੂਚਕਾਂ ‘ਤੇ ਬਾਜ਼ਾਰ ਦੀ ਨਜ਼ਰ ਰਹੇਗੀ। ਅਗਲੇ ਦਿਨਾਂ ਵਿੱਚ ਸੋਨਾ 1,31,500 ਰੁਪਏ ਤੋਂ 1,34,000 ਰੁਪਏ ਪ੍ਰਤੀ 10 ਗ੍ਰਾਮ ਦੀ ਰੇਂਜ ਵਿੱਚ ਰਹਿ ਸਕਦਾ ਹੈ।
ਨਿਊਜ਼ੀਲੈਂਡ ਵਿੱਚ ਬਹੁ ਸੱਭਿਆਚਾਰਕ ਸਾਂਝ ਨੂੰ ਚੁਣੌਤੀ ਨਗਰ ਕੀਰਤਨ ਦੌਰਾਨ ਵਿਰੋਧੀ ਨਾਅਰੇ
ਮੌਜੂਦਾ ਹਾਲਾਤਾਂ ਵਿੱਚ ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਕੀਮਤ ਘਰੇਲੂ ਸੋਨੇ ਅਤੇ ਚਾਂਦੀ ਦੇ ਭਾਅ ‘ਤੇ ਸਿੱਧਾ ਪ੍ਰਭਾਵ ਪਾ ਰਹੀ ਹੈ। ਇਸ ਕਰਕੇ ਆਉਣ ਵਾਲੇ ਸਮੇਂ ਵਿੱਚ ਰੁਪਏ ਦੀ ਚਾਲ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਨੂੰ ਨਿਰਧਾਰਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਏਗੀ।
