ਨਵੀਂ ਦਿਲੀ: ਟੀਵੀ ਇੰਡਸਟਰੀ ਦਾ ਮਸ਼ਹੂਰ ਚਿਹਰਾ ਬਣ ਚੁੱਕੇ ਇੰਫਲੂਐਂਸਰ ਐਲਵਿਸ਼ ਯਾਦਵ ਇਨ੍ਹਾਂ ਦਿਨਾਂ ਇੱਕ ਵੱਡੇ ਵਿਵਾਦ ਵਿੱਚ ਘਿਰੇ ਹੋਏ ਹਨ। ਉਨ੍ਹਾਂ ਉੱਤੇ ਦੋਸ਼ ਲੱਗਾ ਹੈ ਕਿ ਉਹਨਾਂ ਨੇ ਇੱਕ ਬੱਚੇ ਦੀ ਮਦਦ ਲਈ ਆਪਣੇ ਫੈਨਜ਼ ਤੋਂ ਪੈਸੇ ਇਕੱਠੇ ਕਰਨ ਦੀ ਅਪੀਲ ਕੀਤੀ ਸੀ ਜਿਸਨੂੰ ਐਨਜੀਓ ਸਕੈਮ ਦਾ ਨਾਮ ਦਿੱਤਾ ਗਿਆ। ਇਹ ਦੋਸ਼ ਕਾਮੇਡੀਅਨ ਮੁਨਵਰ ਫਾਰੂਕੀ ਵੱਲੋਂ ਲਗਾਇਆ ਗਿਆ ਸੀ ਜਿਸਦੇ ਬਾਅਦ ਹੁਣ ਐਲਵਿਸ਼ ਦਾ ਜਵਾਬ ਸਾਹਮਣੇ ਆਇਆ ਹੈ।
ਨੋਰਾ ਫਤਿਹੀ ਦਾ ਸੜਕ ਹਾਦਸਾ: ਕਾਂਸਰਟ ‘ਤੇ ਜਾਣ ਦੌਰਾਨ ਵਾਪਰੀ ਅਣਚਾਹੀ ਘਟਨਾ
ਇਹ ਮਾਮਲਾ ਵੀਰਵਾਰ 18 ਦਸੰਬਰ ਨੂੰ ਸ਼ੁਰੂ ਹੋਇਆ ਜਦੋਂ ਐਲਵਿਸ਼ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡੀਓ ਜਾਰੀ ਕੀਤੀ। ਉਸ ਵੀਡੀਓ ਵਿੱਚ ਉਹ ਦੱਸ ਰਹੇ ਸਨ ਕਿ ਇੱਕ ਬੱਚੇ ਨੂੰ ਇਲਾਜ ਲਈ ਮਹਿੰਗੇ ਇੰਜੈਕਸ਼ਨ ਦੀ ਲੋੜ ਹੈ ਜੋ ਅਮਰੀਕਾ ਤੋਂ ਆਉਣਾ ਹੈ। ਉਸ ਬੱਚੇ ਦੇ ਪਰਿਵਾਰ ਨੂੰ ਲਗਭਗ ਨੌ ਕਰੋੜ ਰੁਪਏ ਦੀ ਜ਼ਰੂਰਤ ਹੈ ਤਾਂ ਜੋ ਉਹ ਇੰਜੈਕਸ਼ਨ ਭਾਰਤ ਲਿਆ ਸਕਣ। ਇਸ ਕਰਕੇ ਐਲਵਿਸ਼ ਨੇ ਆਪਣੇ ਫੈਨਜ਼ ਨੂੰ ਮਦਦ ਕਰਨ ਲਈ ਅਪੀਲ ਕੀਤੀ।
ਅਗਲੇ ਦਿਨ ਮੁਨਵਰ ਫਾਰੂਕੀ ਨੇ ਇੰਸਟਾਗ੍ਰਾਮ ਸਟੋਰੀ ‘ਤੇ ਇੱਕ ਵੀਡੀਓ ਜਾਰੀ ਕਰਕੇ ਇਲਜ਼ਾਮ ਲਗਾਇਆ ਕਿ ਕੁਝ ਐਨਜੀਓ ਇੰਫਲੂਐਂਸਰਜ਼ ਨੂੰ ਪੈਸੇ ਦੇ ਕੇ ਇਸ ਤਰ੍ਹਾਂ ਦੀਆਂ ਵੀਡੀਓਜ਼ ਬਣਵਾਉਂਦੇ ਹਨ ਤਾਂ ਜੋ ਲੋਕਾਂ ਦੇ ਜਜ਼ਬਾਤਾਂ ਦਾ ਫਾਇਦਾ ਚੁੱਕ ਕੇ ਡੋਨੇਸ਼ਨ ਇਕੱਠਾ ਕੀਤਾ ਜਾ ਸਕੇ। ਹਾਲਾਂਕਿ ਉਨ੍ਹਾਂ ਨੇ ਸਿੱਧਾ ਐਲਵਿਸ਼ ਦਾ ਨਾਮ ਨਹੀਂ ਲਿਆ ਪਰ ਲੋਕਾਂ ਨੂੰ ਲੱਗਿਆ ਕਿ ਇਹ ਇਸ਼ਾਰਾ ਸਿੱਧਾ ਉਸ ਵੱਲ ਹੀ ਸੀ।
CBI ਦੀ ਵੱਡੀ ਕਾਰਵਾਈ ਕਰਨਲ ਦੀਪਕ ਸ਼ਰਮਾ ਦੇ ਘਰੋਂ 2.23 ਕਰੋੜ ਨਕਦ ਬਰਾਮਦ
ਸ਼ਨੀਵਾਰ ਨੂੰ ਐਲਵਿਸ਼ ਨੇ ਐਕਸ ‘ਤੇ ਆਪਣਾ ਵੀਡੀਓ ਜਾਰੀ ਕਰਕੇ ਇਸ ਮਾਮਲੇ ‘ਤੇ ਚੁੱਪੀ ਤੋੜੀ। ਉਨ੍ਹਾਂ ਨੇ ਕਿਹਾ ਕਿ ਉਹ ਪਿਛਲੇ ਕੁਝ ਸਮੇਂ ਤੋਂ ਵਿਵਾਦਾਂ ਤੋਂ ਦੂਰ ਰਹਿੰਦੇ ਹਨ ਪਰ ਇਹ ਵੀਡੀਓ ਬਣਾਉਣ ਦੀ ਲੋੜ ਮਹਿਸੂਸ ਹੋਈ। ਐਲਵਿਸ਼ ਨੇ ਸਪਸ਼ਟ ਕੀਤਾ ਕਿ ਉਹ ਕਿਸੇ ਨੂੰ ਜਵਾਬ ਨਹੀਂ ਦੇ ਰਹੇ ਪਰ ਉਹਨਾਂ ਨੂੰ ਹਰ ਜਗ੍ਹਾ ਇਹ ਸੁਣਨ ਨੂੰ ਮਿਲ ਰਿਹਾ ਹੈ ਕਿ ਐਲਵਿਸ਼ ਨੇ ਸਕੈਮ ਕਰ ਦਿੱਤਾ ਪੈਸੇ ਲੈ ਲਏ। ਉਨ੍ਹਾਂ ਨੇ ਕਿਹਾ ਕਿ ਸਭ ਤੋਂ ਪਹਿਲੀ ਗੱਲ ਇਹ ਹੈ ਕਿ ਉਹ ਕਿਸੇ ਦੀ ਮਦਦ ਲਈ ਪੈਸੇ ਨਹੀਂ ਲੈਂਦੇ। ਜੇਕਰ ਕੋਈ ਉਨ੍ਹਾਂ ਨੂੰ ਪੈਸੇ ਦੇ ਰਿਹਾ ਹੈ ਤਾਂ ਫਿਰ ਉਸਨੂੰ ਮਦਦ ਦੀ ਲੋੜ ਕਿਉਂ ਰਹਿੰਦੀ ਹੈ।
ਇਸ ਤਰ੍ਹਾਂ ਐਲਵਿਸ਼ ਨੇ ਆਪਣੇ ਸਟੈਂਡ ਨੂੰ ਸਾਫ ਕਰਦੇ ਹੋਏ ਕਿਹਾ ਕਿ ਉਹ ਸਿਰਫ਼ ਮਦਦ ਦੀ ਅਪੀਲ ਕਰਦੇ ਹਨ ਪਰ ਪੈਸੇ ਆਪਣੇ ਲਈ ਨਹੀਂ ਲੈਂਦੇ।
