ਨੈਸ਼ਨਲ ਡੈਸਕ: ਦੱਖਣੀ ਫਿਲਮ ਉਦਯੋਗ ਦੇ ਮਸ਼ਹੂਰ ਅਦਾਕਾਰ ਧਨੁਸ਼ ਇਸ ਸਮੇਂ ਇੱਕ ਗੰਭੀਰ ਕਾਨੂੰਨੀ ਮੁੱਦੇ ਦਾ ਸਾਹਮਣਾ ਕਰ ਰਹੇ ਹਨ। ਥੇਨੰਡਲ ਫਿਲਮਜ਼ ਨਾਮਕ ਪ੍ਰੋਡਕਸ਼ਨ ਹਾਊਸ ਨੇ ਉਨ੍ਹਾਂ ਨੂੰ ਵੀਹ ਕਰੋੜ ਰੁਪਏ ਦੇ ਮੁਆਵਜ਼ੇ ਦੀ ਨੋਟਿਸ ਭੇਜੀ ਹੈ। ਇਹ ਵਿਵਾਦ ਉਸ ਫਿਲਮ ਨਾਲ ਜੁੜਿਆ ਹੈ ਜੋ 2016 ਤੋਂ ਅਧੂਰੀ ਪਈ ਹੈ। ਪ੍ਰੋਡਕਸ਼ਨ ਹਾਊਸ ਦਾ ਦੋਸ਼ ਹੈ ਕਿ ਧਨੁਸ਼ ਨੇ ਫਿਲਮ ਲਈ ਸਮਝੌਤਾ ਕੀਤਾ ਸੀ ਪਰ ਕਦੇ ਵੀ ਸ਼ੂਟਿੰਗ ਸ਼ੁਰੂ ਨਹੀਂ ਕੀਤੀ ਜਿਸ ਨਾਲ ਕੰਪਨੀ ਨੂੰ ਵੱਡਾ ਨੁਕਸਾਨ ਝੱਲਣਾ ਪਿਆ।
ਹਾਈਟੈਕ ਸ਼ਹਿਰ ਵਿੱਚ ਕਿਵੇਂ ਚੱਲਦਾ ਰਿਹਾ ਇਹ ਧੰਧਾ — ਨੋਏਡਾ ਤੋਂ ਚੌਕਾਉਣ ਵਾਲਾ ਖੁਲਾਸਾ
ਥੇਨੰਡਲ ਫਿਲਮਜ਼ ਦੇ ਮੁਤਾਬਕ ਧਨੁਸ਼ ਨੇ ਨਾਨ ਰੁਦ੍ਰਨ ਨਾਮ ਦੀ ਫਿਲਮ ਲਈ ਅਦਾਕਾਰੀ ਅਤੇ ਨਿਰਦੇਸ਼ਨ ਦੋਵੇਂ ਦੀ ਜ਼ਿੰਮੇਵਾਰੀ ਸਵੀਕਾਰ ਕੀਤੀ ਸੀ ਪਰ ਸਕ੍ਰਿਪਟ ਪੂਰੀ ਨਾ ਹੋਣ ਅਤੇ ਹੋਰ ਕਾਰਨਾਂ ਕਰਕੇ ਪ੍ਰੋਜੈਕਟ ਰੁਕ ਗਿਆ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਇਸ ਫਿਲਮ ‘ਤੇ ਐਡਵਾਂਸ ਅਤੇ ਹੋਰ ਤਿਆਰੀਆਂ ਵਿੱਚ ਲਗਭਗ ਵੀਹ ਕਰੋੜ ਰੁਪਏ ਖਰਚ ਕਰ ਚੁੱਕੇ ਹਨ ਜਿਸ ਵਿੱਚ ਨਾਗਾਰਜੁਨ ਅੱਕਿਨੇਨੀ ਅਤੇ ਐਸ ਜੇ ਸੂਰਿਆ ਵਰਗੇ ਕਲਾਕਾਰਾਂ ਦੀ ਫੀਸ ਵੀ ਸ਼ਾਮਲ ਹੈ। ਪ੍ਰੋਡਕਸ਼ਨ ਹਾਊਸ ਦਾ ਇਹ ਵੀ ਦੋਸ਼ ਹੈ ਕਿ ਧਨੁਸ਼ ਨੇ ਇਹ ਪ੍ਰੋਜੈਕਟ ਅਧੂਰਾ ਛੱਡ ਕੇ ਹੋਰ ਫਿਲਮਾਂ ਦੀਆਂ ਤਾਰੀਖਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਜਿਸ ਨਾਲ ਫਿਲਮ ਪੂਰੀ ਤਰ੍ਹਾਂ ਰੁਕ ਗਈ।
ਥੇਨੰਡਲ ਫਿਲਮਜ਼ ਦੇ ਵਕੀਲ ਏ ਚਿਦੰਬਰਮ ਨੇ ਕਿਹਾ ਹੈ ਕਿ ਜੇ ਧਨੁਸ਼ ਨੇ ਨਿਰਧਾਰਤ ਸਮੇਂ ਵਿੱਚ ਮੁਆਵਜ਼ਾ ਨਹੀਂ ਦਿੱਤਾ ਤਾਂ ਉਹ ਕਾਨੂੰਨੀ ਕਾਰਵਾਈ ਕਰਨ ਲਈ ਮਜਬੂਰ ਹੋਣਗੇ। ਇਸ ਮਾਮਲੇ ‘ਤੇ ਧਨੁਸ਼ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਿਕ ਬਿਆਨ ਨਹੀਂ ਆਇਆ ਜਿਸ ਕਾਰਨ ਉਨ੍ਹਾਂ ਦੇ ਪ੍ਰਸ਼ੰਸਕ ਅਤੇ ਫਿਲਮ ਉਦਯੋਗ ਦੇ ਲੋਕ ਉਨ੍ਹਾਂ ਦੀ ਪ੍ਰਤੀਕਿਰਿਆ ਦੀ ਉਡੀਕ ਕਰ ਰਹੇ ਹਨ।
dhanush-incomplete-film-production