Asian Games Sports News : ਭਾਰਤੀ ਟੇਬਲ ਟੈਨਿਸ ਟੀਮ ਨੇ ਏਸ਼ੀਆਈ ਖੇਡਾਂ 2026 ਦੇ ਤੀਜੇ ਦਿਨ ਦੀ ਸ਼ੁਰੂਆਤ ਇੱਕ ਸ਼ਾਨਦਾਰ ਜਿੱਤ ਨਾਲ ਕੀਤੀ। ਸੁਤੀਰਥਾ ਮੁਖਰਜੀ, ਸਿੰਡਰੇਲਾ ਦਾਸ ਅਤੇ ਸ੍ਰੀਜਾ ਅਕੁਲਾ ਦੀ ਤਿਕੜੀ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਇੱਕਤਰਫਾ ਮੁਕਾਬਲੇ ਵਿੱਚ ਪਾਕਿਸਤਾਨ ਨੂੰ 3-0 ਨਾਲ ਹਰਾਇਆ।
INDIA WINS THE FIRST SET IN TT 🏓
— The Khel India (@TheKhelIndia) September 21, 2026
Sutirtha Mukherjee Beats Pakistan’s Aleena Khan 3-0 (11-3, 11-3, 11-4) 🔥
🇮🇳 India 1-0 Pakistan 🇵🇰 pic.twitter.com/ojeRLccFk6
ਸੁਤੀਰਥਾ ਮੁਖਰਜੀ ਨੇ ਭਾਰਤੀ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿਵਾਈ। ਪਾਕਿਸਤਾਨ ਦੀ ਅਲੀਨਾ, ਸੁਤੀਰਥਾ ਦੇ ਸਾਹਮਣੇ ਪੂਰੀ ਤਰ੍ਹਾਂ ਦਬਾਅ ਹੇਠ ਨਜ਼ਰ ਆਈ; ਭਾਰਤੀ ਖਿਡਾਰਨ ਨੇ ਪੂਰੇ ਮੈਚ ਦੌਰਾਨ ਦਬਦਬਾ ਬਣਾਈ ਰੱਖਿਆ ਅਤੇ ਆਪਣੀ ਵਿਰੋਧੀ ਨੂੰ ਵਾਪਸੀ ਕਰਨ ਦਾ ਕੋਈ ਮੌਕਾ ਨਹੀਂ ਦਿੱਤਾ।
ਸੁਤੀਰਥਾ ਨੇ ਸ਼ਾਨਦਾਰ ਖੇਡਦਿਆਂ ਪਹਿਲੀ ਗੇਮ 11-3 ਨਾਲ ਜਿੱਤੀ। ਉਸਨੇ ਦੂਜੀ ਗੇਮ ਵਿੱਚ ਵੀ ਆਪਣਾ ਦਬਦਬਾ ਕਾਇਮ ਰੱਖਿਆ ਅਤੇ ਉਸੇ ਸਕੋਰ (11-3) ਨਾਲ ਜਿੱਤ ਦਰਜ ਕੀਤੀ। ਤੀਜੀ ਗੇਮ 11-4 ਨਾਲ ਜਿੱਤ ਕੇ ਸੁਤੀਰਥਾ ਨੇ ਮੈਚ ਆਪਣੇ ਨਾਂ ਕੀਤਾ ਅਤੇ ਭਾਰਤ ਨੂੰ 1-0 ਦੀ ਬੜ੍ਹਤ ਦਿਵਾਈ।
🇮🇳 INDIAN WOMEN TEAM THRASH PAK 🇵🇰 3-0 IN TABLE TENNIS CLASH AT ASIAN GAMES!
— The Khel India (@TheKhelIndia) September 21, 2026
✅ Sutirtha Mukherjee 3-0
✅ Syndrela Das 3-0
✅ Sreeja Akula 3-0
Our Girls didn’t event loose a single set, totally dominated everywhere! 💪
WELL DONE GIRLS! 🔥🔥🔥 https://t.co/gRJ21SxyFy pic.twitter.com/eUhJrbFKsx
ਇਸ ਤੋਂ ਬਾਅਦ, ਸਿੰਡਰੇਲਾ ਦਾਸ ਨੇ ਦੂਜੇ ਮੈਚ ਵਿੱਚ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਇਸ ਨੌਜਵਾਨ ਭਾਰਤੀ ਖਿਡਾਰਨ ਨੇ ਪਾਕਿਸਤਾਨ ਦੀ ਕੁਲਸੁਮ ਖਾਨ ਵਿਰੁੱਧ ਹਮਲਾਵਰ ਖੇਡ ਦਿਖਾਈ ਅਤੇ ਉਸਨੂੰ 11-6, 11-7, 11-5 ਨਾਲ ਆਸਾਨੀ ਨਾਲ ਹਰਾ ਕੇ ਭਾਰਤ ਦੀ ਬੜ੍ਹਤ ਨੂੰ 2-0 ਤੱਕ ਪਹੁੰਚਾ ਦਿੱਤਾ। ਕੁਲਸੁਮ ਨੂੰ ਕਾਫ਼ੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਹ ਸਿੰਡਰੇਲਾ ਦੇ ਸਾਹਮਣੇ ਕੋਈ ਖਾਸ ਟੱਕਰ ਨਹੀਂ ਦੇ ਸਕੀ।
Asian Games 2026, Table Tennis Women’s Team – Group F, India defeated Pakistan 3–0 to top the group and advance to the Round of 16.
— SAI Media (@Media_SAI) September 21, 2026
Sutirtha Mukherjee, Syndrela Das (TOPS Development) and Sreeja Akula (TOPS Core) delivered three straight wins for India.
Next Match: 22 September… pic.twitter.com/HQRNw8COUL
ਸ੍ਰੀਜਾ ਅਕੁਲਾ ਨੇ ਤੀਜਾ ਮੈਚ ਜਿੱਤ ਕੇ ਭਾਰਤ ਦੀ ਜਿੱਤ ‘ਤੇ ਮੋਹਰ ਲਗਾਈ। ਉਸਨੇ ਪਾਕਿਸਤਾਨ ਦੀ ਫਾਤਿਮਾ ਖਾਨ ਵਿਰੁੱਧ ਮੁਕਾਬਲੇ ਵਿੱਚ ਦਬਦਬਾ ਬਣਾਇਆ ਅਤੇ 11-4, 11-4, 11-5 ਨਾਲ ਜਿੱਤ ਹਾਸਲ ਕੀਤੀ। ਸ੍ਰੀਜਾ ਦੀ ਜਿੱਤ ਨਾਲ ਭਾਰਤ ਨੇ ਪਾਕਿਸਤਾਨ ਨੂੰ ਕਰਾਰੀ ਹਾਰ ਦਿੱਤੀ ਅਤੇ ਕੁਆਰਟਰ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕੀਤੀ। ਭਾਰਤ ਨੇ ਏਸ਼ੀਆਈ ਖੇਡਾਂ 2026 ਦੇ ਦੂਜੇ ਦਿਨ ਦੋ ਤਗਮੇ ਜਿੱਤੇ। ਭਾਰਤੀ ਮਹਿਲਾ ਟੀਮ ਨੇ 10 ਮੀਟਰ ਏਅਰ ਰਾਈਫਲ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ। ਇਸ ਦੇ ਨਾਲ ਹੀ, ਏਲਾਵੇਨਿਲ ਵਾਲਾਰੀਵਾਨ ਨੇ ਵੀ 10 ਮੀਟਰ ਏਅਰ ਰਾਈਫਲ ਦੇ ਵਿਅਕਤੀਗਤ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਹਾਸਲ ਕੀਤਾ।
