Clothes Washing Job:ਕੱਪੜੇ ਧੋਵੋ, ਵਿਦੇਸ਼ ਘੁੰਮੋ ਤੇ ਪਾਓ ₹90 ਲੱਖ! ਪਰ ਇਹ ਹਨ ਸ਼ਰਤਾਂ; ਵਾਇਰਲ ‘ਡ੍ਰੀਮ ਜੌਬ’ ਨੇ ਮਚਾਈ ਹਲਚਲ

4 weeks ਪਹਿਲਾ

Clothes Washing Job : ਸੋਸ਼ਲ ਮੀਡੀਆ ’ਤੇ ਅੱਜਕੱਲ੍ਹ ਲੰਡਨ ਦੀ ਇੱਕ ਨੌਕਰੀ ਦੀ ਵੈਕੈਂਸੀ ਨੂੰ ਲੈ ਕੇ ਕਾਫ਼ੀ ਚਰਚਾ ਹੋ ਰਹੀ ਹੈ। ਪਹਿਲੀ ਨਜ਼ਰ ਵਿੱਚ ਸੁਣਨ ਨੂੰ ਮਿਲਦਾ ਹੈ ਕਿ ਕੱਪੜੇ ਧੋਣ ਦੀ ਨੌਕਰੀ ਲਈ ਸਾਲਾਨਾ 90 ਲੱਖ ਰੁਪਏ ਮਿਲ ਰਹੇ ਹਨ, ਤਾਂ ਹਰ ਕੋਈ ਹੈਰਾਨ ਰਹਿ ਜਾਂਦਾ ਹੈ। ਬ੍ਰਿਟੇਨ ਦੀ ‘ਦ ਲੇਡੀ’ ਮੈਗਜ਼ੀਨ ਅਤੇ ‘ਬਿਊਚੈਂਪ ਪਾਰਟਨਰਜ਼’ ਏਜੰਸੀ ਰਾਹੀਂ ਆਈ ਇਹ ਵੈਕੈਂਸੀ ਸੁਣਨ ਵਿੱਚ ਜਿੰਨੀ ਆਸਾਨ ਲੱਗਦੀ ਹੈ, ਅਸਲ ਵਿੱਚ ਉੱਨੀ ਹੀ ਮੁਸ਼ਕਲ ਹੈ। ਆਓ ਜਾਣਦੇ ਹਾਂ ਕਿ ਇਸ 90 ਲੱਖ ਦੇ ਪੈਕੇਜ ਦੇ ਪਿੱਛੇ ਆਖ਼ਰ ਮਾਮਲਾ ਕੀ ਹੈ।

ਸਿਰਫ਼ ਕੱਪੜੇ ਧੋਣੇ ਨਹੀਂ, ਫੈਬਰਿਕ ਦਾ ਰੱਖਣਾ ਹੋਵੇਗਾ ਹਿਸਾਬ

ਇਹ ਕੋਈ ਆਮ ਨੌਕਰੀ ਨਹੀਂ ਹੈ। ਇਸ ਵਿੱਚ ਤੁਹਾਨੂੰ ਦੁਨੀਆ ਦੇ ਸਭ ਤੋਂ ਮਹਿੰਗੇ ਅਤੇ ਨਾਜ਼ੁਕ ਡਿਜ਼ਾਈਨਰ ਕੱਪੜਿਆਂ ਦੀ ਦੇਖਭਾਲ ਕਰਨੀ ਹੋਵੇਗੀ। ਕਿਹੜਾ ਕੱਪੜਾ ਕਿਸ ਤਰੀਕੇ ਨਾਲ ਧੋਣਾ ਹੈ, ਕਿਵੇਂ ਸੁਕਾਉਣਾ ਹੈ ਅਤੇ ਉਸ ਨੂੰ ਕਿਵੇਂ ਸੰਭਾਲ ਕੇ ਰੱਖਣਾ ਹੈ, ਇਸ ਦੀ ਪੂਰੀ ਸਮਝ ਹੋਣੀ ਚਾਹੀਦੀ ਹੈ। ਜ਼ਰਾ ਜਿਹੀ ਗਲਤੀ ਨਾਲ ਲੱਖਾਂ ਰੁਪਏ ਦੇ ਕੱਪੜੇ ਖਰਾਬ ਹੋ ਸਕਦੇ ਹਨ।

ਲਗਜ਼ਰੀ ਗੱਡੀਆਂ ਦੀ ਡਰਾਈਵਿੰਗ ਅਤੇ ਦੇਖਭਾਲ

ਇਸ ਨੌਕਰੀ ਵਿੱਚ ਸਿਰਫ਼ ਕੱਪੜੇ ਧੋਣ ਤੱਕ ਸੀਮਤ ਨਹੀਂ ਰਹਿਣਾ ਹੈ। ਤੁਹਾਨੂੰ ਮਾਲਕ ਦੀਆਂ ਲਗਜ਼ਰੀ ਕਾਰਾਂ ਵੀ ਚਲਾਉਣੀਆਂ ਹੋਣਗੀਆਂ। ਉਨ੍ਹਾਂ ਨੂੰ ਸੁਰੱਖਿਅਤ ਢੰਗ ਨਾਲ ਮੀਟਿੰਗਾਂ ਜਾਂ ਇਵੈਂਟਸ ਤੱਕ ਪਹੁੰਚਾਉਣਾ ਅਤੇ ਗੱਡੀਆਂ ਦੀ ਦੇਖਭਾਲ ਕਰਨਾ ਵੀ ਇਸ ਕੰਮ ਦਾ ਹਿੱਸਾ ਹੈ।

ਪਾਰਟੀਆਂ ਅਤੇ ਇਵੈਂਟਸ ਦਾ ਮੈਨੇਜਮੈਂਟ

ਮਾਲਕ ਦੇ ਘਰ ਹੋਣ ਵਾਲੀਆਂ ਵੱਡੀਆਂ ਅਤੇ ਹਾਈ-ਪ੍ਰੋਫਾਈਲ ਪਾਰਟੀਆਂ ਦੀ ਜ਼ਿੰਮੇਵਾਰੀ ਵੀ ਤੁਹਾਨੂੰ ਹੀ ਸੰਭਾਲਣੀ ਹੋਵੇਗੀ। ਮਹਿਮਾਨਾਂ ਦਾ ਧਿਆਨ ਰੱਖਣਾ ਅਤੇ ਘਰ ਦੀ ਵਿਵਸਥਾ ਨੂੰ ਚੰਗੀ ਤਰ੍ਹਾਂ ਚਲਾਉਣਾ ਵੀ ਇਸ ਰੋਲ ਦਾ ਹਿੱਸਾ ਹੈ।

ਲਗਾਤਾਰ ਵਿਦੇਸ਼ ਯਾਤਰਾਵਾਂ

ਮਾਲਕ ਸਾਲ ਵਿੱਚ ਕਰੀਬ 90 ਦਿਨ ਹੀ ਲੰਡਨ ਵਿੱਚ ਰਹਿੰਦੇ ਹਨ। ਬਾਕੀ ਪੂਰਾ ਸਾਲ ਉਹ ਦੁਨੀਆ ਭਰ ਵਿੱਚ ਘੁੰਮਦੇ ਰਹਿੰਦੇ ਹਨ। ਅਜਿਹੇ ਵਿੱਚ ਤੁਹਾਨੂੰ ਵੀ ਉਨ੍ਹਾਂ ਦੇ ਨਾਲ ਹਰ ਜਗ੍ਹਾ ਯਾਤਰਾ ਕਰਨੀ ਹੋਵੇਗੀ। ਇਸ ਲਈ ਤੁਹਾਡੇ ਕੰਮ ਕਰਨ ਦੇ ਘੰਟੇ ਤੈਅ ਨਹੀਂ ਹੋਣਗੇ, ਯਾਨੀ ਤੁਹਾਨੂੰ ਹਰ ਸਮੇਂ ਤਿਆਰ ਰਹਿਣਾ ਹੋਵੇਗਾ।

ਇੰਨੀ ਵੱਡੀ ਤਨਖਾਹ ਦਾ ਸੱਚ ਕੀ ਹੈ?

ਇਹ 90 ਲੱਖ ਰੁਪਏ ਦਾ ਪੈਕੇਜ ਸਿਰਫ਼ ਕੱਪੜੇ ਧੋਣ ਲਈ ਨਹੀਂ ਹੈ, ਸਗੋਂ ਇੱਕ ਹੀ ਵਿਅਕਤੀ ਤੋਂ ਕਈ ਤਰ੍ਹਾਂ ਦੇ ਕੰਮ ਕਰਵਾਉਣ ਲਈ ਹੈ। ਇਸ ਵਿੱਚ ਤੁਹਾਨੂੰ ਡਰਾਈਵਰ, ਲਾਂਡਰੀ ਐਕਸਪਰਟ, ਕੇਅਰਟੇਕਰ ਅਤੇ ਪਰਸਨਲ ਹੈਲਪਰ, ਸਾਰੀਆਂ ਭੂਮਿਕਾਵਾਂ ਇੱਕੋ ਸਮੇਂ ਨਿਭਾਉਣੀਆਂ ਹੋਣਗੀਆਂ।

ਸਭ ਤੋਂ ਵੱਡੀ ਸ਼ਰਤ ਇਹ ਹੈ ਕਿ ਮਾਲਕ ਦੀ ਨਿੱਜੀ ਜ਼ਿੰਦਗੀ ਅਤੇ ਪ੍ਰਾਈਵੇਸੀ ਨਾਲ ਜੁੜੀਆਂ ਗੱਲਾਂ ਨੂੰ ਪੂਰੀ ਤਰ੍ਹਾਂ ਗੁਪਤ ਰੱਖਣਾ ਹੋਵੇਗਾ, ਯਾਨੀ ਕਿਸੇ ਨੂੰ ਵੀ ਇਸ ਬਾਰੇ ਕੁਝ ਨਹੀਂ ਦੱਸਣਾ ਹੋਵੇਗਾ।